You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
uit die Woord<br />
U merk dat vanaf Genesis 2 deur Esegiël 37 tot by Johannes<br />
20 daar ’n ooreenkoms is, maar ook die verskil wat die<br />
blaas aksie betref. In Johannes 20 is ons in die gang van die<br />
openbaringsgeskiedenis, veel verder as by Genesis 2 en Esegiël<br />
37. <strong>Die</strong> volgende voorbeeld kan die verskil verduidelik:<br />
’n Ma gee vir haar kleuter ’n bekertjie warm <br />
melk.<br />
Omdat die melk nog warm is, blaas die ma daarop<br />
om dit af te koel sodat die kleuter dit kan drink. Dis<br />
die een wyse waarop die kind se ma kan optree. Daar<br />
is ook ’n ander manier.<br />
<strong>Die</strong> ma kan self die melk proe en vasstel dat dit <br />
nie<br />
te warm is nie. <strong>Die</strong> kind glo dit nie. Dan neem die<br />
ma die bekertjie melk en, al is dit onnodig, blaas sy<br />
’n ekstra keer daarop om daardeur die kind gerus te<br />
stel dat die melk koud genoeg is. Omdat die kind<br />
dít sien, neem hy die melk en drink. <strong>Die</strong> blaas van<br />
die ma was in hierdie geval onnodig. Sy het dit bloot<br />
gedoen om die vrees van die kind weg te neem.<br />
Dit is die verskil tussen die blaas van God by die skepping<br />
van die mens en die blaas van Christus oor die dis sipels<br />
die aand van sy opstanding. In Genesis 2 moes God<br />
letterlik lewensasem in die neus van die geskape mens<br />
blaas sodat die mens ’n lewende wese kon word (vs 2). In<br />
Johannes 20 blaas Christus nie oor die dissipels om hulle<br />
lewend te maak nie. Christus se blaas hier is ’n teken! Dit<br />
is ’n aanwysing, ’n versekering aan sy dissipels dat hulle<br />
reeds lewe. Hiermee bevestig Christus vir hulle dat hulle<br />
saam met Hom gekruisig is en saam met Hom uit die<br />
dood opgestaan het (Rom. 6:5; Fil. 3:10-11; Kol. 2:12).<br />
Deur die versoeningswerk van Christus is hulle lewend<br />
gemaak, soos die doodsbeendere by Esegiël.<br />
<strong>Die</strong> werklikheid wat die dissipels moet besef<br />
Dit is die werklikheid wat hulle moet besef ... waarin<br />
hulle nou moet gaan en hulle roeping vervul as apostels<br />
en predikers van die evangelie van die ewige lewe.<br />
Christus wil iets baie belangrik vir die dissipels leer op<br />
daardie eerste opstanding-Sondagaand. Hulle móét besef<br />
dat Christus vir hulle “die lewendmakende Gees geword”<br />
het (1 Kor. 15:45). Hulle móét verstaan wat Paulus aan<br />
die Korintiërs geskryf het, naamlik dat Christus die Gees<br />
is (2 Kor. 3:17).<br />
Christus wil die dissipels tot die werklikheid bring dat<br />
hulle in Hom lewe. Deur die opstanding van Christus is<br />
hulle lewend gemaak. <strong>Die</strong> gelowige lewe die nuwe op stan-<br />
dingslewe saam met Christus wat vir ons die lewe geword<br />
het. Gelowiges mag dus nooit dink dat hulle nog dorre<br />
doodsbene is wat oor die laagtes van die lewe gestrooi lê<br />
nie. As lewendgemaaktes word hulle nou uitgestuur om<br />
in ’n geestelik dorre en dooie wêreld van doodsbene die<br />
lewendmaking in Christus profeties te bedien: “Soos die<br />
Vader My gestuur het, stuur Ek julle ook” (Joh. 20:21).<br />
Wie is hulle? Lewendgemaaktes om ander lewend te<br />
maak! Hulle moet die Woord van die lewe gaan bedien aan<br />
’n wêreld van geestelik dooie mense.<br />
Dit is die betekenis van die opstanding van Christus<br />
uit die dood vir elke gelowige. As jy deur die geloof gemeenskap<br />
het met Christus, die Lewendmaker, moet jy<br />
uitgaan en die sonde wat die dood bring, teenstaan deur<br />
lewe te bring in die sondedood.<br />
As kerk is ons as gelowiges die liggaam van <br />
Jesus<br />
Christus wat lewe!<br />
Verder is ons nie alleen die lewendgemaakte kerk nie,<br />
ons is ook in die Naam van Christus die lewendmakende<br />
kerk.<br />
Dit is die roeping van elke gelowige wat deur die <br />
geloof<br />
met Christus een is.<br />
Ons opdrag as gelowiges is duidelik:<br />
In hierdie wêreld wat sterf vanweë die sonde <br />
wat<br />
voort woeker, moet jy lewe bring, want jy het dit van<br />
die Lewendmaker, Jesus Christus, ontvang.<br />
In die daaglikse lewe, wat gebuk gaan onder die <br />
aanslag<br />
van woede, haat, liefdeloosheid en geweld, moet<br />
jy vrede bring omdat jy dit in Christus reeds het.<br />
Dag vir dag lewe ons as gelowiges in die <br />
gebrokenheid<br />
van die lewe in skewe menseverhoudinge, besoedeling<br />
van die skepping, afbreek van sedelike waar des<br />
en verwording vanweë die kwaad ... maar as lewendgemaakte<br />
kind van God moet jy met jou gedagtes,<br />
woorde en dade herstel en vernuwing bring.<br />
Op die siek samelewing, wat so is omdat Satan <br />
sy<br />
af brekende invloed oral laat geld, moet jou optrede<br />
genesing en lewendmaking bring.<br />
As gelowiges leef ons in die poort van die oop graf<br />
waaruit die lig van die lewe en die ewigheid straal. Dit<br />
moet sigbaar word in jou daaglikse optrede, omdat<br />
jy lewe en nie meer die dood in jou omdra nie. <strong>Die</strong><br />
opstandingsgeloof maak jou geskik vir die werk van lewend<br />
making. DK<br />
4 DIE KERKBLAD <strong>Junie</strong> 2011