Senwes Jaarverslag 2005

Rekeningkundige beleid
vervolg...
aansporingsbonusse wanneer daar 'n konstruktiewe verpligting
bestaan en 'n akkurate beraming van die verpligting gemaak
kan word.
'n Voorsiening word geskep ten opsigte van die verwagte koste
van die verpligting ten opsigte van beide normale en langdiensverlofdae
opgehoop, omgeskakel na 'n randwaarde op
jaareinde gegrond op die kontantekwivalent daarvan. Die nodige
aanpassing word verreken teen inkomste in die inkomstestaat.
'n Voorsiening word geskep ten opsigte van normale dertiende
tjek bonusse opgeloop aangesien prorata uitbetaling geskied
indien bedanking plaasvind voor die personeellid se normale
verkose uitbetalingsdatum.
Uitdienstredingsvoordele by diensbeëindiging word as 'n
verpligting en uitgawe erken wanneer die onderneming verbind
is tot die beëindiging van die pos voor normale werknemeraftrede
of wanneer voordele aangebied word om vrywillige oortollige
diensbeëindiging aan te moedig. Indien dit egter onseker
is wie die aanbod sal aanneem, word slegs 'n voorwaardelike
aanspreeklikheid openbaar.
1.11 INKOMSTE ERKENNING
Inkomste verteenwoordig die netto gefaktureerde waarde van
goedere en dienste sowel as enige kommissie ontvang voortspruitend
uit die aktiwiteite as graanhanteerder en verskaffer van
versekering en finansiële dienste. Rente ontvang wat voortspruit
uit kredietverskaffing word ook as inkomste getoon, slegs tot die
mate waartoe invordering redelik seker is. Inkomste word getoon
met die uitsluiting van belasting op toegevoegde waarde.
Intergroepverkope word geëlimineer.
Inkomste uit verkope van goedere word erken wanneer wesenlike
risiko's en vergoeding vir eienaarskap van die goedere
oorgedra word aan die koper en dit redelik seker is dat die
ekonomiese voordele betrokke by die transaksie na die onderneming
sal vloei.
Inkomste op agentskapsgraandebiteure word op 'n tydsverhoudingsgrondslag
erken soos dienste gelewer word.
Inkomste uit dienste gelewer word erken deur inagneming van
die stadium van voltooiing op balansstaatdatum en/of die resultaat
daarvan redelik akkuraat bepaal kan word. Indien die
inkomste nie redelik akkuraat bepaal kan word nie, word
Senwes Jaarverslag 2005
42
inkomste slegs erken tot die omvang van verhaalbare uitgawes
aangegaan.
Wat betref graanverkoopstransaksies word prysrisikoblootstelling
met betrekking tot aankope verskans deur verkope aan
die termynbeurs Safex. Waar die doelwit dus verskansing is
eerder as lewering aan Safex word hierdie transaksies geëlimineer
uit verkope en apart openbaar, as waarde van sake gedoen.
Direkte leweringstransaksies met betrekking tot brandstof, kunsmis,
saad en ander boerderyinsette word apart openbaar onder
waarde van sake gedoen, aangesien die aard daarvan voldoen
aan agentskapsbeginsels eerder as optrede as prinsipaal. Die
onderliggende rede vir die transaksies is finansiering. Die kommissie
verdien op die transaskies word steeds verantwoord
as inkomste.
Dividende ontvang uit beleggings word erken wanneer die laaste
datum vir registrasie verstryk het.
1.12 FINANSIËLE INSTRUMENTE EN BILLIKE WAARDE
Finansiële bates word erken wanneer die Groep die reg of toegang
tot ontvangs van ekonomiese voordele het. Sodanige
bates bestaan uit kontant, ‘n kontraktuele reg om kontant te ontvang
of ‘n ander finansiële bate. Finansiële verpligtinge word
erken waar daar ‘n verpligting is om ekonomiese voordele oor te
dra en daardie verpligting ‘n kontraktuele verpligting is om kontant
of ‘n ander finansiële bate of om ‘n finansiële instrument oor
te dra aan ‘n ander entiteit.
Afgeleide finansiële instrumente
Afgeleide instrumente word deur die Groep gebruik in die bestuur
van besigheidsrisiko’s. Dit word aanvanklik in die
balansstaat teen die kosprys erken en daarna teen die billike
waarde herwaardeer. Die metode om die gevolglike wins of verlies
te erken, is afhanklik van die aard van die item wat verskans
word. Die Groep ken sekere finansiële instrumente toe as:
• ‘n verskansing van die billike waarde van ‘n erkende bate of
verpligting (billike waarde verskansing); óf
• ‘n verskansing van ‘n vooruit transaksie of van ‘n vaste verbintenis
(kontantvloei verkansing).
Verandering in die billike waarde van afgeleide instrumente wat
toegeken is en kwalifiseer as ‘n billike waarde verskansing, en
ook hoogs effektief is, word in die inkomstestaat verantwoord
tesame met enige veranderinge in die billike waarde van die