Slingervel Julie 2012.indd - CJBF

Slingervel, Jaargang 53
Nommer 935, Julie 2012
in hierdie uitgawe ...
2 Die redakteur skryf ...
3 Oom Nico se Possak
4 Waar kom die Bybel
vandaan? (7)
5 Spreuke vir die tiener
verklaar
6 Olifant Pienkoor
7 Wat is 'n parlement?
8 Kalbas en Snoet se
avonture (4)
9 Rondomtalieraai
10 Bybelleesrooster vir
Augustus
11 Ons Pretblad
12 Oordenkings vir
laerskoolkinders
14 Verjaardaghoekie
16 Medisyne uit die veld (2)
18 Bergraaisel
Kleutervers
19 Blokkiesraaisel 438
20 Oordenkings vir tieners
22 Boekeblad
24 Data word op Saturnus
se maan Titaan versamel
Die redakteur skryf ...
Watter soort musiek
sing ons in die erediens?
Musiek het sy eie kwaliteite en beginsels waarop dit beoordeel word.
Musiek verskil na gelang van die omstandighede waarbinne dit
funk sioneer. In ons tyd kry ons musiek wat op die operaverhoog
tuis hoort, ander is weer geskik vir klassieke orkesuitvoerings en ander dra
weer die inhoud van ’n popkonsert. Daar is minneliedjies, wiegeliedjies,
sportliedjies, humoristi ese liedjies, militêre liedjies, musiek vir kleuters en
musiek vir ti eners, musiek vir die klassieke liefh ebbers, musiek vir die aanhangers
van popmusiek.
Ter wille van bespreking staan ons sti l by kerkmusiek of die sogenaamde
“gospel”-musiek. Die groot gevaar is wanneer ’n melodie wat vir die een faset
van werklikheid geskik is, kriti ekloos op die terrein van ’n ander werklikheid
oorgedra word. ’n Mens sal tog nie vir ’n baba ’n wiegieliedjie sing op ’n
melodie wat geskik is vir ’n militêre parade nie. Jy sal ook nie ’n lofsang vir
die Here sing op ’n melodie wat bedoel is vir ’n sportbyeenkoms nie. Net so
min sal jy ’n psalmmelodie vir liedjies tydens ’n rugbydag gebruik.
Onlangs het daar egter drie “gospel”-liedjies ontstaan wat op platvloerse
wysies gesing word. Die drie melodieë is: a) Steve Hofmeyer se “Die Bloubul”;
b) Robbie Wessels se “Die Leeuloop”; en c) Bok van Blerk se “De la Rey”. Dié
drie melodieë is geneem en daar is godsdiensti ge woorde voor geskryf. Ons
kan sê dat hierdie drie liedere verchristelik is deur die nuwe inhoud wat
daar aan gegee is. Na die “verchristeliking” van die melodieë gaan dit nie
meer om die Blou Bulle, die Leeuloop en genl. De la Rey nie, maar dit gaan
om die mens se verhouding met God ingeklee in die ritme en klank van die
drie, doodgewone, vrolike en meesleurende melodieë.
Die musiek van dié drie genoemde liedere is daarop ingestel om aan
die inhoud van die liedere uiti ng te gee. Nou word die melodieë gegryp en
’n “Christelike” inhoud word daaraan gegee. ’n Melodie verloor nie sy kenmerke
van die bagasie wat dit aanvanklik gewild gemaak het by die massas
nie. Verder word die Naam van God in hierdie liedjies ydellik gebruik. Dit
is ontstellend om daaraan te dink dat God se Naam uitgeruil word in die
melodie vir die nuwe woorde met ’n bul, ’n jagse leeu en ’n boeregeneraal
met ’n roer en ’n groot kommando.
Onder geen omstandighede mag die mens heilige inhoud gee aan plat,
wêreldse liedjies nie. Op dié manier kan die gelowige hom nie voor God
stel nie.
Kerkmusiek is ’n besondere faset van musiek waardeur die mens God
kan loof, voor God sy sonde kan bely en in melodie en woorde aan sy dankbaarheid
teenoor God vir die verlossing in Jesus Christus uiti ng kan gee. Só
alleen sal die stem en lied van die gelowiges ’n ewigheidsklank hê. SV
2 slingervel julie 2012

Liewe Maats
Oom Nico se
possak
Hierdie maand is bykans die middel van die winter. Oral in ons land is dit
nie ewe koud nie. Ons land is baie groot en die verskillende dele van
die land verskil baie van mekaar. Een deel is veel warmer as ’n ander
deel en in een streek kan dit weer baie kouer word in die winter as in die ander
streke.
Die klimaat van ons land het ’n groot invloed op die leefwyse van mense.
Diegene wat genoeg warm klere en verwarmers of kaggels het om hulle heerlik
warm te maak, ervaar nie die winter soos daardie mense wat nie genoeg warm
klere of skuiling het nie. Dink maar net hoe koud jy kry as jy in die winter skool
toe moet gaan. Veral ons maats wat met fi etse skooltoe ry, kry bitter koud. Dit
pas ons as gelowiges om te dink aan die baie, baie kinders in ons land van
wie die lewensomstandighede so sleg is dat hulle nie warm klere, komberse of
verwarmers het nie of nie genoeg het nie. Dink maar aan al die kinders in die
plakkerskampe oral in ons land, ook die baie straatkinders wat nie ’n heenkome
het nie – ai, ’n mens wens darem dat jy in staat was om elkeen van hulle te kon
help, ook die kinders in baie arm huise.
Maats, al kan ons nie vir elkeen warm klere, snoesige komberse of
verwarmers gee nie, kan ons vir hulle bid. Dan moet ons die Here vra dat Hy
tog dié mense se lewensomstandighede sal verander. Ons moet ook bid dat die
Here die harte van al die mense wat genoeg geld en middele het, sal oopmaak
dat hulle moeite sal doen om mense wat in die koue winter baie swaar kry, te
help.
Ek wonder of daar iewers ’n Slingervelmaat is wat weet van aksies om die
arm mense te help, of wat self iets bydra. Laat weet ons asseblief indien jy
van so iets weet. Moontlik kan ons ’n Slingervel-projek loods om dié mense te
help. Intussen is dit elkeen wat ’n gelowige is se plig om by plaaslike aksies in
te skakel en ’n bydrae te maak vir die minderbevoorregtes. Praat ’n bietjie met
Mamma en Pappa hieroor. Miskien is daar ’n aksie in jou gemeente waarmee jy
kan saamwerk.
Hartlike groete en die allermooiste wense ook vir julle ouers en julle familie.
Julle moet onthou om
maandeliks vir Mamma
en Pappa die Slingervel
te wys en hulle aandag te
vestig op die arti kels wat
vir jou baie interessant is.
- Oom Nico
REDAKTEUR
Dr Nico vd Merwe
e-pos: slingervel@telkomsa.net
Tipografi e en uitleg
Joey Fourie
e-pos: kerkblad@gksa.co.za
MEDEWERKERS
Dr. Nico van der Merwe
Oordenkings vir tieners en laerskoolkinders
Marina Kotze
Junior Rubrieke en Penmaats
Riana Jonker
Verjaardaghoekie
Susan Lourens
Boekeblad
Tersia van der Merwe en Rina Myburgh
Blokkiesraaisels en Kopkrappers
Attie Venter
Wetenskap-Artikels
Rika du Plessis en Sophia van der Walt
Stories
Artikelskrywers dié uitgawe
Dr. Nico van der Merwe
Basjan
Tellie Skoop
Eienaars en uitgewers
Deputate vir Kerklike Tydskrifte
Gereformeerde Kerke in Suid-Afrika
Posbus 20008, Noordbrug 2522
Drukkers
V & R Drukkery
Tel. 012 333 2462
Intekening
Administratiewe Buro
Afdeling Publikasies
Posbus 20008, Noordbrug 2522
Tel: 018 297 3986
Intekengeld
R177,00 per jaar
(posgeld en BTW ingesluit)
Advertensietarief
Op aanvraag beskikbaar
by Wymie du Plessis, tel. 018 297 3986
Die Redakteur
Posbus 6433, Flamwood 2572
Bydraes en briewe
Posbus 6433,
Flamwood 2572
Jaargang 53
Nommer 935, Julie 2012
ISSN 0037 685 X
slingervel julie 2012 3

Die ontstaan van die Bybel deur die eeue (7) Basjan
God se Woord in
In hierdie artikelreeks het ons die ontstaan van die Bybel
gevolg van die heel begin totdat dit voltooi is. Die Ou Testament
is tussen die jare 1400 – 400 voor Christus geskryf en
die Nuwe Testament tussen die jare 45 – 95 na Christus. Die
Ou Testament is in Hebreeus en ’n klein deeltjie in Aramees
geskryf en die Nuwe Testament in Grieks. Die Ou en die Nuwe
Testament is op die Sinodes van Karthago in 397 en 419
as die Woord van God aanvaar. Dit was God se wil dat sy
Woord in die tale van die verskillende volke gelees sal kan
word. Met die koms van die Heilige Gees op Pinksterdag is die
verlossingsboodskap in verskillende tale aan die mense gepreek
(Hand. 2:4-11). Geleidelik is die Bybel in ander tale vertaal
soos die eeue gekom en gegaan het.
Die eerste gedrukte Bybels
In 1456 is die heel eerste Bybel deur Johannes Gutenberg
gedruk. Dit is die bekende “Gutenberg-Bybel”, wat ’n Latynse
vertaling van die Woord van God was. Die boekdrukkuns het dit
makliker gemaak om die Bybel in die verskillende volke se tale
te vertaal, te druk en te versprei.
Die eerste pogings vir ’n Afrikaanse Bybel
Die Bybel waarmee Jan van Riebeeck en die mense
saam met hom in die Kaap aangekom het, was die Hollandse
State vertaling. Vanaf 1700 vind ons die klein begin van die
Afrikaanse taal. Geleidelik het uit Hollands ’n nuwe taal gegroei,
Afrikaans. In 1872 het Arnoldus Pannevis vir die eerste keer
melding gemaak dat daar ’n behoefte is aan ’n Afrikaanse Bybel
vertaling. Op 14 Augustus 1875 word die Genootskap van
Regte Afrikaners gestig en word die vertaling van die Bybel in
Afrikaans al meer en meer bepleit. Op 15 Augustus 1885 word
dit aan ds. SJ du Toit opgedra om met die vertaling van die Bybel
in Afrikaans te begin. In 1889 verskyn ’n kort vertaling van ds.
SJ du Toit, Di Bybel in Afrikaans – Dri Proewe. Agtereenvolgens
verskyn vertalings van hom: Genesis (1893), Matteus (1895),
Open baring (1898), Psalme (1907), Markus (1908).
Verset teen die Afrikaanse vertaling
Daar het van alle kante heftige beswaar en verset gekom
teen die vertaling van die Bybel in Afrikaans. ’n Groot aantal
ker ke was baie negatief teenoor die Afrikaanse Bybelvertaling
ingestel. Vanaf 1914 het Afrikaans ’n plek op die skole begin
Afrikaans
verower en sou dit vir die kerke baie moeilik wees om Afrikaans
as kanseltaal teen te staan. Die Vrystaatse Sinode van die
NG Kerk het in 1916 besluit om die vertaling van die Bybel in
Afrikaans positief te bevorder. Met ’n vergadering op 22 November
1916 is besluit om amptelik vertalers te benoem om te
werk aan die Afrikaanse vertaling van die Bybel.
Die eerste Afrikaanse Bybelvertaling sien die lig
Die vertalers wat benoem is, was: Prof. Dr. JD du Toit (Totius),
dr. TB Muller, dr. BB Keet, dr. GBA Gerdener, prof. F Postma en
ds. NJ van der Merwe. Hulle het met volle oorgawe met die vertaling
begin en in 1928 verskyn ’n voorlopige uitgawe van die
Evangelies en die Psalms. Die groot taak van die vertaling van
die Afrikaanse Bybel is in 1932 voltooi en op 1 Junie 1933 kom
die eerste besending Afrikaanse Bybels in Tafelbaai aan. Op
Sondag 27 Augustus 1933 is dit ’n feesdag vir al die Afrikaanse
Kerke in Suid-Afrika toe die Afrikaanse Bybel amptelik ontvang
is. ’n Hersiening van hierdie vertaling is in 1953 gepubliseer as
’n Hersiene Afrikaanse Bybelvertaling.
Die tweede Afrikaanse Bybelvertaling
In Julie 1968 is daar tydens ’n vertalerseminaar besluit dat
die tyd aangebreek het vir ’n grondige nuwe vertaling van die
Bybel, aangesien Afrikaans as spreektaal in die vorige 50 jaar
geweldig gegroei het. Taal is iets wat groei en ontwikkel en dit het
’n nuwe vertaling noodsaaklik gemaak. Die Sinodes van die drie
Afrikaanse Kerke het met hierdie besluit ingestem, en so is vanaf
1971 ’n begin gemaak om die Bybel opnuut in Afrikaans te vertaal.
Op 24 Augustus 1979 is die uitgawe van die “Nuwe Testament
en Psalms” in die nuwe vertaling dankbaar ontvang. Op 2 Desember
1983 verskyn die tweede Afrikaanse Bybelvertaling.
Ten slotte
Ons het vanaf Januarie vanjaar maand vir maand die ontstaan,
groei, betekenis, beskikbaarheid en vertaling van die Bybel
nage gaan. Dit oorweldig mens as jy daaraan dink wat God
aan ons geskenk het, die boodskap van verlossing en die ewige
lewe in Afrikaans. Die Bybel wat jy in jou hand hou, kan jy in
moderne Afrikaans lees. En waar het dit begin? In die jaar 1400
voor Christus toe Moses die eerste boeke van die Ou Testament
begin skryf het. Die profeet Jesaja skryf: “Gras verdor en blomme
verwelk, maar die woord van ons God bly vir ewig” (Jes. 40:8). SV
4 slingervel julie 2012

