Vrystaat Landbou Jongboer finalis - Senwes Tuisblad

58
••• aGri-WENKE
Surplusmielies druk pryse af
Produsente is besig om mielies
te stroop en die vooruitsigte van ’n goeie oes en
’n gevolglike surplusvoorraad plaas die mielieprys
onder druk. Indien daar nie ’n plan met die surplusmielies
gemaak word nie, is die kanse goed dat die
prys ook die komende seisoen maar aan die lae
kant sal wees. Indien pryse op die huidige vlak bly,
sal lande met opbrengspotensiaal van tot ongeveer
2,5 t/ha, soos hierdie seisoen, ook nie die komende
seisoen winsgewend geplant kan word nie.
een manier om die prys op ’n meer aanvaarbare
vlak te kry, sal wees om die nasionale voorraadvlakke
met die verbruiksbehoeftes van die land te
balanseer. totdat daar nie ander planne of gebruike
vir die surplusmielies is nie, kan die situasie op
’n eenvoudige manier beredder word deur minder
mielies vir die komende seisoen te plant.
Produsente sal onthou dat ’n soortgelyke situasie
voor die 2005/2006-seisoen afgespeel het. Produsente
het saamgestaan en minder mielies geplant,
wat die gewenste uitwerking op die mielie-aanbod
en die prys gehad het.
wEiDiNGS
Beeste word uit alle oorde na gestroopte mielielande
aangery. maak die krippe gereeld skoon: mie -
lie pitte wat in die water beland gis en besoedel die
water. maak seker dat daar voortdurend genoeg
skoon drinkwater
beskikbaar is.
Voorsien ’n goeie
lek – dit help om
die prestasie van
die diere op die reste te
verbeter.
GROENTEGEwASSE
Junie en Julie is dooie maande en daar word nie
veel groente geplant nie. nou is die geleentheid om
kraalmis en kompos in die grond in te werk, sodat
dit goed ontbind is teen planttyd.
>
>>
>> sonneblom
Dries kruger
GRONDVOORBEREiDiNG
Raak ontslae van lastige kweekkolle in lande deur
die kolle gedurende die koue maande te ploeg en
dan met ’n tiller te krap. Die aksies maak die grond
droog en stel die wortels aan die koue bloot.
Die kleiner koringaanplantings hierdie seisoen
gaan tot gevolg hê dat, indien die nuwe somersei
soen-plantreëns vroeg voorkom, daar heelwat
vroeë sonneblom geplant gaan word.
Die negatiewe winsvooruitsigte van mielies
en koring die komende seisoen gaan die
aan plant van sonneblom stimuleer.
Wees dus maar versigtig om nie te veel
son ne blom te plant nie. alter na tie welik sal
dit wys wees om die verwagte oes betyds
teen prys daling te verskans.
KORiNG
Die heffing wat op ingevoerde koring aangekondig
is, is nie naastenby die bedrag wat die bedryf gevra
het nie. Wêreldvoorrade is op goeie vlakke, wat
die vooruitsigte op beduidende prysstyging hierdie
seisoen onder druk kan hou.
Weens die goeie somerreëns is die beskikbare
koringlande vol water, wat ’n goeie wegspring vir
die seisoen beteken. Indien daar in augustus en
September goeie reën val, kan ’n bogemiddelde
opbrengs, selfs teen dié lae prys, die vooruitsigte vir
’n winsgewende oes verbeter. S
Dries Kruger is ’n Senior Akkerboukundige by Senwes
Landboudienste. Vir meer inligting oor Agri-wenke, stuur ’n
e-pos aan dries.kruger@senwes.co.za of skakel Dries by (051)
430-2070 of 083 458 1299.
Vrywaring: Die aanbevelings en siening soos in die stuk vervat is dié
van die skrywer en word nie noodwendig deur Senwes ondersteun
nie, maar word ter goedertrou aangebied.
www.senwes.co.za • Junie 2010