Kliek hier - Suidwes

39
Suidwes Jaarverslag 2012

SUIDWES BELEGGINGS BEPERK
Direkteursverslag
Die direkteure lê hulle vyftiende jaarlikse verslag voor
as deel van die opgesomde Gekonsolideerde en Afsonderlike
Finansiële State van Suidwes Beleggings Beperk
en die Groep vir die jaar wat op 30 April 2012 geëindig
het.
HOOFBESIGHEID
Suidwes Beleggings Beperk (“die Maatskappy”) is ’n geregistreerde
houermaatskappy vir ’n groep (“die Groep”)
wat die volgende tipe besigheid in hoofsaaklik die
landbousektor bedryf:
• Verkryging, hantering, opberging en bemarking
van landbouprodukte.
• Verskaffing van lenings en kredietfasiliteite.
• Verskaffing van benodigdhede en dienste vir boerderydoeleindes
deur middel van handelswinkels en
’n hoogs gespesialiseerde bedryfsondersteuningsdiens,
wat ’n laboratorium insluit.
• Handel in verbruikersgoedere.
• Meganisasieverkope en -dienste, sowel as die verskaffing
van onderdele.
• Optrede as versekeringsmakelaar.
• Beoefening van beleggingsaktiwiteite.
• Verskaffing van elektroniese kommunikasie- en
IT-verwante dienste.
FINANSIËLE RESULTATE
Die Groep het vir die 2011/2012-finansiële jaar ’n wins
na belasting van R83.019 miljoen (2010/2011: R65.609
miljoen) gerealiseer, wat soos volg saamgestel is:
R’000 2012 2011
Bedryfswins 140,453 111,336
Finansieringskoste (34,364) (31,115)
Wins na finansieringskoste 106,089 80,221
Deel van resultaat vanaf
geassosieerdes
6,482 8,006
Wins voor belasting 112,571 88,227
Belasting (29,552) (22,618)
Wins vir die jaar 83,019 65,609
Die wins/(verlies) voor belasting van die onderskeie bedryfsegmente
van die Groep is soos volg:
40
R miljoen 2012 2011
Graan 86.3 57.5
Handel 15.3 (1.0)
Finansiering en Beleggings 68.3 83.1
Tegnologie 3.5 2.2
Korporatief (64.3) (51.8)
Konsolidasie 3.5 (1.8)
Totaal vir die Groep 112.6 88.2
Die Maatskappy en die Groep se opgesomde Ge-
konsolideerde en Afsonderlike Finansiële State vir die
2011/2012-finansiële jaar word op bladsye 43 tot 52
van hierdie jaarverslag verstrek. Die resultate en bedrywighede
vir die jaar word in die Voorsittersverslag en
die Besturende Direkteursverslag toegelig.
AANDELEKAPITAAL
Op 30 April 2012 het die Maatskappy se uitgereikte
aandelekapitaal R119,000,000 (2011: R119,000,000)
beloop. Volledige besonderhede van die Maatskappy
se gemagtigde en uitgereikte aandelekapitaal, soos
op jaareinde, word in aantekening 17 tot die volledige
Gekonsolideerde en Afsonderlike Finansiële Jaarstate
verstrek. Die Maatskappy se gemagtigde aandelekapitaal
het nie gedurende die jaar verander nie.
DIVIDENDE
Die Direksie het gedurende die jaar ’n tussentydse dividend
van 15 sent (2011: 13 sent) per aandeel verklaar,
wat op 30 April 2012 aan die Maatskappy se geregistreerde
aandeelhouers, soos op 25 April 2012,
betaal is.
LOPENDE SAAK
Na oorweging van die huidige finansiële posisie en
bestaande kredietgeriewe van die Maatskappy en sy
filiale, sowel as die begrotings en kontantvloeivooruitskattings
vir die finansiële jaar tot 30 April 2013,
is die Direksie daarvan oortuig dat die Maatskappy
’n lopende saak is en voldoen aan die solvensie- en
likiditeitsvereistes, soos in die Maatskappywet bedoel.
Die finansiële state is gevolglik op die lopendesaakgrondslag
opgestel.