Spreuke vir die tiener verklaar
Dr. Nico van der Merwe
Jy doen jouself skade aan
“Maar wie my nie wil vind
nie, doen homself skade aan;
wie my haat, hou van die
dood.”
Die wysheid van God word
jou aangebied en dit is kos -
baar der as enigiets in die skepping
(8:1-11). Daar is baie seëninge
in die navolging van die
wys heid van God (8:12-21). God
se wysheid is ewig en speel ’n rol
in die skepping van alles (8:22-
31). As jy die wysheid van God
weier, wag daar vir jou ’n stadige
en pynlike dood (Spr. 1:24-33).
Daar bestaan geen genade en uitkoms
vir die mense wat God se
wys heid verwerp en ignoreer nie
(8:33; 9:12; 29:1). Die navol ging
van God se wysheid is die enigste
manier om gelukkig, vooruit
strewend en suksesvol te kan
lewe.
Die inhoud van die Woord van
God word vir jou op verskillende
maniere gebring. Die Here gee dit
vir jou as jy die eredienste bywoon
en ook gereeld katkisasie toe
gaan. Jy ontvang God se wysheid
ook as jy self jou Bybel lees en
daar oor nadink. In Suid-Afrika is
ons in die bevoorregte posisie dat
ons vryelik uit die Bybel kan lees
en leer en dat daar nie vervolging
van die Christene is soos in baie
ander lande nie. Die groot gevaar
(Spr. 8:36)
is dat jy die woorde en wysheid van God kan ignoreer. Dit beteken in
werklikheid dat jy God ignoreer en jou nie aan Hom steur nie. Jy kan
ook teen God se woorde en wysheid rebelleer en daarteen in opstand
kom en jou rug op God keer as jy jou nie aan die Bybel steur nie, maar
net volgens jou eie goeddunke lewe. God se wysheid is nie ’n neem
dit of laat staan dit-saak nie. Jy het as tiener nie ’n opsie om van God
te verskil of saam te stem nie (Pred. 12:13-14; Joh. 4:24). Dit is nie
’n opsie om gedeeltes van die Bybel te aanvaar as Woord van God en
ander gedeeltes te verwerp nie (Ps. 119:128; 1 Tim. 6:3-5). God sê dat
die mensdom bestaan uit twee groepe (Ps. 1). Daar is die groepie wat op
die smal weg wandel en leef wat op die hemel uitloop en dan die tweede
groep wat op die breë weg gaan wat op die hel uitloop (Matt. 7:13-14).
God regeer in en oor jou lewe. Jyself is niks nie. God is die Pottebakker
en jy is die klei wat deur Hom gevorm word (Jes. 45:9-10; Rom. 9:20-
21). God vra nie jou goedkeuring nie. God vra dat jy Hom in die geloof
sal volg en die pad sal loop wat Hy vir jou gee. Die geloofspad is ’n
lewenspad volgens God se Woord. Iemand wat God hierin ignoreer of
sy rug op God draai, is vir ewig verdoem. Luister na die roepstem van
Spreuke en lewe gelowig en gehoorsaam volgens al die reëlings van die
Here. SV
slingervel julie 2012 5

Tannie Rika du Plessis
Daar woon ’n hele
klomp diere op die
groot plaas van
die vrugteboer. Buite om
die vrugteboorde is daar
allerhande soorte bome en
struike en baie lekker groen
gras. Vir diere wat van bome
hou, is daar genoeg bome,
en diere wat van gras hou,
leef te lekker daar. Vir baie
jare woon hier allerhande
soorte diere in vrede saam,
maar van verlede maand af
is daar kort-kort probleme
tussen van die diere.
Daar is net een olifant
op die plaas. Die boer het
hom self daarheen gebring,
want dis ’n klein olifantjie wat
nooit heeltemal grootgeword
het nie. Hy kon nie aanpas
tussen die ander olifante
nie, en toe het die boer hom
gekoop om na sy plaas toe
te bring. Die olifantjie is grys,
maar die binnekante van
sy groot ore is pienk. Nou
noem almal hom sommer
Olifant
Pienkoor
Olifant Pienkoor. Pienkoor is
die enigste wat sommer gou
agtergekom het hoekom die
diere nie meer so in vrede
leef soos altyd nie. Hy het die
vreemde bobbejane gesien
wat van ’n ander plaas af
daar by die kranse teen die
berg kom intrek het. Hy sien
ook hoe hulle van die ander
diere se kos steel en dit dan
laat lyk of dit van hulle maats
is wat dit doen.
Pienkoor weet hy moet
’n plan maak, maar hy weet
ook hy alleen sal niks hieraan
kan doen nie. Daarom kry
hy toe ’n slim plan. Hy stap
na die jakkalse toe en vra
hulle moet al die diere roep
om bymekaar te kom op
die oop stuk gras. Hy gaan
staan toe in die middel van
die stuk gras en wag tot al
die diere op die plaas daar
is. Die vreemde bobbejane is
nie daar nie, want hulle kruip
bedags weg. Dit is daarom
dat die ander diere nie van
hulle weet nie. Pienkoor
slaap naby die berg, en
daarom weet hy van hulle.
Pienkoor vertel nou vir
al die diere van hierdie
vreemde bobbejane wat al
die moeilikhede veroorsaak.
Oral klink verbaasde uitroepe
op oor die nuus. Die diere
wat baklei het, vra mekaar
om verskoning omdat hulle
hul onnodig beskuldig het
van dinge wat hulle nie
gedoen het nie. Pienkoor
vertel vir hulle van die plan
waaraan hy gedink het om
die bobbejane van die plaas
af weg te jaag terug na hulle
eie blyplek toe. Die diere
stem almal saam dat dit ’n
goeie plan is, en almal sal
hom daarmee help.
Daardie nag kom die vier
groot bobbejane weer in die
donker nader gesluip om
van hulle kos te kom steel.
Net toe hulle begin om van
die kos in hulle kieste te
6 slingervel julie 2012

stop en hande vol te vat om weg te dra, hoor
hulle ’n geluid soos ’n ding wat hard snork.
Hulle staan stil en kyk om hulle in die donker
rond. Skielik kom daar ’n groot wit ding na
hulle toe nader en die snorkgeluide word al
hoe harder. Dan is daar nog vier kleiner, wit,
bewegende gedaantes rondom die grote, en
hulle maak fyner snorkgeluide, só skerp dat die
bobbejane se ore eintlik seerkry. Uit die dieper,
donker skaduwees rondom die wit gedaantes
kom allerhande klaaggeluide van verskillende
stemme wat hulle nie kan sien nie. Hulle skrik
baie groot en laat val die kos uit hulle hande.
Die groot wit ding is nou sommer baie naby
aan hulle en die bobbejane se oë rek groot
terwyl hulle soos gevriesde goed bly staan.
“Wie is jy? Wie is julle? Hoekom maak julle
ons bang?” vra die een bobbejaan.
“Julle hoort nie hier nie. Gee pad van die
plaas af en gaan terug na die plek toe vanwaar
julle gekom het,” snorkpraat die groot, wit ding.
Die kleiner gedaantes snork skril en hardloop
al om en om die bobbejane. Hulle gryp aan
die bobbejane se sterte en byt daaraan en
hardloop dan weer al snorkende in die rondte.
“Nee, ons wil ook nou hier woon. Dis
niks lekker op die ander plaas nie,” roep die
grootste bobbejaan.
“Julle kom maak net moeilikheid hier tussen
die diere. Ek sal dit nie toelaat nie. As julle nie
padgee nie, kom spook ek en al hierdie ander
maats van my elke nag by julle waar julle
slaap. Julle sal nooit kan rus nie,” snorkpraat
die groot, wit gedaante weer.
“Ek weet nie van jou nie, maar ek is bang
vir spoke en ek gaan nie hier bly nie,” roep die
een bobbejaan en hardloop weg.
“Ek bly ook nie. My ouma het my van spoke
vertel. Ek soek hulle nie naby my nie,” roep
nog een en toe die ander twee sien hulle is
alleen, hardloop hulle ook weg.
“Pienkoor, jou plan het gewerk. Hulle is
weg,” roep die jakkalse wat nou almal die wit
kussingslope van hulle lywe afgehaal het. Hulle
help om die wit laken van Pienkoor af te haal.
Pienkoor lag te lekker. “Nou moet julle net
die lakens en kussingslope terug na die plaas
se buitekamer toe vat waar julle dit gekry het,
hoor. Julle sal nie meer deur die bobbejane
gepla word nie.”
En so het dit gekom dat Pienkoor die leier
van al die diere op die plaas geword het.
Hulle het nog lank lekker gelag vir die bang
bobbejane wat sommer aan spoke glo. SV
Wat is 'n parlement?
Oom Carel
Maats wat in die Kaap bly of al daar gaan
toer en kuier het, het seker gaan kyk na
die plek waar die parlement vergader. Die
parlement is die hoogste wetgewende liggaam van
'n land.
In Nederlands en Frans word ook gepraat van
parlement en in Engels, parliament. In Middel-
Nederlands het parlement “luide gepraat”, “samespreking”,
“vergadering van geestelikes” en ook
“vergadering beklee met gesag” beteken.
(Bronne: Idiome-Woordeboek, 1988.
Groot Tesourus van Afrikaans, 1994.
Etimologiewoordeboek van Afrikaans, 2003.
Verklarende Handwoordeboek van die Afrikaanse taal,
2003)
slingervel julie 2012 7

