Natuurwetenskappe en Tegnologie Graad 5-B - The Thunderbolt Kids

Die skedel van 'n Australopithecus Africanus wat in die
Sterkfonteingrotte by Maropeng gevind is.
Toeriste van oral oor die wêreld, selfs van Suid-Afrika, gaan kyk na
die grotte en die fossiele in die Wieg van die Mensdom en kry
ongelooflik baie kennis oor die geskiedenis van die mensdom. As
jy in of naby Johannesburg bly, was jy dalk al gelukkig genoeg om
Maropeng en die Wieg van die Mensdom te kon besoek.
AKTIWITEIT: Dink na oor die Wieg van die Mensdom.
Gebruik die inligting hierbo oor die Wieg van die Mensdom om
hierdie vrae te beantwoord.
1. Waarom is die Wieg van die Mensdom bekend?
2. Verduidelik waarom jy dink dit die Wieg van die Mensdom
genoem word.
3. Wat is die name van die twee bekendste hominiede fossiele
wat in die Wieg van die Mensdom gevind is?
4. Verduidelik waarom jy dink die fossiele by Maropeng deur die
landswette beskerm word.
172 Die Aarde en die Heelal