Senwes Jaarverslag 2005

Aantekeninge tot die finansiële state
vervolg...
23. FINANSIËLE INSTRUMENTE EN RISIKOBESTUUR (vervolg)
Rentekoersruiltransaksies word hoofsaaklik aangewend om die fluktuerende koerse oor die langer termyn om te
skakel na 'n vaste koers. Vooruitkoersooreenkomste word gebruik om die fluktuerende rentekoers op toekomstige
korttermynlenings in volatiele omstandighede om te skakel na 'n voorafbepaalde koers. Plafonkoersooreenkomste
word gebruik om toekomstige leenkoerse om te skakel na 'n voorafbepaalde plafon koers maar ook die
voordeel te benut van die fluktuerende koers in dalende omstandighede.
Op balansstaatdatum het die Groep 'n 1 jaar rentekoersruiltransaksie gehad met 'n nominale waarde van
R150 miljoen. Senwes betaal 'n vaste koers van 7,13% en ontvang 'n veranderlike koers gelykstaande aan
3 maande JIBOK op die nominale bedrag.
Die doel van hierdie kontantvloei verskansingsinstrument is om die gemiddelde bedrag van die Groep se
netto bates wat nie aan rentekoersskommelinge gekoppel is nie, te verskans.
Hierdie finansiële instrument voldoen nie aan RE 133 se vereistes vir 'n effektiewe skans nie en die netto resultaat
hiervan word teen wins en verlies verantwoord.
23.4 KREDIETRISIKO
Die potensiële konsentrasie van kredietrisiko bestaan hoofsaaklik uit handelsdebiteure. Handelsdebiteure
bestaan uit 'n groot aantal klante wat versprei is oor verskillende geografiese gebiede en krediet word toegestaan
ingevolge die Groep se kredietbeleide. Die finansiële posisie van debiteure word gereeld ontleed.
Die Direksie is van mening dat daar op jaareinde geen beduidende konsentrasie van risiko bestaan waarvoor
daar nie voldoende voorsiening gemaak is nie.
23.5 LIKIDITEITSRISIKO
Die Groep beskik oor genoegsame likiede bates en word, soos in die verlede, ondersteun deur korttermyn leenfasiliteite
vanaf finansiële instellings wat met behulp van kontantvloeibestuur voldoen aan operasionele
behoeftes.
23.6 NIE-NAKOMING VAN KONTRAKTE
Die Groep bestuur die risiko van nie-nakoming deur slegs met goedgekeurde verskaffers en produsente te kontrakteer.
Vooruitkontrakte vir graanlewering is met produsente gesluit. Die billike waarde hiervan het R0,5 miljoen
(2004 – R29,6 miljoen) bedra. Hierdie instrumente is ingesluit by waardes getoon onder punt 23.2. Indien die
risiko wesenlik is, word dit bestuur deur opsiekontrakte op Safex uit te neem.
23.7 BILLIKE WAARDE
Finansiële instrumente word getoon teen die billike drawaardes daarvan.
Die drawaardes van beleggings beskikbaar-vir-verkoop het R1 miljoen (2004 – R69 miljoen) bedra. Die vergelykende
syfer bevat ‘n openingsbalans aansuiwering ten bedrae van R27 miljoen. Die aanpassing na billike waarde
is direk teen ekwiteit verreken. Sien aantekening 4.
Senwes Jaarverslag 2005
74