gedragskode en - Potchefstroom Gimnasium

4.3.4 Onwelvoeglike- of pornografiese materiaal of - voorwerpe
Koshuisleerders mag onder geen omstandighede enige onwelvoeglike- of pornografiese materiaal
of -voorwerpe in enige vorm in hulle besit hê, terwyl hulle op die koshuisterrein is nie. Hetsy dit in
die vorm van ‘n publikasie, soos boeke, tydskrifte, foto=s, tekeninge, ens, of in elektroniese of
digitale formaat, soos DVD=s, CD=s, >stiffies=, ens, of enige ander formaat, is. (2/3)
4.3.5 Dobbelary
Dobbelary van enige aard deur ‘n koshuisleerder op die koshuisterrein of in skool- of koshuisdrag
buite die koshuisterrein word verbied. (2)
4.3.6 Satanisme / okkultebedrywighede
Satanisme of enige okkultebedrywighede deur ‘n koshuisleerder, van watter aard ook al en al lyk
dit ook op die oog af hoe onskuldig, word in ‘n baie ernstige lig beskou en ten strengste verbied.
(2/3)
4.3.7 Ontgroening
4.3.7.1 Enige vorm van ontgroening word ten strengste verbied en sal daar streng teen oortreders
opgetree word. (3)
4.3.7.2 Geen senior of ander koshuisleerder mag enige graad 8 leerder op enige manier, hetsy fisies of
geestelik, afknou of leed aandoen of skade berokken nie. (2/3)
4.3.7.3 Die bekendstelling van graad 8 leerders aan die tradisies, gebruike en reëls van die onderskeie
koshuise word egter as belangrik geag vir hulle effektiewe inskakeling by die koshuislewe, en sal
die graad 8 koshuisleerders gevolglik deelneem aan ‘n sinvolle oriënteringsprogram onder leiding
van die onderskeie koshuisrade en hul voogde (graad 8 en 12) en onder die streng toesig van die
senior huisvaders of hul gevolmagtigdes.
4.3.7.4 Vir hierdie doel sal die graad 8 en 12 leerders, onder andere, saam ‘n verpligte spanbou- en
kenmekaarkamp gedurende die tweede naweek van elke jaar bywoon. Alle aktiwiteite gedurende
hierdie kamp sal plaasvind onder die streng toesig en beheer van die senior huisvaders en
opvoeders.
4.3.8 Onwelvoeglike taal
4.3.8.1 Vuil en onwelvoeglike taal hoort nie tuis by opgevoede mense nie en definitief ook nie by
koshuisleerders nie.
4.3.8.2 Die gebruik van vuil en onwelvoeglike taal deur koshuisleerders of die vloek van mede-leerders,
opvoeders, personeel, werkers, ens. word derhalwe ten strengste afgekeur en verbied. (1/2/3)
4.3.9 Aanranding, bakleiery of vuisslanery
4.3.9.1 ‘n Koshuisleerder mag nie enige opvoeder, werknemer, ander koshuisleerder of ander persoon
aanrand of dreig om hom aan te rand nie. (2/3)
4.3.9.2 ‘n Bakleiery of vuisslanery deur of tussen koshuisleerders word ook ten strengste verbied, so ook
die onverantwoordelike of nalatige optrede van een leerder teenoor ‘n ander wat hom moontlik
skade of nadeel kan aandoen of berokken. (2/3)
4.3.10 Diefstal en saakbeskadiging / vandalisme
4.3.10.1 Leerders moet mekaar en ander se privaatheid en eiendom respekteer.
4.3.10.2 Geen koshuisleerder mag die eiendom van die koshuis, ‘n opvoeder, ‘n personeellid, ‘n
mede koshuisleerder of enige iemand anders:
steel of wederegtelik toeëien nie (2/3); of
-13-