Die Kerkblad Junie 2011.indd - CJBF

fokusartikel
Die owerheid as
Ds. SA (Sarel) Cilliers (Geref. Kerk Waterberg [dolerend])
dienaar van die duiwel
Probleem
Die owerheid as dienaar van
God en as dienaar van die
duiwel. Kan twee, op die
ge hoor af, weersprekende artikels so
naas mekaar geplaas word? Skep dit
nie verwarring nie?
Die saak raak moeiliker wanneer
jy uit die Bybel leer dat alle owerhede,
godvresende én goddelose owerhede,
se gesag van God afkomstig is (Rom.
13:1). Die Skrif stel duidelik dat
god delose en wrede tiranne soos Nebukadnesar,
die koning van Babel,
deur God as sy dienskneg genoem is
(Jer. 27:6). Daarby gee die Here die
opdrag: “Dien die koning van Babel,
en lewe” (Jer. 27.17).
Verder word ons vandag oorweldig
met die wanorde wat heers in
lande soos Libië en mens vra of sulke
owerhede nog diensbaar aan God is
ooreenkomstig hulle primêre taak as
owerheid. En ’n owerheid wat met
leuens en bedrog sy eie booshede wil
regverdig, wie se dienaar is hy? Op
watter gronde sou mens ’n owerheid
as dienaar van die duiwel kan beskou?
Wat behoort jou optrede as
ge lowige in Christus teenoor so ’n
owerheid te wees?
Insig in diensbaarheid
Petrus, die geroepe dienskneg
van God, het sy besondere belydenis
uitgespreek dat Jesus die Christus
is, die Seun van die lewende God.
Daarop het Jesus aan hom gesê: “Jy is Petrus, en op hierdie rots sal Ek my
gemeente bou, en die poorte van die doderyk sal dit nie oorweldig nie” (Matt.
16:15-18). Met die daaropvolgende gesprek word Petrus deur Jesus aangesê:
“Gaan weg agter My, Satan! Jy is vir My ’n struikelblok, omdat jy nie die dinge
van God bedink nie, maar die dinge van die mense” (Matt. 16:23).
Dit is duidelik dat Petrus, nieteenstaande sy roeping, tydens hierdie deel
van die gesprek as ’n dienskneg van Satan opgetree het. Pas na die belydenis
dat Jesus die Christus is, het Jesus aan sy dissipels getoon dat Hy as Christus
moes ly en gedood word en op die derde dag sal opstaan om die kroon te
verwerf. Petrus wou verhoed dat Jesus deur die kruislyde en dood die kroon
moet verwerf. Hiermee het hy hom vierkantig teenoor God se wil geplaas.
Petrus het hom dus op dié bepaalde punt aan Satan diensbaar gemaak.
Wat hier vir ’n individu geld, is ewe geldig vir ’n owerheid. In die behandeling
van die negende gebod bely ons in die Heidelbergse Kategismus dat alle
leuens en bedrog as eie werke van die duiwel vermy moet word. Met leuens en
bedrog word mense en instansies dus ook dienaars van die duiwel. Die owerheid
as dienskneg van God sou dus deur bepaalde optredes, waaronder leuens
en bedrog, ’n dienaar van die duiwel wees.
Insig in ordelikheid / ordeloosheid
Die aarde is met goddelike gesag tot orde geskape. Adam is met koninklike
gesag beklee om die orde te handhaaf. Met die sondeval het hy dié gesag verwerp
en daarom staan die mens met ontsag, dit wil sê sonder gesag, voor God.
Satan skep met die sondeval wanorde tussen Adam en Eva, wat tot algehele
wanorde sou lei. Hierteenoor beklee God die owerheid met amptelike gesag ter
wille van die handhawing van orde. Volgens Artikel 36 NGB is die volgende
duidelik (vgl. Rom. 13; 1 Tim. 2:2; 1 Kor. 14:33):
Die owerheid word met gesag beklee en daarom is die onderdane
gehoorsaamheid
verskuldig.
Die owerheid is ’n dienaar jou ten
goede.
Die owerheid moet in gehoorsaamheid aan God orde handhaaf as sy
primêre
taak.
Die owerheid is ’n teken van God se ontfermende liefde sodat ons ’n
rustige
en ordelike lewe kan lei.
Wanneer die sondige en verdorwe aard van die mens hierdie beginsels aan-
14 DIE KERKBLAD Junie 2011