You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Laerskool Horison<br />
011 763 5630<br />
WEN! WEN! WEN!<br />
Die skool wat <strong>2009</strong> die beste aan<br />
Beeld in Onderwys programme<br />
deelneem, kan ‘n skootrekenaar<br />
van Dell ter waarde van<br />
R9 000 wen!<br />
Skole, bestel Leer<br />
en Presteer en wen<br />
vakansies as pryse<br />
vir fondsinsameling<br />
Skakel:<br />
011 713 9147<br />
Lewensoriëntering<br />
Die Gautrein<br />
Wanneer die Gautrein in 2010 in bedryf gestel word, sal nie net Suid-Afrikaners<br />
met die trein ry nie, maar ook mense uit verskillende lande. Op die lughawe en die<br />
onderskeie stasies sal hierdie mense verversings wil geniet.<br />
Aangesien die Gautrein ‘n statustrein en ook ‘n advertensie vir ons land is, wil ons<br />
graag spog met gebalanseerde spyskaarte in die verskillende restaurante en<br />
eetplekke op die stasies.<br />
Verskillende kultuurgroepe eet verskillende tipes kos, eet op verskillende maniere<br />
en met verskillende eetgerei. Sommige eet met hulle hande, ander met ‘n mes en<br />
vurk, soms net met ‘n lepel of eet selfs met stokkies! Een ding is verseker; almal<br />
moet gebalanseerd eet om gesond te kan bly.<br />
Voordat jy met die aktiwiteit begin, moet jy eers die volgende<br />
deurlees:<br />
Mense het voedsel nodig vir<br />
• energie;<br />
• om gesond te bly;<br />
• om te groei en beskadigde weefsel te herstel.<br />
Voedingstowwe<br />
Die voedsel wat ons eet, bevat verskillende voedingstowwe. Elk van hierdie<br />
voedingstowwe is nodig vir die liggaam om gesond te wees. Daar is 7<br />
verskillende voedingstowwe en elkeen verrig ‘n spesifieke funksie in ons<br />
liggaam:<br />
1. Koolhidrate: verskaf energie vir die liggaam<br />
2. Proteïene: is nodig om nuwe selle te bou en die liggaam te laat groei.<br />
3. Ruvesel: is goed vir spysvertering.<br />
4. Vitamine: bou weerstand teen siektes en is verantwoordelik vir die<br />
instandhouding van al ons liggaam se funksies<br />
• Vitamien A - Is goed vir jou vel en oë.<br />
• Vitamien B1 - Is goed vir spysvertering.<br />
• Vitamien B2 - Is goed vir jou vel.<br />
• Vitamien C - Is goed vir jou tande en tandvleis.<br />
• Vitamien D - Is goed vir jou bene en tande.<br />
• Vitamien E - Is goed vir jou velweefsel.<br />
• Vitamien K - Is goed vir die stolling van jou bloed.<br />
5. Vette: Verskaf energie aan die liggaam.<br />
6. Minerale: Het elkeen hul eie funksie. Kalsium help bv. om jou bene en tande<br />
sterk te hou en yster help die bloed om suurstof te vervoer.<br />
7. Water: Help met die oplosprosesse in die liggaam en met spysvertering.<br />
Voedselgroepe<br />
Ons kan voedselsoorte volgens hulle voedingsinhoud in verskillende groepe<br />
klassifiseer. ‘n Gebalanseerde dieet bestaan uit voedsel uit elke voedselgroep<br />
in die regte hoeveelhede. Die vyf belangrikste voedselgroepe is die volgende:<br />
1. Melk en melkprodukte: Voedsel soos<br />
melk, kaas, joghurt, room en botter bevat<br />
kalsium, proteïene, koolhidrate, vitamiene<br />
A, B2, D en water.<br />
2. Vleis en vleis-alternatiewe: Voedsel<br />
soos hoender, vis, peulplante, vleis, eiers,<br />
en grondboontjies bevat proteïene, vet,<br />
yster, jodium en vitamiene B2, B3, B12. 4. Graan en graanprodukte:<br />
Voedsel soos brood,<br />
hawermout, bruinrys,<br />
graanprodukte en pasta bevat<br />