Tannie Rika du Plessis
Kalbas en Snoet
se avonture (4)
Kalbas en Snoet is vandag baie hartseer. Hulle het netnou by ’n
vreemde trop bobbejane aangekom, en was baie bly. Hulle het
gedink nou kan hulle deel van die trop word en dan nie nodig hê
om elke dag so alleen te sukkel om kos en slaapplek te kry nie.
Die bobbejaanleier van die trop het hulle weggejaag. Hulle wil nie
nog bobbejane in hulle trop hê nie. Die ou leier het vir Snoet ’n harde
klap op sy boud gegee en Snoet loop nou effens mank.
“My boud is seer, Kalbas. Ek het netnou daaroor gevryf en toe is
daar bloed aan my hand. Hy moes my met sy naels stukkend gekrap
het toe hy my geklap het.”
“Kom lê hier dat ek kan sien,” sê Kalbas. Hy is jammer vir sy
boetie en gaan kyk van naderby na sy boud.
“Hier is ’n stukkende plek. Dit is geswel ook. As jy hier bly lê,
gaan soek ek gou vir jou van daai blare wat Mamma altyd op ons
stukkende plekke gesit het.”
“Jy moenie my alleen hier los en nie weer terugkom nie, Kalbas.”
“Natuurlik nie. Ek sal net vinniger kan loop en soek as ek alleen is,
want jy loop nou mank.”
“Oukei, dan.”
Kalbas draf weg en soek en soek, maar hy kry nie van die blare
nie. Hy wil net moedeloos raak en maar omdraai na Snoet toe, toe
hoor hy ’n gekreun agter ’n dik boomstam. Stadig, versigtig loop hy
nader en loer om die stam. Dit is ’n baie groot aap wat daar lê.
“Dag, Aap. Wat makeer jou?” vra Kalbas versigtig om nie te naby
aan die groot aap te staan nie.
“Ek het op ’n gladde rots gegly en ver afgeval tot teen skerp
rotspunte. Dit het my stukkend gesteek hier teen my nek. Dit is baie
seer.”
“Het jy iets daaraan gesmeer?”
“Nee, ek is te swak om die blare te soek wat daarvoor sal help.
Hier het al te veel bloed uitgeloop en my maat is weg. Hy soek seker
na my, maar kan my nie kry nie. Wat soek jy so alleen hier?”
Kalbas vertel vir die aap van Snoet wat ook beseer is en hoekom
hulle so alleen rondloop.”
“Ek weet waar jy van die blare kan kry. As jy belowe om vir my ook
daarvan te bring, dan vertel ek jou. Jy kan my maar tannie Aap noem,
maar my naam is Rienie.”
“Natuurlik sal ek daarvan vir tannie Aap bring.”
Die aap verduidelik vir Kalbas waar om die blare te kry. Kalbas is
verbaas, want dit is nie ver van die aap af nie. Hy draf daar weg en
kry sommer gou die plant met
die blare wat hy soek. Hy pluk
’n klomp af en draf terug na die
aap toe.
“Hier is vir Tannie ’n klomp
blare. Nou moet ek na Snoet toe
hardloop om vir hom ook te gee.
Sal tannie Aap self die blare kan
fynmaak en op die stukkende
plek smeer?”
“Ja, ek kan dit darem nog
doen. Hardloop en gaan help jou
boetie. Baie dankie dat jy vir my
van die blare gebring het.”
Kalbas hardloop so hard as
wat hy kan terug na Snoet toe.
Hy sien Snoet is baie siek en
half aan die slaap. Hy praat ook
deurmekaar en Kalbas weet sy
boetie is koorsig. Hy kap die
blare op ’n klip fyn totdat dit soos
salf lyk. Hy smeer daarvan oor
die stukkende plek. Hy kan sien
Snoet kry koud. Dit moet seker
ook van die koors wees, want hy
wat Kalbas is, kry glad nie koud
nie. Kalbas kyk ’n bietjie rond en
sien ’n stuk sak wat teen ’n bos
vasgewaai het. Hy gaan haal dit
en gooi dit oor Snoet. Daarna
gaan lê hy styf teen Snoet om
hom warm te maak. Hy raak aan
die slaap.
8 slingervel julie 2012

Hulle word die volgende
oggend eers wakker.
“Haai, ek voel baie beter,” sê
Snoet en sit regop.
“Die blare het gehelp, en ek is
so bly,” sê Kalbas en vertel dan
vir Snoet van die aap en hoe hy
die blare gekry het.
“Dink jy nie ons moet gaan
kyk of die aap al beter voel nie?”
wil Snoet weet.
“Ja, ek dink ons moet, want
as dit nie vir haar was nie, het
ek dalk glad nie van die blare in
die hande gekry nie,” antwoord
Kalbas.
Hulle stap stadig na die aap
se boom toe, want Snoet kan
nog nie vinnig loop nie. Sy boud
is maar nog baie seer. Hulle kry
die aap nog daar agter die dik
boomstam waar Kalbas vir haar
die blare gegee het. Die aap sit
darem nou regop. Sy is bly om
vir Kalbas en Snoet te sien.
“Ek is so bly julle het kom
kuier. Ek wil weer dankie sê vir
die blare. Ek voel baie beter
en ek sal seker môre weer kan
opstaan en loop. Ek is baie
honger, maar sien nie kans om
nou al vir my te gaan kos soek
nie.”
“Ons is ook baie honger,
want met al die dinge wat gister
gebeur het, het ons toe nooit vir
ons kos in die hande gekry nie,”
vertel Kalbas.
“As julle links loop tot naby
die berg, sal julle ’n paar
maroelabome kry. Die maroelas
is al ryp en lekker,” sê die aap.
“Dankie, tannie Aap. Ons sal
vir jou ook bring, hoor,” sê Snoet.
“Snoet, bly jy by tannie Aap.
Jy loop self nog glad nie lekker
nie. Ek sal vir ons gaan maroelas
haal,” stel Kalbas voor.
“Dankie, Kalbas. Jy is ’n
goeie bobbejaantjie. Hier is ’n
plastieksak wat ek opgetel het.
Jy kan die maroelas daarin sit en dan kan jy dit makliker dra,” sê die
aap.
Kalbas draf weg in die rigting wat die aap beduie het en hy kan
amper nie sy oë glo toe hy op die maroelabome met die lekker ryp
vrugte afkom nie. Hy pluk die sak vol, maar voel dan dat dit te swaar
is om te dra. Wel, dan moet hy die sak maar sleep, dink hy. Maar sê
nou die sak skeur as hy hom sleep, dan rol die vrugte uit en hy het
niks om dit in te dra nie. Watter ander plan kan hy tog nou maak?
“Hoekom steel jy ons maroelas?” vra ’n dik stem skielik agter hom
en Kalbas vlieg om. Voor hom staan ’n reuse aap en kyk kwaai na
hom toe. Kalbas begin sommer bewe, maar vertel sommer vir die aap
alles van hom en Snoet en van die ander aap.
“Jy sê die aap se naam is Rienie?”
“J-ja, oom Aap.” Kalbas bewe nog, want hierdie aap is baie groter
as die tannie-aap.
“Ek soek al so lank na Rienie. Sy is my vrou, maar sy het
weggeraak. Gee daai sak maroelas en dan klim jy op my rug. Jy kan
my beduie hoe ek moet loop om by Rienie uit te kom. Ai, ek is nou so
bly ek het jou hier gekry, anders het ek Rienie dalk nooit weer gesien
nie. Dankie dat jy vir haar van die medisyneblare geneem het.”
So het dit dan gebeur dat Snoet en die aap weer gesond geword
het en dat hulle goeie vriende van die twee ape geword het. SV
Rondomtalieraai
1. Jesus het dit in die dorpe gedoen (Matteus 11:20).
2. Dit wag vir die sondige nasie (Jesaja 1:4).
3. Die Here se heerskappy sal nooit_______ nie (Daniël 6:27).
4. Een van Daniël se vriende (Daniël 1:19)
5. So ’n getal vooraanstaande vroue het ook nog bygekom
(Handelinge 17:4).
6. ’n Verstandige slaaf sal ’n ________ word (Spreuke 17:2).
7. Hulle word deur Jesus gereinig (Matteus 11:5).
8. Sy was te oud om kinders te hê (Romeine 4:19).
slingervel julie 2012 9
Tersia en Rina

Bybelleesrooster vir Augustus Dr. Nico van der Merwe
In die lewe van Jakob en sy gesin
vind jy riglyne hoe jy God moet dien
Woensdag 1 Augustus – Lees: Genesis 50:15-21
God stuur die lewe volgens sy wil (vs 19-20).
Donderdag 2 Augustus – Lees: Genesis 29:16-30 en 30:22-24
(vs 20)
Liefde verduur die tyd wat langsaam verbygaan.
Vrydag 3 Augustus – Lees: Genesis 37:1-11 (vs 3 & 11)
Jou rykdom en jou drome is belangrik.
Saterdag 4 Augustus – Lees: Genesis 37:12-28 (vs 24)
God span sy veiligheidsnet om Josef.
Sondag 5 Augustus – Lees: Genesis 37:29-36 (vs 35)
Die hartseer gevolge van die sonde.
Maandag 6 Augustus – Lees: Matteus 21:33-42 (vs 38)
Josef en Jesus se lewensloop kom ooreen.
Dinsdag 7 Augustus – Lees: Genesis 39:1-6a (vs 2)
Die rede waarom dit met Josef baie goed gaan.
Woensdag 8 Augustus – Lees: Genesis 39:6-12 (vs 8)
Dit is nie maklik om vir die sonde nee te sê nie.
Donderdag 9 Augustus – Lees: Genesis 39:13-20 (vs 20)
Betaal dit ’n mens om goed te doen? Kyk wat gebeur met Josef.
Vrydag 10 Augustus – Lees: Genesis 39:20-23 (vs 22)
Sonder God is ’n goeie tyd moontlik in ’n aaklige plek.
Saterdag 11 Augustus – Lees: Genesis 40:1 – 41:1 (vs 23)
Mens vergeet maklik die goeie optrede van iemand anders.
Sondag 12 Augustus – Lees: Genesis 41:1-8 (vs 8)
God begin Josef se vrylating uit die tronk voorberei.
Maandag 13 Augustus – Lees: Genesis 41:9-32 (vs 16, 25, 32)
God is aan die werk vir Josef se vrylating uit die tronk.
Dinsdag 14 Augustus – Lees: Genesis 41:33-45 (vs 41)
Soos God optree in die lewe, is die allerbeste.
Woensdag 15 Augustus – Lees: Genesis 41:46-57 (vs 51)
God laat jou die swaarkry en ellende vergeet.
Donderdag 16 Augustus – Lees: Genesis 42:1-24 (vs 7, 9)
Jou sondes haal jou een of ander tyd in.
Vrydag 17 Augustus – Lees: Genesis 42:25-36 (vs 35)
Josef toets sy broers se liefde vir mekaar.
Saterdag 18 Augustus – Lees: Genesis 42:35 – 43:10 (vs 36)
Jakob is negatief en depressief vanweë die swaarkry.
Sondag 19 Augustus – Lees: Genesis 43:11-15 (vs 11-12)
Jakob se hoop hang aan dun draadjies.
Maandag 20 Augustus – Lees: Genesis 43:16-34 (vs 34)
Josef se liefde blyk uit die feesmaal.
Dinsdag 21 Augustus – Lees: Genesis 44:1-17 (vs 16)
Josef se broers is uitgevang oor hulle optrede met Josef.
Woensdag 22 Augustus – Lees: Genesis 44:18-34 (vs 30-31)
Juda dink aan die verskriklike hartseer van sy pa Jakob.
Donderdag 23 Augustus – Lees: Genesis 45:1-3 & 2 Korintiërs
5:10
Josef se broers word tot in hulle diepste geskok.
Vrydag 24 Augustus – Lees: Genesis 45:1-4 en 14-15 (vs 2)
Trane van verligting en blydskap.
Saterdag 25 Augustus – Lees: Genesis 45:4-13 (vs 7)
Josef gaan terug na die toekoms toe.
Sondag 26 Augustus – Lees: Genesis 45:16-24 (vs 20)
Daar sal vir Josef se pa en broers gesorg word.
Maandag 27 Augustus – Lees: Genesis 45:25-28 (vs 28)
Jakob belewe die hemel voor hy sterf.
Dinsdag 28 Augustus – Lees: Genesis 46:1-7, 26-27 (vs 2)
God praat met Jakob opweg na Egipteland.
Woensdag 29 Augustus – Lees: Genesis 46:28-30 (vs 29)
Alles is goed wat goed eindig.
Donderdag 30 Augustus – Lees: Genesis 46:31 – 47:12, 27 (vs
10)
Die farao ontmoet vir Jakob by sy aankoms.
Vrydag 31 Augustus – Lees: Genesis 47:28-31 & 49:29 – 50:14,
22-26 (vs 31)
Jakob en Josef word nie in Egipte begrawe nie.
10 slingervel julie 2012

