Create successful ePaper yourself
Turn your PDF publications into a flip-book with our unique Google optimized e-Paper software.
fokusartikel<br />
Ds. DF (Francois) Muller (Geref. Kerk Buffeldoorns)<br />
<strong>Die</strong> owerheid<br />
en godsdiensvryheid<br />
Vandat daar mense is ...<br />
Godsdiens en politiek, “kerk” en owerheid is al<br />
van die vroegste eeue onlosmaaklik verbind.<br />
Eeue voordat Moses en Aäron die volk deur die<br />
woestyn moes lei, het die Egiptenare al hulle farao’s aanbid.<br />
Een van die redes hiervoor lê in twee lewenswaarhede wat<br />
onafwendbaar met mekaar verstrengel is: Aan die een kant<br />
het God die mens geskep om (Hom) te aanbid. Gevolglik<br />
is selfs mense wat die Here nie ken nie, godsdienstig – ook<br />
dié mense wat dit probeer ontken. Andersyds kan geen<br />
samelewing bestaan sonder owerhede nie. In ’n sekere sin<br />
bestaan owerhede dus uit godsdienstige mense wat oor<br />
ander godsdienstiges regeer. Sondag sit die owerheid dalk<br />
in die kerk, of buig Vrydag in ’n moskee.<br />
Hoewel God ons geskep het om Hóm alleen te dien,<br />
het die sondeval alles kom beduiwel. Sedertdien aanbid<br />
mense steeds – maar baie aanbid iets in die skepping of<br />
stel hulle diepste vertroue in een of ander menslike idee<br />
of fi losofi e. Volgens 1 Korintiers 10:20 sit daar egter bose<br />
geeste hieragter.<br />
Verskillende lande neem verskillende houdings in<br />
Sekere lande kies met opset en openlik vir ’n spe sifi<br />
eke godsdiens – en verwag dan ook dat almal in die<br />
land dié godsdiens moet navolg. In verskeie Arabiese<br />
lande is die Islam die enigste wettige godsdiens. Hier laat<br />
die owerheid bitter min godsdiensvryheid toe. Ander<br />
lande, soos Engeland, het ’n godsdiens of ’n spesifi eke<br />
gods dienstige tradisie wat die owerheid se voorkeur<br />
geniet. Hoewel niemand in Engeland wetlik gedwing<br />
word om ’n Christen en meer spesifi ek ’n Anglikaan te<br />
wees nie, bevoordeel die owerhede die Anglikaanse kerk<br />
en is koningin Elizabeth die hoof van dié kerk. Lande<br />
soos Frankryk en Amerika laat nie alleen enige godsdiens<br />
toe nie, maar het besluit om kerk en staat heeltemal te<br />
skei. Dit is egter nie so eenvoudig as wat dit mag klink<br />
nie. <strong>Die</strong> Franse owerheid het pas besluit om vroue te<br />
verbied om hulle gesigte, volgens ’n Moslemgebruik, in<br />
die openbaar te bedek. Hoewel ’n mens godsdienstige<br />
strukture formeel van die owerhede kan skei, is godsdiens<br />
en politiek eenvoudig verstrengel. Uiteindelik bevorder<br />
hierdie vermeende neutraliteit boonop sekularisme.<br />
Suid-Afrika<br />
Ons grondwet waarborg godsdiensvryheid. Gevolglik<br />
kan die owerheid niemand dwing om enigiets te glo of ’n<br />
spesifi eke godsdiens na te volg, soos in Moslemlande, nie.<br />
Verder mag die owerheid ook nie ’n spesifi eke godsdiens<br />
bo ander bevoordeel, soos in Engeland, nie. Waar lande<br />
soos Frankryk en Amerika hulle owerhede dwing om<br />
’n neutrale houding ten opsigte van godsdiens inneem,<br />
lei ons grondwet ons owerhede om eerder onpartydig<br />
te wees. Dit mag klink of “neutraal” en “onpartydig”<br />
eint lik maar dieselfde is. Daar is egter ’n belangrike verskil:<br />
Neutraliteit lei maklik tot onbetrokkenheid en seku<br />
larisme. In Suid-Afrika moet die owerheid – soos ’n<br />
onpartydige skeidsregter – sorg dat die speelveld vir almal<br />
gelyk is. <strong>Die</strong> aanhangers van die verskillende godsdienste<br />
moet elkeen kans hê om sy godsdiens vryelik na te volg.<br />
Maar wat is nou reg?<br />
Ons weet tog dat die Drie-enige God die enigste<br />
ware God is en dat die Christelike geloof die enigste egte<br />
godsdiens is en dat alle ander godsdienste vals is.<br />
Beperkte mag<br />
Hoewel hierdie waarhede vasstaan, is dit onmoontlik<br />
om iemand wat nie in die Here glo nie, te maak glo.<br />
Selfs in lande wat net een wettige godsdiens het, kan die<br />
owerheid nie verseker dat almal daardie godsdiens van<br />
harte aanhang nie. ’n Owerheid kan mense se gedrag met<br />
wette manipuleer en met die polisie en howe dwing om<br />
sekere dinge te doen of nié. ’n Owerheid kan propaganda<br />
gebruik om mense te (mis)lei – maar geen mens kan ’n<br />
ander mens dwing om iets te glo nie.<br />
Huigelary en valse godsdiens<br />
Daar is min dinge wat die ware Christelike geloof<br />
16 DIE KERKBLAD <strong>Junie</strong> 2011