Handleiding vir ALLES-IN-EEN-PAKKET - Nuwe Wyn

WEEK 7 God praat deur die gawes met ons
Die mense van God, Sy Ekklesia, word nie verniet die Liggaam van Jesus genoem nie. Kyk ʼn mens na
gedeeltes soos Rom. 12 en 1 Kor. 12 tot 14, is dit duidelik dat die Here, deur Sy Gees wat binne-in en
op Sy mense is, deur die buitengewone gawes van die Gees, self met Sy mense wil praat.
Ef. 4:11 tot 16 teken vir ons God se plan binne die Liggaam: hoe Hy self sekere van Sy mense roep en
toerus om as ʼn netwerk van spesiaal toegeruste mense, wat ons die vyfvoudige bedieninge kan
noem, Sy mense wil toerus om hulle dit gebruik in mekaar en ander se lewens.
Hy wil hulle elkeen bonatuurlik toerus deur die gawes van Sy Gees (die Gees op hulle, in Handelinge
se taal) om dan deur hulle te praat.
Kom ons kyk ʼn bietjie na hierdie relevante gedeeltes in die Skrif waar ons dan sien hoe God deur die
gawes met mense wil praat.
Rom. 12:6-8 – Hanteer kortliks die verskillende bonatuurlike gawes van die Gees wat Paulus hier
noem.
Die gawes is :
Profesie – in ooreenstemming met die geloof wat jy het. Soos wat jy leer om God te vertrou en te
gehoorsaam, as God jou wil gebruik, gaan jy leer om God te vertrou om nie net vir jou vir een
persoon ʼn woord van profesie te gee nie, maar vir baie meer mense (ons gaan verder hierna verwys
as ons oor 1 Kor. 14 spesifiek gesels).
Diens – ʼn Bonatuurlike begeerte en vermoë om mense tot diens te wees, voete te was of agter die
skerms ʼn verskil te maak.
Lering – Die bonatuurlike vermoë om aan mense die waarheid in die Skrif te leer en te verduidelik
dat dit vir hulle sin begin maak.
Bemoediging – ʼn Bonatuurlike vermoë om ander te “encourage”.
Gee – ʼn Bonatuurlike vermoë wat God aan sekere individue gee om werklik “Kingdom stewards” -
God se bank- en batebestuurders - in hierdie wêreld te wees. Dit gaan hier oor mense wat op ʼn
buitengewone wyse gee en nuwe kanale kan skep sodat die Koninkryk van God vinniger en meer
effektief kan kom.
Leiding gee – Hier gaan dit oor bonatuurlike leierskap, met die gepaardgaande toewyding en ywer,
wat God aan mense gee in sekere situasies.
Help – ʼn Bonatuurlike gawe om ander te kan help waar dit werklik ʼn bonatuurlike verskil kan maak.
Dit gaan hier oor ʼn bonatuurlike vermoë om ander barmhartig by te staan.
Wat die heeltyd hier belangrik is om te onthou, is dat dit hier gaan oor bonatuurlike gawes wat God
se Gees aan gelowiges gee wanneer en waar Hy wil. As Paulus hier praat van “dien”, “lering”,
“bemoediging”, “leiding gee”, en “gee”, gaan dit nie oor natuurlike aanleg nie. Dit gaan ook nie oor
57