Vrystaat Landbou Jongboer finalis - Senwes Tuisblad

In Suid-Afrika is
vleisbees bobaas!
Jong beesvleisprodusente kán,
met die regte gesindheid en besluite, ’n sukses van
hul besighede maak.
So sê dr Jim mcgrann, ’n professor verbonde
aan die texas a&m universiteit en vise-president van
IFma (International Farm management association).
Dr mcgrann het tydens die Vrystaat landbou Jongboer
konferensie ’n toespraak gelewer oor hoe jong
beesprodusente sukses kan behaal. hier volg ’n
verwerkte uittreksel:
MCGRANN EN DiE SKAAl VAN BESTuuR
Die aspekte waarna gekyk moet word om sukses
te verseker, is doeltreffende bestuur, doelwitte en
mik punte, die vestiging van ’n kompeterende besigheids
praktyk, uitvoermarkte, reproduksie, weiding-
en inligtingsisteme, genetika en die ekonomie.
Volgens dr mcgrann is die ekonoom altyd ’n
stappie voor in landbou. Dit is omdat vraag-enaanbod
’n belangrike rol speel in winsgewendheid
en omdat die irrasionele verdeling van hulpbronne
daartoe sal lei dat ’n besigheid onderpresteer.
Besigheidsbestuursaktiwiteite wat noodsaaklik
is vir sukses, sluit in: meetbare resultate; voltooiing
en evaluering van finansiële state; aanvaarding
van verantwoordelikheid vir alle resultate – hetsy
goed of sleg; self-evaluasie en ’n strewe om voortdurend
te verbeter; sosiale verantwoordelikheid
vir werknemers, die gemeenskap en die land;
risiko bestuur; tydsbestuur en delegasie van verantwoordelikhede
en die motivering van mense om bo
die gemiddeld uit te styg.
KENNiS iS MAG
Opleiding, toewyding, die uitbreiding van kennis
en die doeltreffende gebruik van inligting word
toenemend belangriker en dus behoort suksesvolle
bestuurders slimmer te werk, nie noodwendig harder
nie. Verder moet werknemers goed opgelei wees in
die werk wat hulle moet doen.
Daar is ’n magdom inligting op die Internet
be-skik baar. Dit verg ’n opgeleide bestuurder om
rele vante inligting te selekteer en daarvan sin te
maak. Bestuurders moet dus oor goeie analitiese
Junie 2010 • www.senwes.co.za
vermoëns beskik om die beskikbare inligting en data
doeltreffend te kan benut. hulle moet ook op datum
wees – en bly – met nuwe tegnologiese ontwikkeling.
BEHOu JOu MEDEDiNGENDE VOORDEEl
Jongboere moet fokus op enigiets wat beesvleis
die gekose proteïenproduk onder verbruikers maak.
hulle moet weet wat die verbruikers se behoeftes
is en hoe om gepas daarop te reageer, want die
vraag na hul produk sal hul winsgewendheid dryf.
Produsente moet die veiligste produk met die
hoogste kwaliteit kan verseker.
wEES VERSiGTiG ViR uiTVOER
Produsente behoort eers op plaaslike vlak mededingend
te wees voordat hulle op interna sionale vlak
begin meeding. Baie beesvleis-uitvoerders bedien
’n groot plaaslike mark, met die uitsondering van
australië, nieu-Seeland en uruguay, wat ’n hoë
produksiekapasiteit het wat relatief is tot plaas like
vraag. uitvoerders is in ’n ewige stryd gewikkel om in
die mark te bly, weens beesvleis handelbeperkings.
OBSESSiEF OOR BEESRASSE?
as ’n produsent fokus op beesmarkvraag,
reproduksie, weidingsisteme en hoe om hoëkwaliteit
koste- en prestasie-inligting in stand te hou, sal hy
outomaties die regte keuses maak oor watter ras sy
produksie- en bestuursomgewing die beste sal pas.
genetiese verbetering van vleis beeste is ’n lae-koste
inset met kunsmatige inseminasie-opsies. Inligting
oor karkaswaarde, wat met kleinhandel-verkope
korrespondeer, is waardevol vir genetiese seleksie.
Bestuurders moet onthou dat dit nie altyd ’n
kwessie van produksie is nie, maar ook ’n kwessie
van koste.
hierdie is slegs ’n paar van die aspekte wat
deur dr mcgrann bespreek is, maar dit is belangrike
aspekte wat, indien dit goed toegepas word, ’n
beesboerdery op die pad na sukses kan plaas. S
>>
laNDBoU-TEGNiEK •••
Teks verwerk deur Louie Esterhuysen, kommunikasie kun de -
student aan die Noordwes Universiteit.
>
13