koolhidrate, vitamine B1, B2, vesel en yster.<br />
5. Vet en olie: Word verkry uit<br />
margarien, sonneblomolie,<br />
mayonnaise, room en diervet.<br />
Dit bevat vet en vitamiene A, D<br />
en E.<br />
3. Vrugte en groente: Vrugte en<br />
groente in enige vorm bv. vars,<br />
bevrore, gedroog en versap, bevat<br />
vitamiene A en C, koolhidrate, yster,<br />
kalsium, vesel en water.<br />
Aktiwiteit 1<br />
Vul die nommer van elke land op die regte plek op die wêreldkaart in.<br />
Aktiwiteit 2. Wat eet die wêreld?<br />
Bestudeer die onderstaande prentjies in groepe en skryf dan een voedselsoort<br />
wat eie is aan elke spesifieke land op die regte plek in die kolom neer. Skryf ook<br />
die naam van die land wat deur die prentjiie voorgestel word, neer.<br />
Illustrasie Nr. Naam van land Kossoort eie aan hierdie land<br />
4 Leer en Presteer graad 4 - 6, bylaag tot Beeld, Dinsdag 5 Mei <strong>2009</strong><br />
1<br />
2<br />
3<br />
4<br />
5<br />
6<br />
7<br />
8<br />
9<br />
Aktiwiteit 3<br />
Verdeel in groepe.<br />
Elke groep moet ‘n gebalanseerde spyskaart opstel wat eie is aan ‘n spesifieke<br />
landsburger se smaak en wat ook aan die vereistes vir ‘n gebalanseerde<br />
voedsame maaltyd voldoen (bly liefs weg van kitskosse).<br />
LW: Dink ‘n bietjie wyer as die gewone wegneemetes en kitskosrestaurante<br />
Groep 1: Stel 3 spyskaarte op wat die uiteenlopende smake van drie<br />
verskillende inheemse bevolkingsgroepe in Suid-Afrika sal<br />
weerspieël.<br />
Groep 1: Stel 3 verskillende spyskaarte saam wat aan die Oosterse<br />
bevolkingsgroepe se smaak sal voldoen (Sjinese, Japannese, Indiërs).<br />
Groep 1: Stel ‘n spyskaart op wat die Amerikaners sal laat voel dat hulle terug<br />
in Amerika is.<br />
Groep 1: Stel 3 verskillende spyskaarte op wat in verskillende Europese<br />
bevolkingsgroepe se smaak sal val. (Kies 3 uit die volgende: Duitse,<br />
Franse, Italiaanse, Griekse of Engelse geregte).<br />
LW: Jy kan óf uit die geregte in die blokkie hieronder kies óf jy kan jou eie<br />
geregte kies om die spyskaarte saam te stel.<br />
ONTHOU: Ons moet die volgende eet:<br />
Kosse wat ons energie gee: (koolhidrate, vette, olies wat in brood pasta,<br />
mieliemeel en graanprodukte verkry word).<br />
Kosse wat ons help groei (proteïene wat in vis, vleis, pluimvee, eiers, neute en<br />
melkprodukte verkry word).<br />
Kosse wat ons teen siektes beskerm (vitamiene en minerale wat in groente en<br />
vrugte verkry word).<br />
• Hamburger en skyfies, koolslaai/mengelslaai.<br />
• Lamskerrie met rys en eiervrug.<br />
• Moussaka, olywe en slaai.<br />
• Pizza met tamatie, kaas en ansjovis<br />
• Marog, brood, stampmielies, vleis en sous.<br />
• Bobotie, rys, groente, melktert, koeksisters<br />
• Braaivleis, pap, tamatiesous en groenslaai.<br />
• Stampmielies en bone, kool en wortels.<br />
• Pap, kool, pampoen en Amasi.<br />
• Eend, soetsuur sous en noedels.<br />
• Cha Chiang Mein (noedels in vleissous met fyngekapte groente).<br />
• Hoenderkasserol en kapokaartappels met groente.<br />
• Varktjops, aartappels, wortels, boontjies en slaai.<br />
• Soesji, Soesjirys, Sasjimi en sojaboonsous.<br />
• Water, vrugtesap, tee, koffie en melkskommel.<br />
• Die spyskaarte kan ook’n kombinasie van bg. bevat.<br />
• Kosse wat vesel verskaf om ons met ons spysvertering te help<br />
(graanprodukte).