Wie kan hierdie vrae reg antwoord?
Wat het die dom ou met die vlooi in sy oor gedoen?
Hy het die vlooi met 'n pistool geskiet.
Wat is donker, maar word deur lig gemaak?
'n Skaduwee.
Wat trek “jellybabies” aan as dit reën?
“Gum boots.”
Wat gebruik Eskimo’s vir geld?
Yslollies.
Wat is die lekkerste besoekplek in Frankryk?
Die “trifl e”-toring.
Wat het die een kraan vir die ander kraan gesê?
O, maar jy is 'n ou drup.
Wat is 'n beet?
'n Aartappel met hoë bloeddruk.
Wat kry jy nadat dit geneem is?
'n Foto.
Wat is maklik om in te beland en moeilik om uit te kom?
Moeilikheid.
Wat is bakteria?
Die agterste ingang van 'n kafeteria.
Wat is 'n haarkapper se gewildste hond?
'n Sjampoodel.
Wat is altyd agter die tyd?
Die agterkant van 'n horlosie.
Wat gaan terselfdertyd op en af?
Trappe.
Wat word al hoe natter hoe meer dit droogmaak?
'n Handdoek.
Wat gaan op en kom nooit weer af nie?
Jou ouderdom.
Kom ons beantwoord ook 'n klompie hoe-vrae:
Hoe stop jy 'n mol om in jou tuin te grawe?
Steek sy graaf weg.
Hoe groet jy 'n spook?
Baie versigtig.
Hoe maak vissermanne hulle nette?
Hulle kry 'n klop gaatjies en werk dit aanmekaar.
Hoe kan motoriste die dood van die pad af hou?
Ry op die sypaadjies.
Hoe kan jy keer dat die hond nie op die agterste sitplek
van die kar blaf nie?
Sit hom op die voorste sitplek.
Hoe het die heks dit reggekry om gewig te verloor?
Sy het na “Weight Witches” toe gegaan.
Hoe kan jy van 'n boemerang ontslae raak?
Gooi dit af in 'n eenrigtingstraat.
Hoe het die grafgrawer gesterf?
Hy het 'n graf gegrawe vir iemand wat ter see begrawe
wou word.
ons pretblad
Die giftige slangetjie
Die baba-slangetjie begin meteens tog te droewig huil. Sy
ma wil weet wat die probleem is. “Ma, is ons baie giftig?”
vra hy. “Ja, hoekom?” vra sy ma. Die slangetjie word nog
meer hartseer en snik soos hy huil: “… want ek het nou
net my tong raak gebyt!”
“Monkeynuts“ of “peanuts”?
Die seuntjie stap die kafee binne en vra: “Kan ek asseblief
'n pakkie monkeynuts kry, oom?”
Die winkelier sê: “Boetman, monkeynuts is Engels.”
Die seuntjie se maat sê: “Hy bedoel eintlik peanuts, oom.”
Tatta, Mamma
Elize: “Ek het nie gesê Paul is dom nie. Ek het net gesê hy
was 28 voor hy “Tatta, Mamma kon sê.”
Bye staan in rye
Waar staan die bye tou as hulle wag vir 'n bus om hulle
huistoe te neem?
Hulle staan by die buzz-stop!
Lang riem
Kobus: “Hoe lank is 'n riem?”
Stoffel: “Twee keer so lank as van die punt tot in die
middel.
Vet motte
Casper: “Hoekom word motte nooit vet nie?”
Douw: “Want hulle eet net gate.”
Verjaardag-verwarring
Mnr. Bester: “Daan, wat is jou geboortedatum?”
Daan: “21 November.”
Mnr. Bester: “Watter jaar?”
Daan: “Elke jaar.”
Blêrende skape
Sarie: “Koos, wat rol jy so
rond?”
Koos: “Ek kan nie slaap
nie.”
Sarie: “Tel skape.”
Koos: “Dit help nie. Die
geblêr hou my wakker!”
Die agterstevoor hoed
Die agterstevoor hoed
“Hei! Jy het jou hoed
agterstevoor op!”
“Dit het niks met jou te
doen nie – hoe weet jy watter kant toe wil ek loop?”
slingervel julie 2012 11

dr. nico van der merwe
73. God is die een wat volledig vir jou sorg
Lees in jou Bybel Matt eus 14:15-21
Jy kan dalk sê dit gaan goed met jou. Jy het elke dag genoeg
om te eet, klere om aan te trek, ’n veilige huis om in
te bly, motors waarmee jy na al jou aktiwiteite geneem kan
word. As vir jou gevra word hoekom dit met jou goed gaan,
sal jy antwoord: “Pappa en Mamma werk hard om geld te
verdien en húlle sorg vir alles wat ek nodig het.” Natuurlik is
jou antwoord reg, maar ook nie heeltemal reg nie. In werklikheid
is dit die Here wat jou ouers help om te werk, sodat
hulle genoeg geld kan verdien om jou te versorg. Die mense
van die Galilea See het gesien hoe Jesus vir hulle met net
vyf brode en twee vissies genoeg kos gee. In die woestyn
het God vir die Israeliete brood, vleis en water gegee (Eks.
16, 17).
God versorg die mens deur sy skepping. Dit is Hy wat
die moontlikhede gee en ook die werk seën. Dit is God wat
deur Pappa en Mamma vir jou sorg. Ons moet weet alles
kom van Hom af en ons moet dankie sê.
75. Jesus Christus oorwin die duiwel
Lees in jou Bybel Lukas 8:26-39
Die duiwel stel hom net een doel voor oë en dit is om alle
mense van God afvallig te maak. Hy gebruik baie me todes
om mense te verlei om nie te doen wat reg is nie en om
te doen wat verkeerd is. Die duiwel probeer ook om jóú van
God afvallig te maak. Kom ons dit reguit: Dit is deur die verleiding
van die duiwel dat kinders stout en ongehoorsaam is.
Die duiwel hou nie van soet en gehoorsame kinders nie – hy
wil kinders lelik maak, veral wat hulle verhouding met die
Here betref. As jy waarlik in Jesus Christus glo en vir Hom
vra, sal Hy die duiwel uit jou hart verjaag, net soos Hy dit met
die man by die Galilea See gedoen het.
Die duiwel is te sterk en slinks vir ons as mense om hom
te oorwin. Daarom moet jy nie op jou eie probeer om die duiwel
te weerstaan nie. Jy sal nie kan nie.
Maar as jy in God glo, gee Hy jou deur sy Heilige Gees
die nodige krag, want Hy is sterker as die duiwel en red jou
van die duiwel.
77. Die lewe wat jy het, kom van God af
Lees in jou Bybel Matt eus 9:18-26
Jaïrus (Mark. 5:22) se dogtertjie was baie siek en het toe
ook gesterf. Onmiddellik ná haar dood gaan Jaïrus na
Jesus toe om van Hom hulp te vra. Jaïrus het geglo dat
Jesus sy dogtertjie uit die dood kan laat opstaan. Jesus hoor
as gelowige mense van Hom hulp vra. Jesus help mense
wat by Hom om hulp aanklop. Daarom het Jesus na Jaïrus
se huis ge gaan waar die liggaam van sy dogtertjie gelê het.
Jesus het haar “hand gevat en sy is uit die dood opgewek”
(vs 25).
Jesus wys hier dat Hy mag het oor die liggaamlike dood.
Jesus het ook mag oor die geestelike dood. Jy en van jou
maats is wel nie liggaamlik dood nie, maar as julle jul nie
aan die Here steur nie, Hom nie wil dien nie, is julle geestelik
dood. Wie geestelik dood is, beland in die hel.
Jesus is gekruisig om vir elke gelowige die lewe te gee.
God kan jou van jou geestelike dood red. Hy doen dit deur
Jesus Christus, jou Here.
74. God is ’n toevlug in die nood
Lees in jou Bybel Markus 4:35-41
Jesus was saam met sy dissipels in die skuit op die Galilea
See toe ’n verskriklike storm losbars. Al het die storm gewoed
en die dissipels van angs geskree, het Jesus rustig op
’n bank gelê en slaap. Omdat Jesus tydens die storm rustig
geslaap het, het die dissipels gedink dat Hy niks omgee nie.
Hulle is baie bang dat hulle in die storm sal doodgaan. Jesus
hoef nie bang te wees nie, want Hy is almagtig. Omdat Hy
alles kan doen, maak Jesus die storm stil. Toe praat Hy met
die dissipels omdat hulle so bang was en nie op God vertrou
het nie.
Daar is baie gevare in die lewe om ons. As kind moet jy
ver sigtig wees om jouself nie in gevaar te stel nie, maar jy
moet nie net steun op menslike middels om jou te beskerm
nie. Jy moet aardse metodes van beskerming gebruik, terwyl
jy op God alleen vertrou om jou te beskerm. In elke gebed
kan jy die Here vra om jou lewe teen alle gevare veilig te
maak.
76. God dra sy kinders deur alle moeilike tye
Lees in jou Bybel Johannes 6:16-21
Jesus se dissipels het op die Galilea See in ’n storm beland.
Hulle was baie bang dat hulle skuit sou sink en dat
hulle almal sal verdrink. Al het die stormwind hoe erg gewaai,
het hulle darem vyf of ses kilometer geroei. Toe sien
hulle iemand op die water na hulle toe aangeloop kom. Dit
was Jesus – en tog het hulle bang geword toe Jesus al baie
naby hulle was. Om hulle gerus te stel, sê Jesus: “Dit is Ek;
moenie bang wees nie.” Hier word nie gesê dat Jesus die
storm stilgemaak het nie, net dat Hy by hulle in die skuit
geklim het en dat hulle daar na veilig by die land uitgekom
het.
In hierdie gedeelte leer ons dat die Here Jesus nie mense
wat in Hom glo, in die steek laat nie.
As dit moeilik gaan in jou lewe as kind, kan jy vertrou dat
die Here jou krag sal gee. Hy sal nie altyd die gevaar wegneem
nie, maar Hy sal jou in die gevaar sterk maak en jou
be skerm.
78. Dit is God wat jou gesond maak
Lees in jou Bybel Markus 5:25-34
As jy siek is, neem Pappa of Mamma jou na die dokter
toe en hy gee vir jou medisyne wat jy moet gebruik om
ge sond te word. Daarmee is niks verkeerd nie. Jy moet jou
medisyne gehoorsaam drink. Maar jy moet ook meer doen.
Saam met die medisyne wat jy drink, moet jy tot God bid
en vra dat Hy die medisyne as ’n middel sal gebruik om jou
gesond te maak.
Die siek vrou van wie jy gelees het, was al 12 jaar siek
en het van die een dokter na die ander gegaan en hulle het
vir haar medisyne gegee, maar dit het niks gehelp nie. Sy
het egter opreg geglo dat Jesus vir haar kon doen wat die
me disyne en dokters nie kon nie. Daarom het sy net aan
Hom geraak – dit was vir haar genoeg – en sy het gesond
ge word.
As dankbare kind van die Here moet jy elke dag bid en as
jy siek word, moet jy die Here in gebed vra om jou gesond te
maak. God luister na opregte en oorgegewe gebede.
12 slingervel li l julie j li 2012

