gedragskode en - Potchefstroom Gimnasium

word en waarvoor geen spesifieke prosedure of straf voorgeskryf word nie.
5.3.2 Kategorie 1-oortreding: Wangedrag van ‘n minder ernstige aard
Sien bylae AC@ vir ‘n lys van moontlike kategorie 1 oortredings.
5.3.2.1 Die beweerde wangedrag word aan die opvoeder aan diens geraporteer.
5.3.2.2 Die opvoeder aan diens ondersoek die bewerings en, indien hy van mening is dat die beweerde
gedrag wel wangedrag uitmaak en dat die wangedrag minder ernstig is, roep hy die beweerde
oortreder in en lig hom volledig in aangaande die bewerings teen hom.
5.3.2.3 Indien die oortreder die klagte ontken roep die opvoeder die persoon wat die klagte aanhangig
gemaak het in, asook enige ander persone wat moontlik meer lig op die saak kan werp.
5.3.2.4 Al die partye kry dan die geleentheid om hulle weergawe van die gebeure te gee en die opvoeder
en oortreder mag vrae aan hulle stel.
5.3.2.5 Indien die oortreder erken dat hy skuldig is aan die beweerde wangedrag of indien die opvoeder,
nadat die prosedure hierbo gevolg is, van mening is dat hy op ‘n oorwig van waarskynlikhede
skuldig is aan die beweerde wangedrag, lê die opvoeder die mees gepaste tugmaatreël/s soos in
paragraaf 6.1 hieronder, op.
5.3.2.6 Die opvoeder teken die oortreding asook die straf in die strafboek aan en hy en die leerder teken
daarby.
5.3.2.7 ‘n Oortreder kan binne sewe dae appèl aanteken teen die bevinding/s van die opvoeder by die
senior huisvaders, met vermelding van die redes vir die appèl. Die senior huisvaders moet beide
die betrokke opvoeder en leerder in mekaar se teenwoordigheid aanhoor en mag sodanige
getuies roep as wat hy nodig ag. Vrae mag deur beide die senior huisvaders, die opvoeder en die
oortreder aan sodanige getuies gestel word.
5.3.2.8 Na die aanhoor van ‘n appèl kan die senior huisvaders die skuldigbevinding bekragtig of tersyde
stel en/of die opgelegde strafmaatreël vervang met enige ander punte of strafmaatreël/s in
klousule 6.1 hieronder wat na sy mening meer gepas is. Sy beslising is finaal en word in die
strafboek aangeteken en hy en die leerder teken daarby.
5.3.3 Kategorie 2-oortreding: Wangedrag van ‘n ernstige aard of herhaalde wangedrag van ‘n
minder ernstige aard
Sien 5.6.2 vir ‘n lys van moontlike kategorie 2 oortredings en moontlike strafmaatreëls.
5.3.3.1 Die beweerde wangedrag word aan die opvoeder aan diens geraporteer.
5.3.3.2 Indien die opvoeder aan diens van mening is dat die beweerde gedrag wel ernstige wangedrag of
herhaalde wangedrag van ‘n minder ernstige aard uitmaak, rapporteer hy dit onverwyld aan die
senior huisvaders.
5.3.3.3 Indien die senior huisvaders nie met hom saamstem nie, word die prosedure soos uiteengesit in
paragraaf 5.3.2 hierbo gevolg.
5.3.3.4 Indien die senior huisvaders met hom saamstem, roep hy die oortreder in en lig hom volledig in
aangaande die bewerings teen hom. Daarna word die oortreder se ouers geskakel en ook
volledig ingelig.
5.3.3.5 Die sr huisvader wys ‘n opvoeder aan om die bewerings behoorlik te ondersoek en as aanklaer in
die saak op te tree.
5.3.3.6 Sodra die ondersoek afgehandel is bepaal die senior huisvaders ‘n datum, tyd en plek vir die
verhoor en stel die oortreder en sy ouers skriftelik daarvan, asook van die klagtes teen hom, in
kennis.
5.3.3.7 Die senior huisvaders tree op as voorsitter by die interne tugverhoor en kan ‘n persoon of
persone van sy keuse aanstel om hom as assesor by te staan; hierdie persoon / persone mag ‘n
regsgeleerde wees.
5.3.3.8 Die oortreder het die reg om deur sy ouers of ‘n medeleerder bygestaan te word by die verhoor.
5.3.3.9 Indien die oortreder die aanklag/te by die dissiplinêre verhoor ontken, word daar aan die aanklaer
geleentheid gebied om sy saak voor te lê, waarna dieselfde geleentheid aan die oortreder gebied
word.
-18