Handleiding vir ALLES-IN-EEN-PAKKET - Nuwe Wyn

‘N GIDS VIR BESPREKING VAN DIE BOEK “WAARHEEN MET DIE NUWE
WYN”
ʼn Mens sou die inhoud van die boek, WAARHEEN MET DIE NUWE WYN, in ʼn groep oor ʼn paar weke
soos volgens kon gebruik om bespreking en ʼn ontdekking van Jesus se stem tussen ons te
vergemaklik en te fasiliteer.
Die plek waar ek gewoonlik in DIE “ONTDEK GOD” BYEENKOMS gewoonlik gelowiges stimuleer om
met mekaar oor die Woord te gesels is as ons by Punt 3 in die Byeenkoms se proses gekom het.
Waar ons dus gewoonlik net ʼn Skrifgedeelte ter aanvang sou lees of laat lees, lees ons nou ook ʼn
relevante Skrifgedeelte (n.a.v. die betrokke hoofstukke van die boek se inhoud wat ons die betrokke
aand sou bespreek).
Jy kan natuurlik self luister wat God se Gees vir jou in die verband wys om te doen, maar hier is hoe
ek dit gewoonlik doen.
EERSTE BYEENKOMS
Laat elkeen betrokke hoofstukke 1 tot 4 vooraf lees by die huis.
Die eerste week se bespreking is dan soos volg:
Lees Luk. 5:37 tot 39 en Rom. 12:2.
Laat gelowiges vir mekaar sê wat hier staan, wat die verskillende begrippe in hierdie teksgedeeltes
beteken en wat hulle dan hoor God vir hulle sê hierdeur.
Gesels dan oor die inhoud van Hoofstuk 1 tot 4 oor Christo se ervaring as tipiese N.G. dominee in die
lig van dit wat met hom gebeur het en wat hy gehoor het God vir hom sê. Hoe het dit sy manier van
dink verander?
Gesels dan oor elkeen betrokke se soortgelyke ervaringe in hulle eie persoonlike lewens waar hulle
beleef het God praat met hulle en hoe dit hulle maniere van dink, en hulle hele lewe selfs verander
het.
TWEEDE BYEENKOMS
Laat elkeen vooraf hoofstuk 5 van die boek lees.
Die week se bespreking kan dan soos volg gefasiliteer word:
8