Handleiding vir ALLES-IN-EEN-PAKKET - Nuwe Wyn

As ons in ʼn sin of twee die hart van die Bybel moet probeer raakvat, sou ek dit so wou doen:
Dit gaan in die Bybel oor ʼn lewende God wat Homself aan ʼn mensdom op aarde wil bekendstel, eers
via die volk, Israel, waaruit die Messias uiteindelik as mens gebore sou word, en uiteindelik in en
deur die Persoon van Jesus Christus.
Joh. 14:26-28; 15:25; 16:13-15.
Jesus Christus, die Messias-Verlosser-Koning, wat mens geword het, gelewe, gesterf en opgestaan
het, is die Sleutel, die Geheim en die Goue Draad dwarsdeur die hele Skrif.
Hy is die volledige vervulling van elke wet, elke fees en elke reëling. Elke historiese gebeure in die
Skrif, is op een of ander manier op Hom, Sy koms, Sy betekenis en rol gerig.
Ja, Hy het gekom om dit alles, tot in die fynste detail te kom vervul in Sy lewe, sterwe en opstanding
(Mat. 5:17,18).
Alles was op Hom gerig; het uiteindelik na Hom heengewys; en rus op die fondament wat Hy gelê
het in woord, daad, lewe, sterwe en opstanding.
Daarom is Hy, soos Luk. 24:44 e.v. en ander gedeeltes aandui, werklik die vervulling van die wet van
Moses, al die Psalms, al die wysheidspreuke en die profetiese woorde.
DIE IMPAK VAN DIE GEBEURE IN MAT 27:50,51
Die voorhangsel is geskeur!
Lees: Mat. 27:50,51; Mat. 26:26-28; vgl. ook vers 16 (in die lig van Heb. 9:16,17 en verse 8-10).
Die Griekse begrip “diatheke” is verkeerdelik in sommige vertalings in hierdie gedeelte vertaal met
die begrip “verbond”. Terwyl ek eerder glo dat dit met die begrip “testament” eerder hier vertaal
moet word in die lig van die hele gebeure en konteks, en dan ook gedeeltes soos Heb. 9:16 en verse
8-10.
Daar is ʼn groot geskil tussen “verbond” en “testament” wat hier van groot belang is vir die regte
verstaan van wat presies hier gebeur het.
“Verbond” is ʼn ooreenkoms tussen 2 partye (soos in die OT-woord in die Hebreeus “berith”, wat ons
in die begrip “ou verbond” vind - waar dit gaan oor ʼn ooreenkoms met sekere voorwaardes tussen
partye).
“Testament” is ʼn uitdrukking van die soewereine wil van ʼn testateur wat daardie testament en sy
bepalings opgestel het. En daardie testament geld dan van na sy dood af.
Wanneer het die “Nuwe Testament” en sy bepalings werklik, wetlik, van krag geword?
Nie tussen Maleagi en Matteus nie
Ook nog nie met die geboorte van Jesus nie
52