Die Kerkblad Junie 2011.indd - CJBF

tas, word die orde deur wanorde bedreig en ’n wettelose owerheid word dan
’n onwettige owerheid.
Ons moet ook raaksien dat daar mense is wat aan die een kant sonder verantwoording
poog om die orde wat deur God by wyse van owerhede ingestel
is, omver te werp. Aan die ander kant is daar sommige aanhangers van ’n
owerheid wat sonder aarseling die mag van die owerheid teenoor en selfs booor
God se heerskappy stel en dit mateloos verhef. Calvyn sê dat as ons nie
beide hierdie euwels teengaan nie, sal die opregtheid van ons geloof verlore
gaan. Ons moet opnuut besef hoe goed God die belange van die mensdom ter
harte neem met die daarstelling van owerhede, sodat ons met groter godsvrug
dankbaarheid aan Hom kan betoon.
Die oproep deur Paulus is ook duidelik aan alle gelowiges om nie aan die
duiwel ’n vatplek te gee nie (Ef. 4:27). Owerhede en alle mense is immers
geroepe om aan God en sy koninkryk diensbaar te wees. Wie dit teenstaan, is
diensbaar aan die duiwel – God se groot teenstander.
Uitsig op die probleem
’n Owerheid sou dus ’n dienaar van die duiwel wees wanneer hy:
met leuens en bedrog die waarheid verbloem en daarmee steun wil
werf;
met pligsversuim hande vou terwyl misdadigers met die gruwelikste
misdade
en moord wegkom;
met belastingverkwisting die openbare nood, soos armoede, van die
volk
vererger;
met onreg die deugsames laat boet en die kwaaddoeners laat vrykom;
en
met die gees van revolusie die bestaande orde
omverwerp.
Optredes
Moet so ’n owerheid met swak regering en goddelose optredes steeds deur
ons geëer en gehoorsaam word?
JA – Goddelose konings is baie keer die werktuie van God se toorn
oor ’n land om die ongeregtigheid van ’n volk te straf. Daardeur wil die
Here so ’n volk bring tot grondige bekering, sodat elkeen weer met ontsag
onder die indruk kan kom van die gesag van God en met verantwoordelike
selfondersoek sy eie onordelike lewe herstel. Dan is dit inderdaad ook jou ten
goede. Daniël se eerbied teenoor Nebukadnesar tydens die volk se ballingskap
is ’n navolgenswaardige voorbeeld.
TENSY – die owerheid se wette of bevele met die Woord van God bots.
On geag Daniël se eerbied as amptenaar teenoor koning Darius, het Daniël
geweier om sy bevelskrif te gehoorsaam dat gedurende 30 dae net Darius aanbid
mag word (Dan. 6). Petrus en Johannes is in ’n soortgelyke situasie. God
het hulle opdrag gegee om die evangelie te verkondig. Dan word hulle van
owerheidsweë beveel om stil te bly. Hulle antwoord is eenvoudig: “Of dit reg is
fokusartikel
voor God om julle meer gehoorsaam
te wees as God, moet julle self beslis;
want vir ons is dit onmoontlik om
nie te spreek oor wat ons gesien en
gehoor het nie” (Hand. 4:19-20).
Petrus en Johannes se optrede
toon duidelik aan hoe teenoor ’n
vyan dige en goddelose regering opge
tree moet word. Eerstens het hulle
die Waarheid getuig en baie het tot
geloof gekom (Hand. 4:4). Tweedens
het hulle geprotesteer teen die onreg
wat gepleeg is (4:10-12) en dan tree
hulle in verset (4:20).
Verset is alleen in die waarheid
van die Woord gegrond. Daarin
word dit onderskei van die revolusie
wat op die leuen staan. Verset is gerig
op die herstel van die orde; revolusie
is gerig op die skep van wanorde.
Die Here is die Koning van
die konings. Wanneer Hy spreek,
moet ons voor en bo alle mense na
Hom alleen luister. Dit geld ook
gehoorsaamheid aan die owerheid.
As hulle ’n bevel teen Hom aan ons
sou gee, mag dit nie gehoorsaam
word nie, want die aansien van
die owerheid word nie verontreg
wanneer dit aan die oppergesag van
God ondergeskik gestel word nie.
Daniël ag byvoorbeeld nie sy
weerstand teen die koning se god delose
bevel as sonde nie. Die koning
het immers sy perke oorskry en as
dienaar van die duiwel hom teen
God verhef en so sy eie mag vernietig.
Mag ons altyd, met ontsag voor
God, al soekende na die Waarheid
alle gesag oor ons eerbiedig en
gehoorsaam met die bede: Here,
laat u koninkryk kom en vernietig die
werke van die bose. DK
Junie 2011 DIE KERKBLAD 15