Create successful ePaper yourself
Turn your PDF publications into a flip-book with our unique Google optimized e-Paper software.
andpunt<br />
politieke stelsel vasgevang is waar hulle as burgers van die land geen vryheid<br />
gehad het nie. Bevrydingsteologie in ’n demokratiese stelsel soos ons dit<br />
vandag in Suid-Afrika ken, is (behalwe vir sy leerstellige bedenklikheid) in elk<br />
geval ’n anomalie.<br />
Uiteraard beteken dit nie dat ’n mens vra vir ’n sogenaamde “neutrale<br />
pre sident” of “neutrale politici” wat nooit blyke gee wat hulle eie geloofsoortuigings<br />
is nie. Gelowiges behoort voor elke verkiesing ernstig te bid vir<br />
kan didate wat onwrikbaar in die Drie-enige God glo. Wat ’n mens dan verwag,<br />
is dat hulle wat aan bewind is, blyke gee van hulle totale afhanklikheid van<br />
God sonder om in hoogmoed op ander neer te sien of hulle Verlosser se Naam<br />
te misbruik om punte by die stembus te verwerf.<br />
Christene wil graag mense aan bewind hê wat die dienskneggestalte van<br />
Christus vertoon en waarlik onselfsugtige diens lewer. Vir so ’n persoon het<br />
Christene en nie-Christene agting en respek. Respek is by die agterdeur uit<br />
wanneer ’n politikus se skietgoed oënskynlik op is en hy/sy dan op onwaardige<br />
wyse gryp na dit wat heilig is.<br />
Christus is Koning. Dit beteken<br />
dat ’n gelowige hom/haar gewillig aan<br />
sy Koningskap en heerskappy on derwerp<br />
– ongeag die posisie wat hy/sy<br />
in die samelewing beklee. Wanneer sy<br />
Naam egter misbruik word om meer<br />
mag te kry, word die Koningskap<br />
van Christus aangetas. Laat ons as<br />
gelowiges elkeen die gesindheid van<br />
Christus vertoon en in nederigheid<br />
en gehoorsaamheid teenoor God leef.<br />
Laat ons as gelowi ges in Suid-Afrika<br />
sorg dra dat ons bo alle verdenking<br />
staan en opreg bly, onberispelike<br />
kinders van God te midde van ontaarde<br />
en korrupte mense (Fil. 2:15)<br />
en laat ons God bid dat ons leiers ook<br />
so sal optree. DK<br />
10 DIE KERKBLAD <strong>Junie</strong> 2011