Senwes Jaarverslag 2005

Verklaring van verantwoordelikheid
deur die Direksie
Die direkteure is verantwoordelik vir die voorbereiding, integriteit en redelike weergawe van die finansiële state van Senwes Bpk en
sy filiale. Die finansiële state uiteengesit op bladsy 38 tot 81 is opgestel in ooreenstemming met Suid-Afrikaanse Standpunte van
Algemeen Aanvaarde Rekeningkundige Praktyk. Die direkteure het ook alle ander inligting wat ingesluit is in hierdie jaarverslag voorberei
en is verantwoordelik vir beide die akkuraatheid en konsekwentheid van die finansiële state.
Die direkteure is ook verantwoordelik vir die Maatskappy se stelsel van interne finansiële beheer en risikobestuur en beide word op
gereelde basis nagegaan. Hierdie kontroles is ontwerp om redelike, maar nie absolute gerusstelling te bied oor die betroubaarheid
van die finansiële state, toereikende beveiliging en instandhouding van die bates te bied en om wanvoorstelling en verliese te
voorkom en op te spoor. Geen aangeleenthede het onder die aandag van die Direksie gekom wat 'n wesenlike tekortkoming in die
funksionering van hierdie kontroles, prosedures en stelsels gedurende die jaar onder oorsig, mag aandui nie.
Die lopende saak grondslag is gebruik by die opstel van die finansiële state. Die direkteure het geen rede om te glo dat die Groep of
enige maatskappy in die Groep nie 'n lopende saak in die nabye toekoms sal wees nie, gebaseer op resultate, bedryfstendense,
markomgewing, vooruitskattings, risiko’s, kapitaalstruktuur en beskikbare kontant- en finansieringsbronne.
Die finansiële state is geouditeer deur die onafhanklike ouditeure, Ernst & Young. Die onafhanklike ouditeure is onbeperkte toegang
verleen tot alle finansiële rekords, ingesluit alle notules van direksie-, direksiekomitee-, bestuurs- en aandeelhouervergaderings. Die
direkteure glo dat alle voorstellings aan die onafhanklike ouditeure tydens die oudit, geldig en behoorlik was.
Die Maatskappy finansiële jaarstate en die Groep finansiële jaarstate vir die jaar geëindig 30 April 2005, soos uiteengesit op bladsy
38 tot 81, is deur die Direksie goedgekeur.
JE Grobler JJ Dique SH Alberts
Voorsitter Besturende Direkteur Direkteur Finansies
23 Junie 2005
Verklaring van die Sekretaris
Die Sekretaris sertifiseer in terme van artikel 268G(d) van die Maatskappywet, soos gewysig, dat alle opgawes soos vereis deur
genoemde Wet, ingedien is by die Registrateur van Maatskappye en dat genoemde opgawes waar, korrek en op datum is.
EM Joynt
Sekretaris
23 Junie 2005
Senwes Jaarverslag 2005
36