79. God help dié wat in Hom glo
Lees in jou Bybel Lukas 5:17-26
Gelukkig het die verlamde man vriende gehad wat hom
na Jesus toe kon neem. Hulle het alles probeer om
hom so na as moontlik aan Jesus te bring. Vanweë die baie
mense kon hulle dit nie regkry nie. Toe maak hulle ’n plan
– hulle maak ’n opening deur die dakteëls en laat sak die
man toe af, tot voor Jesus. Toe Jesus hierdie mans se sterk
geloof sien, help Hy hulle. Hy sê eers vir die verlamde man:
“Mens, jou sondes is jou vergewe” (vs 20). Dit is vir die man
belangriker om van sy sonde verlos te word as om van sy
verlamming gered te word. Maar Jesus gee hom altwee. Hy
word van sy sondes verlos en toe ook van die verlamming.
Jesus maak sy spiere gesond en gee hom krag om op te
staan en self verder te loop.
Onthou, ’n mens kan nie sonder geloof by die Here hulp
kry nie. Jy moet die Here nie net in jou nood ken nie, jy moet
Hom elke dag dien. Dan sal Hy volgens sy wil jou help waar
dit nodig is.
81. Verlos van die sondedood
Lees in jou Bybel Matt eus 8:1-4
In die tyd van die Bybel was melaatsheid ’n gevreesde
siek te, amper soos vigs in ons tyd, waarvoor daar nog nie
’n geneesmiddel is nie. Dokters kon mense wat in daardie
tyd melaats was, nie gesond maak nie. Elkeen wat melaats
was, het geweet dat hy daaraan sou doodgaan. Christus gebruik
melaatsheid as ’n voorbeeld van wat die sonde in jou
hart doen. Net soos melaatsheid die liggaam geleidelik afgebreek
het totdat die dood kom, so breek sonde die geestelike
lewe van die mens af totdat die geestelike dood kom.
As jy in jou sonde bly voortleef, sterf jy die ewige dood. As
Jesus egter die melaatse man gesondmaak, dan wys Hy
dat Hy sterker is as die sonde en dat Hy gelowiges van die
ewi ge dood kan red.
As kind word jy in die Woord van die Here geleer, sodat
jy God kan leer ken en in Hom glo. Elkeen wat glo, word van
die sonde verlos en sterf nie as ’n kind van Satan nie, maar
as ’n kind van God.
83. God weet waaraan jy ’n gebrek het
Lees in jou Bybel Lukas 6:6-11
Om gebrek te hê, is om iets te kort. As jy gebrek ly, is daar
iets wat jy nie het nie. As jy ’n gebrek aan kos het, het
jy nie kos om te eet nie. Gebrek aan water is wanneer jy nie
water het om te drink nie. ’n Gebreklike been of arm beteken
dat jy nie ’n gesonde been of arm het om reg te loop en te
vat nie. Ons kan aan baie dinge tekortskiet. Die gelowige
moet weet dat God sy gebrek ken. God sien waaraan jy gebrek
het. Die man waarvan ons in Lukas 6 gelees het, het
’n gebreklike regterhand gehad. Hy was in die sinagoge en
Jesus het hom gesien en hom gesond gemaak. God wil nie
hê dat die mens gebrek ly nie.
God het alles goed en volmaak geskep, maar die sonde
het die skepping versteur en daarom kom daar gebrek in ’n
mens se lewe.
Waaraan jy ook al gebrek het, kan jy die Here in jou gebe
de vertel. God sal nie elke keer jou gebrek wegneem nie,
maar Hy sal jou krag gee om dit te verduur.
80. Lewensvreugde kom van God af
Lees in jou Bybel Johannes 2:1-11
Jesus het nie wonderwerke gedoen nie, maar wondertekens
(lees Joh. 2:11; 4:45; 6:14; 7:31). Die wonders wat Hy gedoen
het, beteken iets. Na daardie betekenis moet ons soek
in die wonderteken van die water wat in wyn verander het.
Dit klink snaaks dat Jesus se eerste wonderteken water wat
Hy in wyn verander het, is. Moes Jesus nie teen die gebruik
van drank wees nie? Jesus leer ons om dit te gebruik en nie
te misbruik nie. Tydens die bruilof help Christus die mense
om vrolik en bly te wees. Jesus se lekker wyn het hulle daarin
gehelp.
God wil dat die mens vrolik en bly moet wees. Des te
meer omdat Hy as die Verlosser van die sondes gekom het.
Alles wat God geskep het, mag die mens gebruik – nie
mis bruik nie. Jy mag die lewe wat God gee, geniet; jy moet
vrolik en bly wees. Dit is nie sonde nie. As kind van die Here
kan jy weet dat God jou al die plesier en vrolikheid in die
lewe gun.
82. Jou nood is aan God bekend
Lees in jou Bybel Markus 1:29-31
Ons weet nie wat die dissipel Petrus se vrou se naam was
nie. Markus vertel egter hoe Jesus eenkeer sy vrou se
ma gesond gemaak het. Petrus se skoonma het in die bed
gelê met ’n baie hoë koors. Jy was dalk ook al siek, waartydens
jou koors baie hoog was – onthou jy hoe sleg jy toe
ge voel het? Petrus se skoonma kon sekerlik nie help met
kosmaak en die huis skoonmaak terwyl daar baie mense
saam met Jesus in die huis was nie. Petrus, sy vrou en die
ander huismense was sekerlik baie bekommerd oor die vrou
se siekte. Toe Jesus daarvan hoor, het hy gegaan en haar
gesond gemaak. God weet van die nood in ’n gelowige se
lewe. Siekte, swaarkry, nood, krisisse kom vanweë die sonde
in die lewe van die mens.
As Jesus siek mense gesond maak, dan wys Hy dat Hy
die sonde oorwin het en vir die mens ook verlossing van die
sonde gee, nie net verlossing van die gevolge van die sonde
nie.
84. Geloof gooi nie handdoek in nie
Lees in jou Bybel Matt eus 15:21-28
Geloof gooi nie tou op nie. Geloof verloor nooit moed nie.
Geloof is om God te ken en Hom te vertrou. Jesus het
só ’n geloof in die hart van die Kanaänitiese vrou gevind.
Dié vrou, wat in ’n heidense land leef, het by Jesus gepleit
dat Hy haar dogter tog van ’n bose gees moet kom verlos.
Jesus ignoreer haar eers. Hy maak of Hy haar nie hoor nie.
Die dissipels vra vir Jesus om haar weg te jaag, want sy pla
Hom. Sy het gehoor dat Jesus vir Israel gekom het. Al woon
sy in ’n heidense land, weet sy dat Jesus haar sal kan help.
Israel het in die Bybelse tyd die heidense volke as honde
beskou. Dié vrou sê vir Jesus dat sy maar net ’n hondjie is
wat die krummeltjies onder die tafel optel en eet. Dit is al wat
sy vra. Toe Jesus sien hoe opreg en vas sy glo, maak Hy
haar dogter gesond.
Deur die geloof kan God in jou lewe ook baie dinge bewerk.
Jy moet egter vas glo dat God dit kan doen en jy moet
die Here vir alles dankie sê.
slingervel li l jjulie li 2012
13

verjaardag verjaardaghoekie hoekie
Die volgende Vellies verjaar gedurende JULIE 2012 2012. Baie geluk aan elkeen van julle. Mag
julle 'n mooi jaar beleef! Skryf aan my! My adres is: Tannie Riana Jonker, Posbus 614,
Paardekraal 1752; of e-pos jonkerp@mweb.co.za Groete, Tannie Riana
1
Anja Kruger (Vanderbijlpark-Trinitas), Azel Bergh
(Heilbron), Christi Kruger (Lyttelton), Divan Albrech
(Bethal), Hendrik Nel (Secunda), Keitumetse
Diale (Randburg), Roné Pretorius (Heilbron), Talitha
Johnsen (Vereeniging-Oos).
2
Anton Buys (Secunda), Crystil Pretorius (Suidkus),
Junior Rich (Randburg), Rianco Rheeder
(Potchefstroom-Oos), Ziané van Biljon (Bloemfontein-
Suid).
3
Corlia Cornelius (Nylstroom), Ger-Jan van der
Mer we (Nylstroom), Louis Olivier (Krugersdorp),
Mary-Ann Ehlers (Laeveld), Suzel Lessing (Middelburg-Kaap),
Tayla Hols (Kuruman), Xander Marx
(Boksburg-Suid).
4
Cornel Nagel (Nylstroom), Helé Engelbrecht
(Berg bron), Isak van Aswegen (Alberton-Wes),
Marelize Kruger (Secunda), Suné Mostert (Suidkus).
5
Cobus Roestorff (Stilbaai), Devin Hartslief (Boksburg-Suid),
Eben Kruger (Benoni), Godfrey Ngozo
(Randburg), Jo-Dee Marman (Elsiesrivier), Robbie
van Eeden (Messina), Ruan Brown (Randburg).
6
Anita Steyn (Kathu), Clariska Venter (Laeveld),
La ra Scheepers (Laeveld), Vernon Fortune
(Berg bron), Yolandi van der Linde (Zeerust).
7
Andre Redgard (Randburg), Corlia Engelbrecht
(Se cunda), Dané Nel (Gobabis), Erika Bos (Lyttelton),
Franco Oosthuizen (George), Jano Schutte
(Magol).
8
Dynert Smit (Magol), Eduard Bakker (Benoni),
Janko Aucamp (Boksburg-Suid), Lydia-Mia John-
sen (Vereeniging-Oos), Michela Marnitz (Middelburg-
Mpumalanga), Neo Diale (Randburg), Nico le Roux
(Lyttelton), Rochelle le Roux (Lyttelton), Wian Smit
(Benoni).
14 slingervel sli s li ling ng nger er erve ve vel julie ju j li lie 20 2012
12
9
Bernalize Helberg (Magol), Elsie van der Walt
(Al berton-Wes), Hans-Christiaan Hoogendyk
(Kru gersdorp), Karina Kanes (Wolmaransstad), Koba
Mojela (Randburg), Lara Barnhoorn (Middelburg-
Kaap), Rosandra Harman (Zeerust), Sebastiaan
Coet zee (Heilbron), Wesley Robberts (Secunda), MC
van Damme (Burgersdorp).
10
Gideon van Vollenstee (Heilbron), Kakanyo
Ra mo koka (Randburg), Lukas Jansen van
Vuu r en (Wolmaransstad).
11
Brandon Rutherford (Potch-Die Bult), CJ van
der Merwe (Wolmaransstad), Danel En gelbrecht
(Zeerust), Jacques Scholtz (Bergbron), Jason
Olivier (Potchefstroom-Oos), Nico Minnie (Middelburg-Mpumalanga).
12
Arno Hattingh (Buffeldoorns), Chané de Jager
(Messina), Christiaan Cloete (Brackenhof),
Elri du Plessis (Alberton-Wes), Hein Backer (Randburg),
Lisa Voogt (Randburg), Nathan David Kacev
(Randburg), Tina Buys (Buffeldoorns), Zander Blignaut
(Alberton-Wes).
13
Adriaan Labuschagne (Gobabis), Heidi Corne
lissen (Bergbron), Jaco Visagie (Potchefstroom-Oos),
Niek Blignaut (Messina).
14
Anje van Jaarsveld (Randburg), Armand
Mol ler (Agulhas), Chrisna Briel (Reitz), Clarize
Bezuidenhout (Secunda), Isla Decia Theron

(Randburg), Juan van Heerden (Welkom-Noord),
Linelle du Toit (Kleinmond), Louise Kruger (Kathu),
Lu ricka Ellis (Wolmaransstad), Maryse de Villiers
(Vereeniging-Oos), Sindie Schoeman (Bergbron),
Ste phan Beukes (Botswana), Stephan Jansen (Benoni).
15
16
Arno van der Westhuizen (Bergbron), Cecilie
Op perman (Gobabis).
Donnélee Henning (Buffeldoorns), Hanke de
Kock (Potch-Die Bult), Ronan Ehlers (Vanderbijlpark-Trinitas),
Simone Potgieter (Benoni), Tracey
Mojela (Randburg).
17
Carla Voogt (Randburg), Chelsy Botha
(Rand burg), Etienne Joubert (Bergbron),
Jan nie Bothma (Wolmaransstad), Kylie Barnhoorn
(Middelburg-Kaap), Liam John Wilson (Randburg),
Marco Geyer (Magol), Neo Mokaleng (Randburg),
Ri co Robinson (Bethal), Rivan Schoonwinkel (Secunda).
18
Anmari van der Walt (Krugersdorp), Chantélle
Leach (Potchefstroom-Oos), Christien Diede
ricks (Bloemfontein-Suid), Elzaan Coetzee
(Krugers dorp), Herman van der Elst (Vanderbijlpark-
Trinitas), Ivey Kruger (Vaalpark), Jodan Keulder
(Vanderbijlpark-Trinitas).
19
Annalie van der Schyff (Potchefstroom-Oos),
Anushka Wardeck (Secunda), Cilliers van
Wyk (Benoni), Devon Nell (Barberton), Gerrit Badenhorst
(Bloemfontein-Suid), Leandré van der Loo
(Randburg), Shimare Venter (Buffeldoorns), Suzanne
le Roux (Akasia).
20
Anebell Geel (Secunda), Anro Labuschagne
(Vaalpark), Chanelle van der Loo
(Randburg), Madré Erasmus (Kathu), Mimi van
Rooyen (Randburg), Reinhardt Vorster (Botswana),
Retief Marais (Welkom-Noord), Surei Powell
(Wolmaransstad), Ty du Plessis (Randburg), Zander
Oschmann (Randburg).
21
Duané du Plessis (Buffeldoorns), Franco Burger
(Gobabis), Julita Oelofse (Secunda), PC
van Zyl (Brackenhof), Steyn van Staden (Magol),
Wal do Christen (Krugersdorp).
22
Carla Geyer (Bloemfontein-Suid), Christiaan
van Staden (Laeveld), Esther de Klerk (Bergbron),
Jeanne-Marie van der Walt (Vereeniging-Oos),
Sagitta Mulder (Krugersdorp).
23
Dwayne Wiggett (Benoni), Lenard Kruger
(Boks burg-Suid), Maryke Muller (Kathu), Rozanne
Appelgryn (Middelburg-Mpumalanga).
24
De Wet le Roux (Potch-Die Bult), Hanro Steene
kamp (George), Hestertjie Botes (Wolmaransstad),
Johanay Steyn (Kathu), Johané Fourie
(Bethal), Karien Harmse (Potch-Die Bult), Michael du
Plessis (George), Nania van Staden (Magol), Ruben
Jansen (Benoni).
25
Kamogele Maseko (Randburg), Stephis de
Klerk (Vereeniging-Oos), Suzette Abbink
(Rand burg).
26
Carla Pieters (Vanderbijlpark-Trinitas), Leono
ra Roeleveld (Stilbaai), Nohan du Preez
(Vaalpark), Peter Ngozo (Randburg), Rochelle Aucamp
(Brackenhof), Simoné Bornman (Benoni).
27
Albert Uys (Randburg), Bianca van den Berg
(Secunda), Hano Sliep (Messina), Keisha
Plaa tjies (Vanderbijlpark-Trinitas), Megan Stahmer
(Randburg), Philip Snyman (Vanderbijlpark-Trinitas),
Simoné Schutte (Magol), Tarien Buys (Benoni), Theo
Buys (Benoni), Tian Naude (Secunda).
28
Alinay Nieman (Waterkloofrand), Ané le
Roux (Randburg), Chanel Bean (Middelburg-
Mpumalanga), Erica Kanes (Wolmaransstad), Lizé
van de Vyver (Bergbron), Marko Vorster (Potch-
Die Bult), Mia du Toit (Magol), Pieter Erasmus
(Krugersdorp), Shaen Jacobs (Bethal), Wilbert Viljoen
(Potch-Die Bult), Zandre Strydom (Randburg).
29
Adriaan Claasens (Krugersdorp), Aloise Coetzee
(Kuruman), Ben-Louw Marais (Kaapstad),
Chris van der Merwe (Randburg), Dumisane Sindane
(Randburg), Leani Loretz (Nylstroom), Lucien
Coetzee (Vanderbijlpark-Trinitas), Martinel Klopper
(Bot swana), Tiaan van der Merwe (Randburg), Zandré
Durand (Boksburg-Suid).
30
Herco Jansen van Vuuren (Wolmaransstad),
Lin da Suzaan van der Walt (Randburg), Nicole
Richter (George), Rachel de Jager (Laeveld),
Sa rel Haasbroek (Magol), Thilda Palesa Finger
(Rand burg), Wilco Buys (Reitz).
31
Charmaine du Plessis (Bergbron), Cheranté
Snyman (Magol), Juan Lombaard (Randburg),
Marchant Schoeman (Magol), Marné Myburgh
(Boks burg-Suid), Mieke le Roux (Randburg), Ayden
Roberts (Burgersdorp).
slingervel julie 2012 15

