Vrystaat Landbou Jongboer finalis - Senwes Tuisblad

kan oorleef, soos wat tans in die lande noord van
ons gebeur.
as Senwes homself vir hierdie groeigeleenthede
en uitdagings posisioneer en fokus behou, sal die
maatskappy in die volgende vyf jaar verdubbel en
weer verdubbel.
V: Senwes het in Mei 2010 bekend gemaak dat
die proses van notering nou aangepak word.
wat is jou mening hieroor?
A: Die afgelope vier jaar is daar hard gewerk
om ’n noteerbare onderneming te bou. Senwes
het in 2005 ’n roetekaart van waardeontsluiting
uiteengesit wat sou eindig in ’n notering teen 2008.
Die ineenstorting van die wêreldekonomie het die
besluit uitgestel tot waar ons vandag is. notering is
nou die logiese volgende stap tot waardeontsluiting
en die aanduiding is dat dit ’n sukses sal wees.
Wat egter belangrik is, is dat Senwes na sy
klante omsien en sy klante diens. Senwes het
nie net produsente as klante nie, daar is ook
onder andere graanafnemers wat in ’n baie dinamiese
omgewing voortdurend mededingend
moet kan kompeteer. en ’n produsent hoef nie ’n
aandeelhouer te wees om goeie diens van Senwes
te verwag en te kry nie.
V: is die noteringspad die uiteindelike roete
wat landboumaatskappye sal moet loop
om suksesvol en relevant te bly binne die
veranderende wêreld van landbou?
A: Dit verskil van maatskappy tot maatskappy, maar
ek dink landboubesighede sal uiteindelik almal dié
voorbeeld moet volg, omdat daar twee realiteite
is waarby hulle nie sal verbykom nie. eerstens
sal die voortsetting van hul huidige strukture
strategiese probleme oplewer met kritiese massa
en mededingendheid. tweedens het die behoud
van beheerstrukture ’n beperkte lewe en het die
argitekte daarvan nie beplan vir die dag wanneer die
aandeelhouers begin aftree nie. Dit laat die vraag:
“waarnatoe dan?” en dit skep die probleem dat alle
aandeelhouers wat op pad daarheen hul aandele
moes verkoop dit teen ’n geweldige diskonto moes
doen, wat sy eie morele vraag skep.
V: Enige ligte oomblikke oor die afgelope nege
jaar wat by jou opkom?
A: Ja, daar was baie, maar een wat my sal
bybly is toe ons jare gelede besluit het om die
Potchefstroom winkel te sluit en terug te skuif na
die oorspronklike winkel. Dié winkel is in die verlede
Junie 2010 • www.senwes.co.za
aKTUEEl •••
gebou en bevoorraad as ’n klein kruidenierswarehandelswinkel.
Dit het amper soos ’n Pick n Pay
gelyk, maar die konsep het nie gewerk nie. Daarom
het ons besluit om die gebou te sluit en te verkoop
en die winkel terug te skuif na die ou koöperasietak
toe.
’n Redelike bejaarde produsent bel my toe hy
die nuus kry van die winkel wat gaan sluit en vertel
van die wonderlike inkopie-ervaring wat hy en sy
vrou elke maand teen maandeinde by die winkel
ervaar, want daar is niemand in die gange wat in
hul pad is nie, hulle kan lekker rondloop in hierdie
fantastiese winkel, wat lugverkoeling en alles het;
hulle kan die waentjies vol laai en as hulle voor by
die betaalpunt kom, staan hulle ook nie in ’n tou
om te betaal nie. toe sê ek vir hom: “Dankie, oom.
Jy het jou vraag oor hoekom ek die winkel sluit, self
geantwoord!”
V: waarom het jy besluit om jou baadjie as
Besturende Direkteur op te hang?
A: my vertoef by Senwes verteenwoordig ’n
bepaalde era. Dit het begin by die omdraai van die
maatskappy en is voortgesit met die skoonmaak
van die portefeulje. Dit het die implementering van
’n groeistrategie ingesluit, sowel as transformasie
vir die personeel, die Direksie en aandeelhouers.
Daar was ook ’n bemagtigingstransaksie. Dit is
opgevolg met die verdubbeling van Senwes se
winsgewendheid en die aflewering van ’n noteerbare
maatskappy oor ’n tydperk van nege jaar.
Daar is nou binne die opmaak van die Senwes
portefeulje, die sukses wat die maatskappy bereik
het en die platform waarop die maatskappy nou
staan, geen rede waarom nuwe leierskap nie ’n
reuse-sukses daarvan kan maak nie. ek het gevoel
ek sluit liewer my loopbaan by Senwes hier af.
Johan se toekomsplanne sluit ’n kombinasie van
geleenthede in. Volgens hom sal hy wel binne
landbou en agri-besigheid bly, want dit is wat hy
ken, maar sy onmiddellike planne is om te ontspan
en aandag te gee aan ’n paar projekte in sy
persoonlike hoedanigheid.
Die besturende direkteur-pos word tans deur
Francois Strydom, Direkteur: Bedryf, volgestaan,
totdat ’n finale aankondiging oor Johan se opvolger
gemaak word. S
>>
Elmarie Cronje is die Redakteur van Senwes Scenario. Skakel
haar by (018) 468-2716 of stuur ’n e-pos aan elmarie@
infoworks.biz.
>
39