Handleiding vir ALLES-IN-EEN-PAKKET - Nuwe Wyn

ʼn Goeie metode, na my oordeel, sou wees om te besluit om die verskillende boeke en briewe van
die Nuwe Testament, een na die ander, deur te lees en te bespreek, soos wat die boeke en briewe
van die Nuwe Testament kronologies histories geskryf is.
Ek gee in die boek self, en ook ʼn entjie verder in hierdie skrywe van my, net weer ʼn lys van hoe die
verskillende boeke en briewe van die Nuwe Testament verskyn het.
Wat ek meen baie belangrik is wanneer groepe gelowiges die Bybel, en spesifiek die Nuwe
Testament, deurwerk, is om elke week vooraf, voor die groepbespreking van die materiaal, elkeen
persoonlik daardie boek of brief in die Nuwe Testament behoorlik en herhaaldelik deur te lees by die
huis gedurende jou persoonlike stil-word-tyd met die Here.
Ons moet leer om die Woord te eet.
Na baie jare van ervaring in my eie lewe, en luister na ander gelowiges oor die wêreld se ervaringe in
die verband, lyk dit vir my ʼn uitstekende metode om te probeer om ten minste elke dag 3
hoofstukke van die Bybel te lees.
Let op: te lees en nie te bestudeer nie. Dit gaan in hierdie metode nie daaroor dat jy hierdie 3
hoofstukke wat jy gelees het, na die lees daarvan of selfs tydens die lees daarvan, deeglik, woord-virwoord
moet probeer verklaar en bestudeer nie.
Nee, die oogmerk van hierdie metode is net om jouself te help om betrokke gedeeltes van die Bybel,
en hier spesifiek die Nuwe Testament, in sy konteks deur te lees en te leer ken.
Baie gelowiges skrik groot as hulle hoor jy stel voor dat hulle 3 hoofstukke van die Bybel elke dag van
hulle lewe moet lees, want hulle is gewoond daaraan om net so 5 tot 10 verse per dag te lees, en dit
dan stukkie vir stukkie te bestudeer en te probeer interpreteer.
Daar is natuurlik niks fout met hierdie metode nie, en dit is ʼn baie legitieme manier van die Bybel
bestudeer.
Ek persoonlik meen egter dat dit baie keer van groot waarde vir die meeste gelowiges kan wees om
ʼn slag groter gedeeltes van die Bybel te lees en spesifiek in die oorspronklike konteks waarin God dit
deur Sy Gees geïnspireerd laat neerskryf het.
Kan jy dink wat kan gebeur as jy bv. die brief van Paulus aan die Galasiërs, wat 6 hoofstukke lank is,
in 2 dae se tyd deurlees, en in ʼn week se tyd, ten minste 3 keer as geheel deurlees, voordat julle dit
in die volgende week as gelowiges saam bespreek en bebid aan die voete van Jesus!
Jy gaan heelwaarskynlik beleef wat die meeste van ons beleef as ons dit doen, naamlik dat ons vir
die eerste keer werklik die boek, Galasiërs werklik verstaan!
Lewenstransformasie-groepe (afgekort: LTG)
In dele van die Liggaam van Jesus oor die wêreld is LTG ʼn stuk gereedskap wat op grondvlak, tussen
gewone gelowige volgelinge van Jesus, derduisende mense se lewens stelselmagtig deur God se
genade verander.
81