oom attie venter
Medisyne uit die
veld (2)
In die vorige geselsie het
ek gewys op die wyse
waarop plantdele (wortels,
stingels en blare, sade)
deur ons oupas en oumas
as medisyne gebruik is
omdat daar nog nie eintlik
apteke was nie en dokters
ook maar skaars was.
Plase was ver uit mekaar
en as mense seergekry
of siek geword het, was
hulle op die natuur se
geneesmiddels aangewese.
Party van die metodes wat
toegepas is, klink vir ons
vandag bra lagwekkend,
maar toendertyd was dit ’n
ernstige saak. Lees gerus
weer die vorige artikel oor
hierdie onderwerp.
Daar is ’n geweldige
verskeidenheid plante in ons
land – bome, struike, kruide.
Dis verbasend hoeveel van
hulle vir een of ander doel
gebruik word. Wat hulle
medisinale waarde betref,
lyk dit my, is daar maar min
wat nie gebruik word om
een of ander pyn te verlig,
bloeding te stop of ’n kwaal
te genees nie. Die blankes
kon nog, in uiterste gevalle,
’n dokter besoek, maar die
swartes in afgeleë gebiede, moes geheel-en-al op hulleself of
hulle toordokters/sangomas staatmaak.
Uit die boekie Uit die Veldapteek, geskryf deur Betsie Rood, het
ek ’n paar interessante voorbeelde opgediep. Ek bepaal my net
by bekende plante en vertrou dat julle dit ook interessant sal
vind.
KIESIEBLAAR
Dis ’n onkruid wat algemeen in ons tuine voorkom.
Brousels van die blare is vir seerkeel gebruik.
Vir sinkings en senupyne is ’n warm pap en oorpluisies die
oplossing.
Trekpleisters van die blare word vir ettergeswelle gebruik.
MAROELA (foto onder)
’n Groot bladwisselende boom; groei in rypvrye streke, veral in
die Bos- en Laeveld.
Poeier van die bas word met koue water gedrink vir diarree.
Dik bas word by warm water gevoeg vir velsiektes.
16 slingervel julie 2012

Basaftreksel gemeng
met brandewyn vir
malaria (voorkoming en
genesing).
Pars olie uit die neute vir
steek-in-die-oor.
KIEPERSOL
’n Bladhoudende boom. Groei
in warm dele. Kenmerkende
blarekroon.
Aftreksel van blare vir
senuweelyer, asook
middel teen koliek en
maagpyn.
Aftreksel van wortels
as braakmidde’ teen
galagtigheid en koors.
KREMETARTBOOM (foto bo
regs)
’n Indrukwekkende, groteske
reus. Kom in Lae- en Bosveld
voor.
Gedroogde pulp van die
vrug is ryk aan vit. C,
mineraalsoute, kalsium,
magnesium, yster.
Wortels is goeie bron
van water. Die pulp,
met water gemeng, is ’n
verfrissende koeldrank
wat ook vir koors, diarree
en bloedspuwing gedrink
is.
Blare word as
voorbehnoedmiddel
teen malaria gebruik
om oormatige sweet te
voorkom.
Sedert 1848 word die bas,
wat ’n bitter smaak het,
kommersieel aangewend
as koorsweermiddel onder
die naam “Cortex cael
Cedra”.
WITGATBOOM
Immergroen boom, kom veral
in warmer dele voor.
Knobbelrige bruin wortels is baie voedsaam.
Koue aftreksel van blare dien as middel teen oogontsteking.
Die groen vrug word vir vallende siekte gebruik.
Aftreksel van die wortels teen aambeie.
In die ou dae is die wortels gebrand en gemaal en vir koffi e
gebruik.
GEWONE WILDEVY
’n Pragtige boom wat volop voorkom.
Verpoeierde bas word saam met pap geëet om
neusbloeding te stop.
Die melksap word gebruik om oogkatarakte te behandel.
Aftreksel van die bas word aangewend teen hardlywigheid,
verkoue en keelinfeksie.
HUILBOERBOON
Die boom kan reusagtig groot word en dra groterige peule. Dit
produseer volop nektar, wat uit die blomme afdrup, vandaar die
naam huilboerboon.
’n Aftreksel van die bas word teen sooibrand en diarree
gebruik.
Die blare word gebrand en die rook ingeasem om
neusbloeding te stop.
Verpoeierde blare word op sere geplaas om genesing te
bespoedig.
SEKELBOS
’n Meerstammige struik wat goeie brandhout verskaf.
Binnebas word vir maagprobleme en tandpyn gebruik.
Gekoude wortels word op slangbytplekke en
skerpioensteekplekke geplaas. SV
slingervel julie 2012 17

RINA
Pas die naam van die Bybelvers waarin 'n berg se naam genoem word in Kolom B
met die berg se naam in Kolom A.
Kleutervers
Liefde met gevoel
Waarom huil klein Sussie so?
Netnou het sy niks makeer nie.
Dis weer Boetie, kan jy glo –
Maak hy haar nie altyd seer nie?
Waarlik, hy het haar gebyt:
kyk daar sit die merk, my lammie –
'n splinternuwe stoutigheid ...
‘Dis maar net van liefde, Mammie!‛
Liefde? Dis 'n mooie grap!
Wat moet Mammie met jou doen
as jy so jou sussie hap?
‘Slaan my, Mammie, maar eers soen!‛
Maar eers soen! – Ek bid jou aan!
Sê my nou: wie kan dan slaan?
(AG Visser: uit Kleuterverseboek 2000)
18 slingervel julie 2012

TERSIA
Pos julle antwoorde
aan:
Slingervel
Blokkiesraaisel
Posbus 6433,
Flamwood 2572
DWARS
1. Hierdie tipe persoon praat homself in 'n
rusie in (Spreuke 18:6).
3. Jesus het vir die verlamde man gesê hy
moet sy draagbaar _____ en huistoe
gaan (Markus 2:11).
5. Jy moet jou nie ophou met suiplappe en
________ nie (Spreuke 23:20).
7. Hulle name moet daaruit geskrap word
(Psalm 69:29).
8. Die maand waarin die tempel voltooi is
(Esra 6:15).
10. Hy het in trane uitgebars (2 Konings
8:11).
12. Jesus _____ aan die regterhand van
God (Matteus 26:64).
13. Sy was in 'n bitter swaar stryd gewikkel
met haar suster (Genesis 30:8).
AF
1. Die son kom op en _______ son gaan
onder (Prediker 1:5).
2. Die Here sal die leër van die koning van
Babel soontoe vat (Jeremia 34:22).
4. Die grens van dié plek loop oor die
waters van Meriba-Kades (Esegiël
48:28).
5. Die vrou het Jesus se ________
natgemaak met haar trane (Lukas
7:44).
6. Een van Midian se seuns (Genesis
25:4).
7. Die blaasbalk doen dit (Jeremia 6:29).
9. Dit het uit die aarde gekom volgens
Openbaring 13:11.
11. Hy _____ net sê wat Hy hoor
(Johannes 16:13).
slingervel julie 2012 19

