Die Kerkblad Junie 2011.indd - CJBF

van oraloor
Dr. Kwena
Semenya deel
Diepsloot se
ervarings tydens
die seminaar.
Afrikaners nie, maar aan die hele wêreld. “Die lesse wat ek en Randburg in
Londen oor kerkplanting geleer het, moet verder uitkring ter bevordering van
die koninkryk,” sê hy. Hy waarsku dadelik dat ’n mens moet stadig oor die
klippe, want die gemeentes in Londen moet nog selfonderhoudend word.
Saam met ander kerkplanters, ook in ander denomisasies, het hulle die
London New Church Network gestig vir die werwing, opleiding en mentorskap
van Britse kerkplanters. “Die nuwe benadering wêreldwyd is ‘kerkplanting’,
eerder as ‘sending’,” sê hy. Dit is die geval nie net in evangelie-honger Europa
nie, maar ook in die hart van stede in Suid-Afrika en selfs verder in Afrika.
“God stuur sy kerk as geloofsgemeenskap na die wêreld sodat mense daar kan
ervaar hoe God se liefde ’n hegte gemeenskap tot stand bring,” sê Kruger. Die
idee is om die lesse wat in Londen geleer is en die energie wat tot nou opgebou
is, verder momentum te gee. Wat geleer is, sluit in betrokkenheid by die
Redeemer City-to-City-beweging wat verlede jaar in Boedapest vergader het en
wat weer van 24 tot 26 Oktober vanjaar in Berlyn bymekaarkom. Kruger was
ook in 2009 vir ses weke in New York vir ’n intensiewe kerkplantingkursus by
die Redeemer Presbyterian Church van die Presbyterian Church of America met
wie die GKSA bande het. Die predikant van dié gemeente, dr. Tim Keller, is
in die vroeë 1990’s met sy Bybel na die hartjie van New York, waar niemand
’n voet wou sit nie. Deur die Here se genade het daar ’n gemeente van 10 000
sterk tot stand gekom wat al meer as 250 kerke wêreldwyd help plant het.
Kruger verduidelik dat Christene tot nou toe stede, waar die kulturele vorming
van ons samelewings plaasvind, veruil het vir meer geriefl ike woonbuurte
buite die stad. “Ons teologiese standvastigheid moet ons juis in staat stel om
kultureel buigsaam te wees in die vinnig veranderende stedelike gemeenskappe.
As ons dit nie doen nie, gaan ons aanhou om strategiese bedieninge prys te gee
ter wille van ons kulturele voorkeure.”
Na aanleiding van dié gedagtes is daar op 20 April vanjaar in Randburg
’n stedelike, multikulturele kerkplantingswerkwinkel gehou, wat deur Kru-
ger en ds. Naas Ferreira van die
Riet vallei-gemeente gelei is. Naas
het saam met dr. Flip Buys die
Centre for Reformational Urban
Ministry in Africa (Cruma) begin,
’n beweging om kerke in Afrika se
stede te plant.Die sowat 50 mense
wat die werkwinkel bygewoon het,
het vanuit verskeie denominasies
gekom en hoofsaaklik vanuit drie
stede – Johannesburg, Pretoria en
Rustenburg.
Die uitreiking na stede is egter
niks nuuts nie, sê Kruger. “Paulus
se sendingstrategie was dan reeds op
stede gefokus.” Kyk maar na Handelinge
16:12 en Romeine 15:19
en 23. Dié fokus is ook te sien by
die Vader. Oor dié stad Ninevé sê
God: “Maar mag ek nie bekommerd
wees oor die groot (belangrike) stad
Ninevé nie ...”
“Dit is dan geen verrassing
nie om te sien dat Jesus Christus
se bediening sy klimaks in die
stad Jerusalem bereik het, net om
uiteindelik buite dié stad gekruisig
te word om vir gelowiges die ewige
Jerusalem te wen. Eweneens, as ons
nie in stede wil bedien nie, gaan
kerke irrelevant word vir ons land
se hoofstroom-kultuur,” sê Kruger.
Hy sê stede is strategies vir God se
koninkryk: “Ons het in Londen geleer
hoe om ’n kerk in die stad vir
die stad te wees. Nou wil ons ander
in spireer om dieselfde te doen.” DK
Interessante webwerwe waarna
lesers kan gaan kyk, is
www.citylifelondon.org
www.Redeemercitytocity.com
www.Canadawaterkerk.com
www.Surreydockschurch.com
34 DIE KERKBLAD Junie 2011