Die Kerkblad Junie 2011.indd - CJBF

laastens
God sluit die deur
In die 68 verse van Genesis 6, 7 en 8 word die sondvloed beskryf. In
’n deeltjie van ’n vers staan: “En toe het die Here die ark agter Noag
toegesluit” (Gen. 6:16b). Net ’n skerfi e uit 68 verse. Tog vol van die
evangelieboodskap van die hele Bybel.
As God se dade in mensewoorde beskryf word, is die woorde en
die sinne gewoonlik gelaai met krag en wysheid. Ook in hierdie paar
woorde. Toe God die deur van die ark agter Noag, sy gesin en die diere
toesluit, was die moontlikheid van verlossing vir die mense buite die ark
onherroeplik, fi naal verby!
Met die geslote deur van die ark het God aan die mense
buitekant
die ark duidelik laat verstaan dat die tyd vir bekering fi naal verby is
(Matt. 24:38-39).
Toe die deur van die ark nog oop was, het Noag aangehou om
die
mense op te roep tot geloof en bekering (2 Pet. 2:5). God het 120
jaar geleentheid aan hulle gegee vir bekering (Gen. 6:3).
Toe niemand wou luister nie en die oordeel op hande is, en God se
reddingsplan gereed is (Gen. 7:6-10), toe sluit God die deur van die ark
Self toe. Vir almal buite die ark het dit beteken dat die tyd van redding
en verlossing vir hulle verby is. Die geslote deur agter hom het vir Noag
ook betekenis gehad. As daar een gevaarplek aan die ark was, dan was
dit daardie deur gewees.
Heelwaarskynlik het die deur redelik laag gesit, onder die
waterlyn
van die ark. Daarby sou dit ’n taamlike groot deur moes gewees het
om alle soorte diere in te laat gaan. Calvyn skryf dat geen menslik
versterkte deur die drukking van die water sou kon weerstaan
nie. Daarom het God Self gekom en met goddelike krag die deur
toegesluit.
Daar was ook ’n tweede gevaar aan die deur van die ark
verbonde.
Met die styg van die water en daarmee saam die hulpgeroep van die
ondergaande mense buite die ark, kon Noag of een van sy gesin dalk
probeer het om van die mense te red deur die opening. Daarmee
kon hulle in die versoeking kom om in te gryp in die oordeel wat God
oor die mense aangekondig het.
Daarom sluit die Here die ark van buite af en niemand, van binne
of van buite, sal dit kan oopmaak om in of uit te gaan nie. Omdat dit
God is wat die ark op hierdie wyse agter Noag sluit, is die verlossing en
redding van die mense in die ark verseker. Terselfdertyd is die oordeel
Dr. Nico van der Merwe (Klerksdorp)
oor die mense buite die ark onafwendbaar.
In hierdie skerfi e uit die
Skrif sit daar groot troos vir die
kinders van die Here. By God
se uitverkiesende genade in
Jesus Christus is daar ook die
verantwoordelikheid en selfwerksaamheid
van die mens. In
geloofsaktiwiteite is die mens in
sy sonde ook voortdurend besig
om op geestelike vlak te timmer
en te bou.
Maar mensewerk is nie waterdig
en veilig in die storm waters
van God se oordeel nie! Daar bly
in die geloofswerk van die mens
altyd ’n opening na die wêreld
oop waardeur die gelowige se
lewe verswelg kan word deur
die kwaad en ongeregtigheid
(Openb. 12:15-16). Dit sit maar
in elkeen om die deur na die kant
van die sonde ’n skrefi e oop te
hou en daar van in die lewe toe te
laat. Jou erediensbywoning, jou
gebede, jou trane en worsteling,
jou stryd teen die sonde en die
kwaad sleur jou soms die allerdiepste
dieptes in. Hierdie dinge
is nie waterdig nie. Dit bly maar
sondige lapwerk!
Deur die kruis op Golgota sluit
die Here jou lewensark agter jou
dig toe sodat die oordeel van God
teen die sonde van die mens jou
nie sal laat sink tot op die bodem
van die ewige verdoemenis nie.
DK
48 DIE KERKBLAD Junie 2011