dr. nico van der merwe
97. Volharding: die gawe om aan te hou
Lees: Matt eus 10:16-25 Teks: Matt eus 10:22b
In hierdie Skrifgedeelte vertel Christus van die vervolging wat oor
die gelowiges sal kom omdat hulle aan God getrou bly. Namate die
wederkoms van Christus naderkom, sal Satan die gelowiges al meer
en meer laat swaarkry. Ouers en kinders, broers en susters, vriende
sal teen mekaar draai en mekaar uitlewer om vervolg te word. Onder
sulke omstandighede is dit die maklikste om maar van jou geloof te
vergeet. Deur net te sê dat jy nie meer in die Here glo nie, sal genoeg
wees om dié bitter en swaar vervolging vry te spring.
God verwag egter dat die gelowiges in hulle geloof sal volhard.
Dit geld ook vir elke dag van jou lewe nóú! God verwag van jou, omdat
Hy jou verlos het, dat jy sal volhou om Hom te dien, dat jy sonder
op hou sal lewe soos Hy dit vir jou in die Bybel voorskryf.
99. Geloof in Jesus Christus
Lees: Johannes 3:14-21 Teks: Johannes 3:15
Voel jy partykeer asof godsdiens oorbeklemtoon word? Van alle
kante word daar vir jou as tiener gesê om daagliks die Bybel
te lees, getrou die katkisasieklasse by te woon, gereeld Sondae in
die eredienste te wees en om by alles nog Bybelstudie ook te doen.
Is dit darem nie te erg nie? Gaan mense dalk daarmee oorboord?
Vergeet vir ’n oomblik wat die mense sê en hoor wat die Here sê.
Jesus sê dat elkeen wat glo, van hulle sonde verlos is en die ewige
lewe het. Jy merk dus dat geloof noodsaaklik is om in Christus verlos
te word. Waar kom jou geloof vandaan? God die Heilige Gees werk
die geloof in jou hart deur die Woord van God.
Die Bybel is die middel waardeur die Heilige Gees geloof in
jou hart wek. Daarom is dit noodsaaklik om soveel keer as wat dit
moont lik is die Woord van God te hoor.
101. Selfopoff ering
Lees: Johannes 12:20-26 Teks: Johannes 12:25
Die woord op-offer beteken om iets vrywillig af te staan. As jy sê:
Ek het die TV-program opgeoffer ter wille van my studie, dan
be te ken dit dat jy vrywilig nie die TV-program gekyk het nie, maar
ge stu deer het. Opoffer is om iets vir iemand anders prys te gee. Jy
kan sê: Ek het sport ter wille van my ouers opgeoffer – dan beteken
dit dat jy sport laat vaar het, omdat jou ouers dit graag so wou hê.
In jou verhouding met die Here word daar ook opoffering van jou
gevra. Jesus sê (vs 25) as jy die dinge van die lewe vir Christus opoffer,
beteken dit dat Christus vir jou meer as die wêreldse dinge beteken. Jou
toewyding om Christus na te volg moet só sterk wees dat jy wêreldse
dinge moet prysgee om Christus te dien. God vra dus van jou om
baie aardse dinge op te offer in jou gehoorsame diens aan die Here.
103. Hoor en luister
Lees: Jakobus 1:19-27 Teks: Jakobus 1:22
Die mens kan hoor sonder om te luister. As jy iets hoor, neem
jy met jou ore ’n klomp geluide waar. Jy kan dus iemand hoor
praat, maar jy weet nie wat die persoon gesê het nie, want jy het
nie geluister nie. Wanneer jy luister, dan hoor jy iemand praat én jy
gee aandag aan wat gepraat is. As jy luister, dan registreer dit wat
gesê word in jou brein en jy kan die inhoud van die woorde nasê.
Wanneer jy Bybellees, is dit God wat met jou praat. Daarom sê ons
dat die Bybel God se Woord is. In Jakobus 1:1-27 waarsku die Here
jou dat jy nie net sy Woorde moet hoor nie, maar ook daarna moet
luister. Dan sal jy doen wat God vir jou sê.
As jou hoor van God se Woord nie oorgaan tot dade nie, dan
bete ken dit niks. Jy hoor die Woord van God soos dit van buite af na
jou toe kom, en binne-in jou moet dit jou tot aksie bring.
98. Die noodsaaklikheid om God te ken
Lees: Johannes 6:1-6 Teks: Johannes 6:3
Jy lees hopelik elke dag jou Bybel en bid. Vir katkisasie berei jy ook
jou werk uit die Bybel voor. Sondae in die eredienste word daar uit
die Woord van God vir jou gepreek. As jy lid is van ’n Bybelstudiegroep,
het jy intensief met God se Woord te doen. In die Woord praat God
met jou. Hy sê in die Bybel drie dinge: 1. Wie Hy is. 2. Wat Hy doen dit. 3.
Wat sy wil is vir jou om te doen. Deur jou omgang met die Bybel word
jou kennis van God al meer en meer. Kennis van God is onontbeerlik.
Hoe meer jy van God weet, hoe sekerder sal jou vertroue in God
wees. Dit is ook die wyse waarop die Heilige Gees geloof in jou hart
werk en deur die geloof word jy by Jesus Christus ingelyf en ontvang
jy die ewige lewe. Jy moet volhard in jou omgang met die Woord van
God, want dit is ’n saak van (ewige) lewe en (ewige) dood.
100. Hou die wêreld op ’n afstand
Lees: Lukas 18:18-30 Teks: Lukas 18:23
Die ryk jongman wat by Jesus gekom het, was ’n goeie, voorbeeldige
mens. Hy weet van die ewige lewe en begeer dit (vs 18).
Hy het ook die wet van God in sy lewe toegepas (vs 20-21). Hieruit
blyk dat die jongman ’n diep gelowige mens was wat moeite gedoen
het om volgens God se wet te lewe. Toe Jesus sê hy moet alles
wat hy het, verkoop en die geld vir die armes gee en dan vir Jesus
volg, kon hy dit nie doen nie. Hoekom nie? Al sy besittings, sy geld
en weelde was vir hom te belangrik. Hy het wêreldse goed meer
liefgehad as vir Jesus. Ryk in aardse goed en brandarm ten opsigte
van die geloof, gaan hy van Jesus af weg, sonder verlossing.
Die gelowige mag wêreldse dinge gebruik en besit, maar jy moet
dit op ’n afstand hou en nie so ’n belangrike plek in jou lewe gee dat
daar nie vir die Here plek oor is nie.
102. Geestelike diens
Lees: Johannes 4:31-38 Teks: Johannes 4:34
Vers 31-34 gaan oor Jesus se kos. Jesus was baie moeg (vs 6) en
dalk ook honger. Die dissipels wil hê Jesus moet iets eet (vs 31).
Maar Jesus wil nie die kos eet wat hulle vir Hom gee nie. Hy sê Hy het
ander kos. Wat is daardie kos? Jesus sê Hy word gevoed deur die wil
van sy Vader te doen, dit wil sê Hy doen die werk wat die Vader aan
Hom gegee het. Dit is ’n beeld van dit waarna Jesus werk lik streef. In
die Ou Testament (Deut. 8:3) leer God dat “’n mens nie net van brood
leef nie, maar van elke woord wat uit die mond van God kom”. Jesus
wil hê dat jy, net soos al die ander kinders van God, nie soos aardse
mense (oor gewone kos) dink nie, maar jy moet die geestelike wêreld
raaksien wat voor jou oopvou. Die werklike honger is die geestelike
honger om te doen wat God vra. Dit is jou geestelike diens aan God.
104. Die verlange na wat reg is
Lees: Matt eus 5:6-12 Teks: Matt eus 5:6
“
Honger en dors” is ’n beeld van die verlange na God (Ps. 42:2-3;
Jes. 55:1), omdat mense weet wat honger en dors is tydens hongersnood
of watersnood. Iemand “wat honger en dors na wat reg
is”, verlang om te doen wat reg is. So moet jy as gelowige tiener vol
wees met die hunkering na wat reg is (Rom. 12:2). Mense wil versadig
en bevredig word deur rykdom, geluk, plesier, genot!! Vir één
begeerte is daar volkome versadiging: die honger en dors na wat reg
is (Matt. 5:6a). Wie daarna verlang, “sal versadig word” (Matt. 5:6b).
Dit is die geluk wat jy as tiener vind as jy met God en jou naaste in
die regte verhouding lewe en doen wat in God se oë reg is.
So ’n lewe is moontlik indien jy deur die geloof by Christus inge
lyf is. Dán word jou lewensideale verwesenlik en jou behoeftes
be vredig (Joh. 6:35).
20 slingervel li l julie j li 2012

105. Barmharti gheid is noodsaaklik
Lees: Lukas 10:30-37 Teks: Matt eus 5:7
Die Bybelse woord vir “barmhartigheid” beteken om jou só met ’n
ander te identifi seer dat jy inderdaad voel wat hy voel, ly wat hy
ly, ervaar wat hy ervaar en dán te help. As daar in jou die verlange
is om te doen wat reg is (vs 6), pas jy dit toe deur jou naaste te help.
Barmhartigheid is meer as net ’n gevoel van jammerte vir iemand
anders. Dit is om jou volkome met ’n ander te vereenselwig en saam
met hom deur te maak wat hy deurmaak.
Om barmhartig te wees, vra twee dinge van jou: 1. Vergewensgesindheid
teenoor alle mense. 2. Om uit te reik en mense in nood en
met lewensbehoeftes te help. Jy moet ’n ander se las kan dra, saam
kan huil, saam kan ly, om dit só vir ’n medemens ligter te maak. Hoeveel
van jou medetieners het dit baie swaar vir wie jy kan help?
107. Kinders van God is vredemakers
Lees: Johannes 14:23-31 Teks: Matt eus 5:9
Christus sê: “Geseënd is die vredemakers.” Sy seën is bedoel
vir mense wat vrede maak. Satan stig elke oomblik haat, nyd,
wrok. Dáárom moet gelowiges vrede maak: 1. Met God en 2. met
medemense. As jy Gods genade in jou hart het, soek jy die vrede in
die bloed van die kruis. Jesus is ’n Vredevors. Wie by Hom inge lyf
is, moet vrede maak. Vrede is moontlik in die wêreld as daar versoening
kom met God. Gelowiges is vredemakers wat voortsit wat
die Vredevors (Jes. 9:5; 52:7) reeds kom doen het (Ef. 2:14, 17). Vredemakers
word kinders van God genoem. Wie vrede maak, aard na
hulle hemelse Vader en tree soos sy kinders op. Daarom het God sy
Seun gestuur (Luk. 2:14). Wie deur Christus waarlik God se kinders
is, kan nie anders as om vredemakers te wees nie. Jou Vader in die
hemel verwag dit van jou!
109. Jou geloof het onvermydelike gevolge
Lees: 1 Petrus 4:12-19 Teks: Matt eus 5:11
Jesus noem drie dinge wat met gelowiges in die wêreld gebeur:
1. 2. 3. Beledig. Vervolg. Vals beskuldig. Enigeen sal dadelik op
sy perdjie spring en tot die aanval oorgaan as dit gebeur. Dit is mos
ons manier van doen. As iemand iets negatiefs teenoor jou doen of
sê, dan slaan jy toe met dubbele geweld om vergelding te kry. Die
geheim van wat Jesus sê, lê in die woorde “ter wille van My”. Dit gaan
dus nie om jou as persoon nie, dit gaan om jou verhouding met God
en jou nakoming van God se wil. Daniël se godsdiens was al houvas
wat sy vyande op hom kon kry (Dan. 6:6). Jesus sê jy is “geseënd”
as jy op aarde hierdie dinge verduur omdat jy ’n praktiese gelowige
is wat nie terugdeins vir die gevolge daarvan nie. As gelowige tiener
moet jy jou troos en krag hierin by die Here soek.
111. Jou geloofsakti witeit
Lees: Hebreërs 6:1-12 Teks: Matt eus 5:13
S
1. out is ’n voorbeeld vir gelowiges se roeping. Sout werk onsigbaar.
Elke verloste moet sy geloof sonder uiterlike vertoon uitleef.
2. Sout werk ook in ’n bepaalde gebied waar dit gestrooi word.
Dit is jou roeping om in die geloof werksaam te wees waar God jou
plaas. 3. Sout werk net as dit uitgestrooi word. Daar waar God jou
gestel het, moet jy aktief deur die geloof werksaam wees. Gelowiges
is geroep om soos sout die bederf te keer en met egte en suiwer
godsdiens die lewe van die besmetting skoon te hou (Jak. 1:27). As
sout nie gebruik word nie, verslaan dit. Sulke sout gooi ’n mens weg.
Dit is wat met jou as Christen sal gebeur as jy nie jou roeping om
sout te wees in die daaglikse lewe nakom nie. God se oordeel kom
neer op ontroues (2 Pet. 2:20-21).
Bly getrou aan God se roeping. Hy verwag dit van jou!
106. Oë wat die onsienlike sien
Lees: Matt eus 5:3-12 Teks: Matt eus 5:8
Godsdiens is ’n saak van die hart. Wat in jou hart omgaan, be paal
jou lewe (Spr. 4:23). Rein van hart wys op die proses waardeur
die koring van die kaf geskei word. As iets rein is, is dit sonder
onsuiwerheid. Om “rein van hart”, te wees beteken om opreg in jou
verhouding met God en jou naaste te wees. Daar is geen skynheiligheid
of onopregtheid in jou hart nie. Reinheid van hart kom
slegs deur die geloof (Hand. 15:9). Geen mens kan God werklik sien
nie (Eks. 33:20). As Jesus beloof dié wat rein van hart is “sal God
sien”, bedoel Jesus dat hulle die vreugde sal smaak om volle gemeen
skap met God te kan hê. Hulle het dus deel aan die ewige saligheid
(Openb. 22:4; Heb. 12:14; 1 Kor. 13:12). Met ’n opregte hart
is jy in staat om reg en intiem met God te kan lewe. Jy sal dan altyd
bewus wees van God se teenwoordigheid by jou.
108. Godsaligheid bring verdrukking
Lees: Lukas 6:20-26 Teks: Matt eus 5:10
Die gelowige tiener is God se kind wat die roeping het om in
alles volgens God se wil te lewe. Onthou: hoe meer toegewyd jy
lewe, hoe minder sal die wêreld jou verdra. Aan die lewe in Godsaligheid
is vervolging en teenstand verbonde (Joh. 16:33). Die wêreld
haat Jesus en almal wat glo (Joh. 15:20). Jy sal verdrukking en vervolging
moet verduur vir jou geloof. Maar jy kan dit met blydskap
verduur, omdat dit vir God is. Die wêreld vervolg nie dié mense
wat in verhardende sonde leef nie. Jy word verdruk as jy doen wat
God sê. Christus seën die mense wat vervolg word. Die belofte van
Matteus 5:3 word vir hulle herhaal. Die koninkryk van die hemel is
dáár waar Gods wil as die enigste reël geld en gedoen word.
Gelowiges is reeds burgers van die hemel (Fil. 3:20). God gee
aan jou krag om oor die kwaad te heers (Rom. 12:21).
110. Blydskap en vreugde onder vervolging
Lees: Matt eus 10:24-29 Teks: Matt eus 5:12
Al word gelowiges deur mense ter wille van hulle geloof beledig,
vervolg en valslik sleggesê (vs 11), moet hulle daaroor bly wees
en hulle verheug (vs 12a). Die rede? “want julle loon is groot in die
hemel” (vs 12b). Die “loon” beteken nie dieselfde as wanneer jy
’n sekere stuk werk gedoen het en nou daarvoor betaal word nie,
want by God is alles genade. ’n Mens word nie betaal as jy deur die
geloof iets doen wat goed is nie. Die Here beloon, maar dit is altyd
genadeloon (Rom. 4:4-5). Die genadeloon word op aarde “ten dele”
gegee, maar in die ewigheid “ten volle”. Die vervolgers, spotters,
lasteraars van die gelowige sal in die fi nale oordeel vernietig word.
Dan sal die gelowiges wat trou gestaan het in hulle lewe, die
vreug de kan smaak in die hemel by God nie, omdat hulle dit verdien
nie, maar op grond van God se genade.
112. ’n Lig vir die wêreld
Lees: Filippense 2:12-18 Teks: Matt eus 5:14
Die wêreld is vanweë die sonde geestelik donker. Christus is die
Lig wat in die duisternis skyn (Joh. 1:5, 9; 9:5). Sy lig straal deur
gelowiges só dat elkeen ’n lig vir die wêreld is. As jy verlos is deur
Chris tus, dra jy die lig in jou hart (Joh. 8:12). ’n Gelowige straal nie
vanself lig uit nie. ’n Gelowige is nie ’n ligbron nie. Die gelowige is
soos die maan wat net die lig van die son weerkaats. Gelowiges
weer kaats net die lig van Christus (Mal. 4:2). As jou sonde en jou
wê reldgesindheid egter tussen jou en Christus inskuif, kan jy nie die
strale van die Lig van die wêreld, Jesus Christus, weerkaats nie.
Dan misluk jy as Christen.
Jesus roep die gelowige om sy lig in die donker wêreld uit te
straal. Die lig wat jy moet uitstraal, kom van Christus af (Joh. 8:12;
9:5). Soos ’n helder lig moet jy die verlossing in Christus weerkaats.
slingervel li l jjulie li 2012 21

