Handleiding vir ALLES-IN-EEN-PAKKET - Nuwe Wyn

die soort “dien”, “bemoediging” en “gee” wat van almal van ons wat Christene is, in die Skrif gevra
word as deel van ons gewone Christen-wees nie.
As ons praat van “gawes van die Gees” dan bedoel die Bybel bonatuurlike vermoëns wat God deur
die werking van Sy Gees gee as geskenke (wanneer en waar Hy wil), wat niks te make het met ons
natuurlike vermoëns of persoonlikhede nie.
1 Kor. 12:7-10 – Verduidelik dan kortliks die verskillende gawes wat Paulus hier noem in hierdie
verse teen die agtergrond van die hele konteks van 1 Kor. 12 tot hoofstuk 14.
Sonder die kokon van die liefdesgemeenskap tussen gelowiges in die gemeente (of ekklesia, soos in
die Grieks eintlik staan), kan die gawes van die Gees nie werklik tot hulle volle reg kom soos God dit
bedoel het nie (1 Kor. 13).
Die eerste paar verse in 1 Kor. 12 verduidelik verder aan ons dat ons hier te maak het met “gawes”
of geskenke wat God, die Seun, deur die werking van die Gees van God, aan Sy mense gee. En dit is
belangrik om dit te verstaan, want ʼn gawe is dus nie iets waaroor jy kan roem asof dit jou eie
prestasie is nie.
Ek gebruik altyd die beeld van ʼn vrugteboom wat in die regte grond geplant en gewortel is as ʼn beeld
van die Christen se lewe in Christus. As ons in Christus gewortel is en Sy Gees in ons dus in beheer is
van ons lewe, sal ons die vrug daarvan in ons lewe sien waarvan Gal. 5:16 tot 26 praat.
Maar die gawes van die Gees is soos verskillende soorte liggies wat God die Seun, as Doper met die
Gees, self in ons lewens kom ophang wanneer Hy dit wil doen. En dit is nie bedoel om permanent
altyd deel van ons lewens te wees nie. Hy wil en kan, wanneer Hy wil, daardie gawe laat vloei om
iemand daarmee te bedien soos en hoe Hy wil.
Ek vergelyk die vloei van die gawes verder daarmee dat ek en jy soos ʼn tuinslang is wat gekoppel
moet bly aan die kraan, naamlik Christus Jesus. Solank ons gekoppel is aan die kraan, kan Hy die
kraan oopdraai wanneer Hy wil en kan Hy wat Hy dan ook al wil, deur ons laat vloei na ander toe.
Ons moet net sensitief wees vir Sy stem om te wees waar Hy wil hê ons moet wees (as die punt van
die tuinslang), om te beleef hoe God ander bedien met die “strome lewende water” waarvan Jesus
in Joh. 7:38 en 39 gepraat het.
Kom ons kyk ʼn bietjie na die verskillende “liggies” of gawes van die Gees wat hier genoem word:
ʼn Woord van wysheid – Dit is nie dieselfde wysheid waarna Jak. 1:5 verwys nie. Dit gaan hier oor ʼn
woord van wysheid wat bonatuurlik van God af kom in ʼn spesifieke situasie of teenoor ʼn spesifieke
persoon of persone. Ons sien hierdie gawe opereer in bv. 1 Kon. 3:10 tot 12 in Salomo se lewe, en in
Mat. 22:15 tot 22 in Jesus se lewe.
Die wysheid waarvan hier sprake is, is insig in God se wil. Dit gaan oor ʼn perspektief op gebeure en
sake wat jy direk uit die hemel kry sodat jy, en die hoorder of hoorders, as’t ware opgelig word uit
die insig-belemmerende omstandighede waarin julle julle bevind – wat maak dat julle heeltyd net
daarteen vaskyk – om dan te kan sien hoe dinge inpas in God se planne en besigwees.
ʼn Woord van kennis – Dit gaan hier oor bonatuurlike detail-kennis wat God se Gees aan mense
bedien. Hierdie detail-kennis kom meestal soos gedagtes by die een op wat God so wil gebruik en
58