tannie susan
Wat kan ek lees?
Dirks, Cor. 2011. Die otters in die Okanvangomoeras.
2e uitg. Pretoria: Protea Boekhuis.
120 p. Prys: R100,00. ISBN: 978-1-86919-419-2.
(Die Otters-reeks, 8.)
Wanneer die drie Otters saam met hulle pa’s in die
Moremi-wildreservaat in die Oostelike Okavangodelta
in Botswana gaan kampeer, wag daar vir hulle ’n
groot avontuur. Hulle maak gou maats met Berrie, die seun
van ’n ou studentevriend, wat albei ook die toer meemaak.
Hy is een van die lede van die Uile.
Die poppe begin sommer al vroeg-vroeg dans toe ’n
bende boewe wat wapens en ammunisie vir terroriste in
Angola smokkel, besluit om die vier fris knape te vang
en in Angola te gaan verkoop. Na ’n mislukte eerste poging
het hulle die toergeselskap agtervolg en weer later
toegeslaan en die seuns ontvoer. Sal die Otters daarin slaag
om te onsnap toe hulle die waterkanale van die Okavango
in ’n mokoro moes aandurf en sal hulle in die Boesmans
se woestyn sonder water kan oorleef en hulle agtervolgers
afskud?
Lees in hierdie spannende avontuurverhaal alles van
die Otters se groot en spannende avontuur. Die spanning
bou hoog op en ’n mens kan nie die boek neersit nie – jy
moet dit eenvoudig net eers klaar lees! Die Otters in die
Okanvango-moeras is ’n spannende lekkerlees avontuurverhaal
vir jonk en oud. ’n Mens is spyt dat hierdie die
laaste verhaal in die Otters-reeks is.
Taylor, Sean. 2012. Wie het Tannie Frieda
opgevreet? Illustrasies deur Hannah Shaw.
Pretoria: Protea Boekhuis. Prys: R100,00.ISBN:
978-1-86919-560-1.
Die klein chinchilla gaan graag by sy gunstelingtannie,
Tannie Frieda, kuier. Sy bly op die heel boonste vloer
van die woonstelblok. Om by haar blyplek uit te kom,
moet hulle verby die bere op die eerste vloer stap – hier
word hulle woes aangegluur. Die krokodil op die tweede
vloer is ook gans te vriendelik om gemaklik te voel en
dit is ’n kwylende trop wolwe wat op die derde vloer bly.
Aanvanklik was die vierde vloer leeg en veilig, totdat daar
nuwe intrekkers gekom het ...
Toe, op ’n dag, raak Tannie Frieda weg en die klein
chin chilla moet haar gaan soek. Hy moes homself baie
dap per hou en by al die inwoners navraag doen of hulle
haar nie dalk opgevreet het nie.
Hierdie prettige avontuurboek is uitstekend vir voorlees
en beginnerlesertjies. Die kleurillustrasies is vol humor en
fyn detail en vul die teks pragtig aan en ondersteun die
storielyn. Kleuters en jong kinders sal graag die storieboek
weer en weer wil deurblaai en die storie lees.
Jensen, Gry Kappel & Richardt, Sissan, illus.
2011. Kerneels die geel kat. Vertaal deur Nicol
Stassen. Pretoria: Protea Boekhuis.
Prys: R100,00. ISBN: 978-1-86919-445-1.
Kerneels is Martjie se troetelkat, maar hy is anders as
ander katte: sy boeties en sussies is óf wit óf rooi,
maar hy is goudgeel. Hy bly eerder in die huis, want die
buurt se katte blaas vir hom en terg hom oor sy geel kleur.
Hy beleef ’n identiteitskrisis en probeer alles in sy vermoë
om sy kleur te verander – nogal baie humoristies!
Op ’n dag hoor hy Martjie se ma sê: “In die donker is
alle katte grys.” Net daar besluit hy om die naglewe uit te
toets. Wat ’n interessante avontuur beleef hy nie toe nie!
Boonop ontmoet hy Carmen (’n blou kat!) en deur hulle
vriendskap leer hy dat hy eintlik uniek is en ’n pragtige
geel kat is – “soos die son”. Deur die aanvaarding van sy
eie identiteit en uniekheid, kan hy uiteindelik tevrede spin:
“Ek is Kerneels die geel kat.”
Hierdie interessante verhaaltjie met sy ondersteunende
en kostelike illustrasies sal kleuters en jong lesers se aandag
gevange hou. Die dieper lewenswaarheid wat subtiel
uit die storie na vore kom, kan deur die ouer aan sy
kind oorgedra word en sodoende kinders help met die
ontwikkeling en aanvaarding van ’n eie identiteit en die
besef van hulle uniekheid en eiewaarde.
Jensen, Gry Kappel & Richardt, Sissan, illus.
2011. Die voëltjie wat nie kan fl uit nie. Vertaal
deur Nicol Stassen. Pretoria: Protea Boekhuis.
Prys: R100,00. ISBN: 978-1-86919-444-4.
Die klein spreeutjie wat in sy ouers se nes in Bosrand
bly, het ’n gebrek. Elke voël in die bos kan sy eie
wy sie fl uit – ’n bonte verskeidenheid klanke – maar die
arme spreeutjie kan net blaasgeluide maak. Geen mooi
22 slingervel julie 2012

fl uitwysie kom by sy bekkie uit nie, hoe hard hy ook al
probeer. Sy ouers en almal het probeer help en raad gee,
maar tevergeefs. Omdat hy ’n gebrek het (’n “fl uitgebrek”),
word sommer ook aangeneem dat hy nie eers sal kan vlieg
nie. Hy moes dus die koue winter in sy nessie deurbring. Dit
het hom egter volop dinktyd gegee en hy het ’n wonderlike,
slim plan uitgedink.
Hoe die spreeutjie sy plan uitgevoer het om sy gebrek
te oorkom, word simpatiek en interessant vertel. En ...
aanhouer wen!
Hierdie interessante storie met sy pragtige kleurillustrasies
dra ook onder andere subtiel die boodskap oor dat ’n
mens, ten spyte van jou gebrek, kan uitstyg en slaag indien
jy vasberade is om nie passief jouself te sit en jammer kry
nie.
Jacobs, Jaco. 2012. Waarvoor is seerowers bang?
Illustrasies deur Chris Venter.
Pretoria: LAPA Uitgewers. Prys: R80,00.
ISBN: 978 0 7993 5486 7.
Sanmarie weet haar pa, Kaptein Kalamari, Tjokka en
Charlie is dapper en vreeslose seerowers. Hulle skrik
nie vir woeste storms op see nie, deins nie terug vir aaklike
seemonsters nie en oorkom berge probleme wanneer
hulle na ’n skat soek. Tog sê Sanmarie sy weet waarvoor
seerowers wel bang is – en sy bewys dit aan hulle op ’n
baie slim en kostelike manier.
Hierdie humoristiese storie met sy ewe komiese illustrasies
sal kleuters en jong kinders laat skaterlag. Die tipografi
e van die verhaal dra ook by tot die genot van die storie
en die taalgebruik is ryk en modern. Dit laat ’n mens se
tone sommer omkrul van lekkerte wanneer jy dit lees. SV
slingervel julie 2012 23

Foto: Wikipedia
Die ruimte-wetenskaplikes se
soektog het hulle nie alleen
by die verskillende planete
ge bring nie, maar hulle het ook
on dersoek begin doen op een van
die planete se mane. NASA het
op 15 Oktober 1997 die Cassini-
Huygens ruimtetuig van 5.6 ton en
so groot soos ’n skoolbus van die
aarde af gelanseer op ’n reis van
3.5 miljoen kilometer na die planeet
Saturnus toe. Die ruimtetuig het
sewe jaar later, in Julie 2004, by
Sa turnus aangekom na ’n reis van
4.8 biljoen kilometer. Die ruim tetuig
is so geprogrammeer dat die
Cassini-ondersoektuig in ’n wentelbaan
om Saturnus bly ter wyl
die Huygens-landingstuig op die
maan Titaan land en daar ver kenning
doen.
Die Huygens-landingstuig land
suk ses vol
Saturnus het 17 mane. Van
die bekendstes is: Titaan, Atlas,
Mimas, Enkelados, Hiperion, Dione,
Helene, Janus en Iapetos. Die
Cas sini-Huygens ruimtetuig was
tellie skoop
Data word op Saturnus se
maan Titaan versamel
bestem om ondersoeke te doen op
die maan Titaan. Daarom het die
ruim tetuig uit twee dele bestaan:
1. Die Cassini-ondersoektuig en
2. die Huygens-landingstuig. Die
Huygens-landingstuig van 318
kilo gram moes gespesialiseerde
on dersoeke op Titaan doen en
die gegewens na die aarde terug
sein. Die landingstuig is op 25
Desember 2004 van die ondersoektuig
ontkoppel en het toe baie
stadig ondertoe gesak totdat dit
op 14 Januarie 2005 op die maan
geland het waar die atmosfeer
-180 o C is (br-r-r!). Die tuig het dadelik
begin om foto’s te neem en
allerlei ondersoeke te doen en metings
te neem van die toestande
en situasie op Titaan.
Die resultaat van die ondersoeke
op Titaan
Volgens gegewens wat van die
Huygens-landingstuig ontvang is,
het Titaan ’n dik atmosfeer van
stik stof en metaan. Dik lae waas
omhul die maan soos ’n kombers.
Terwyl die Huygens-landingstuig
stadig na die maan afgedaal het,
is foto’s van Titaan se oppervlakte
geneem. Uit dié foto’s blyk dat
Titaan se oppervlak oranje is. Die
atmosfeer van Titaan is 10 keer
dikker as die aarde s’n. Diep slote
of kanale kan ook gesien word,
wat aandui dat ’n vloeibare stof
vir ’n onbekende tydperk daar
ge spoel het. Op foto’s wat in die
tyd skrif Astronomy van Mei 2006
ge publiseer is, kan ronde, gladde
klippe en rotse gesien word in die
kenmerkende oranjekleur. Daar is
ook twee ronde “fi gure” gesien wat
lyk soos vulkaniese kraters. Uit
die ondersoeke van die Huygenslandingstuig
is vasgestel dat daar
geen teken van lewe op Titaan is
nie. Wetenskaplikes het tot nou
maar eers ’n klein hoeveelheid
van die data wat van Titaan kom,
ont leed. Uit verdere ondersoeke
sal meer en meer van dié maan
bekend word.
God is die Skepper van alles
Oral waar die wetenskaplikes
ook al in die ruimte mag kom, is
hulle steeds nog in die skepping
van God. God is die Skepper van
die ganse heelal, al die biljoene
son ne (sterre) in die heelal wat as
miljoene galaksies (sterrestelsels)
die onmeetbare ruimtes van die
heel al vul. Jy kan gerus Job 38
lees waar die skeppingsmag van
God bekendgestel word. Deur sy
voorsienigheid, sy almagtige en
oralteenwoordige krag onderhou
en regeer God die ganse heelal.
Daarvan getuig die wetenskaplike
ondersoeke in die buitenste ruimtes
en ook in die ruimte van selle,
molekules, atome, neutrone en
elek trone. Daarom is die ganse
heel al met sy onmeetlike ruimte
en die ontelbare sonnestelsels en
sterre die bewys van God se skeppingskrag.
SV
(Bronne: Beeld, Saterdag 15 Januarie
2005; Beeld, Dinsdag 18 Januarie 2005;
Atlas of the Universe, 1994; Astronomy,
April 2005; Astronomy, Mei 2006)
24 slingervel julie 2012