FILIALE EN GEASSOSIEERDE MAATSKAPPYE
Volledige besonderhede van die Maatskappy se beleggings
in filiale en geassosieerde maatskappye word
in aantekeninge 6 en 7, onderskeidelik, en in Bylae A
van die volledige Gekonsolideerde en Afsonderlike
Finansiële Jaarstate verstrek.
Die Maatskappy se belang in Network Embedded
Technologies (Edms) Bpk is gedurende die jaar van
26% tot 58.8% verhoog. ’n Belegging is in Frans
Lyons Gespesialiseerde Prysrisikobestuur (Edms) Bpk
gemaak in terme waarvan die Maatskappy se aandelebelang
tans 40% beloop.
GEBEURE SEDERT JAAREINDE
Die Direksie is nie bewus van enige gebeure wat tussen
die rekenpligtige datum en die datum van hierdie verslag
plaasgevind het wat die beoordeling van die stand
van die Maatskappy of die Groep se finansiële posisie
behoort te beïnvloed nie.
DIREKTEURE
Ingevolge die Maatskappy se statute word die Direksie
saamgestel uit:
• Hoogstens sewe van Suidwes Beherend Beperk
se direkteure wat op ’n wyksgrondslag verkies is
en wat deur die Direksie van Suidwes Beherend
Beperk aangewys word;
• hoogstens drie onafhanklike nie-uitvoerende direkteure
wat deur die bogenoemde verkose direkteure
benoem word; en
• die uitvoerende direkteure wat deur die nieuitvoerende
direkteure aangestel word.
Die samestelling van die Direksie het gedurende die
jaar slegs verander in die volgende opsigte:
• Die voormalige besturende direkteur, mnr SW
Pienaar, het op 30 April 2012 afgetree en
mnr LJ Smit is vanaf 1 Februarie 2012 in daardie
hoedanigheid aangestel.
• Mnr FE Marx het mnr GL Malherbe as ondervoorsitter
van die Direksie vervang.
Die Maatskappy se Direksie was op jaareinde soos volg
saamgestel:
Nie-uitvoerende direkteure
Mnre PS Vercueil (Voorsitter)
FE Marx (Ondervoorsitter)
AJ Botha
JHT Delport
PF Delport
(Onafhanklik)
Me DLT Dondur (Onafhanklik)
Mnre JJ le Roux
GL Malherbe
JJ Viljoen
NT Wilkinson (Onafhanklik)
Uitvoerende direkteure
Mnre LJ Smit (Besturende Direkteur)
G Potgieter (Direkteur: Finansies)
KOMITEES
Die Direksie word in die nakoming van sy verantwoordelikhede
deur drie komitees bygestaan, naamlik die
Oudit- Risiko- en IT-komitee, die Sosiaal-, Etiese- en
Vergoedingskomitee en die Menslike Hulpbronne
Raadskomitee. Die genoemde Direksiekomitees was
op jaareinde soos volg saamgestel:
Oudit-, Risiko- en IT-komitee
Statutêre lede
Mnr AJ Botha (Voorsitter)
Me DLT Dondur
Mnr NT Wilkinson
Nie-statutêre lede
Mnre PS Vercueil
GL Malherbe
FE Marx
JJ Viljoen
(Voorsitter van die Direksie -
ex officio)
LJ Smit (Besturende Direkteur -
ex officio)
G Potgieter (Direkteur: Finansies -
ex officio)
41
Suidwes Jaarverslag 2012

Die Oudit- Risiko- en IT-komitee se verslag ingevolge
artikel 94(7) van die Maatskappywet, Wet 71 van 2008,
vir die 2011/2012-finansiële jaar word op bladsye 37 en
38 gepubliseer.
Sosiaal-, Etiese- en Vergoedingskomitee
Me DLT Dondur (Voorsitter)
Mnre AJ Botha
PF Delport (Voorsitter van die Menslike
Hulpbronne Raadskomitee -
ex officio)
FE Marx (Ondervoorsitter van die
Direksie - ex officio)
G Potgieter (Direkteur: Finansies -
ex officio)
LJ Smit (Besturende Direkteur -
ex officio)
PS Vercueil
NT Wilkinson
(Voorsitter van die Direksie -
ex officio)
Menslike Hulpbronne Raadskomitee
Mnre PF Delport
JHT Delport
(Voorsitter)
Me DLT Dondur
Mnre JJ le Roux
FE Marx (Ondervoorsitter van die
Direksie - ex officio)
G Potgieter (Direkteur: Finansies -
ex officio)
LJ Smit (Besturende Direkteur -
ex officio)
PS Vercueil (Voorsitter van die Direksie -
ex officio)
Op 30 April 2012 het die direkte en indirekte aandeelhouding
van al die direkteure gesamentlik sowat 0.24%
(2011: 0.24%) van die totale uitgereikte aandelekapitaal
van die Maatskappy verteenwoordig. Nie een van die
uitvoerende direkteure hou enige aandele in die Maatskappy
nie.
Besonderhede van die direkteure en voorgeskrewe
beamptes se vergoeding gedurende die jaar onder
oorsig word in aantekening 40.6 en 40.7 van die
volledige Gekonsolideerde en Afsonderlike Finansiële
42
Jaarstate verstrek. Die voorgeskrewe beamptes is die
uitvoerende bestuurslede van die Maatskappy, asook
die Groepsekretaris.
Die Groep het nie gedurende die jaar enige kontrakte
gesluit waarin enige direkteur van die Groep ’n belang
het nie, behalwe vir kontrakte wat in die normale loop
van sake met direkteure as klante van die Groep
aangegaan is.
KORPORATIEWE BESTUUR
EN VOLHOUBAARHEID
Die direkteure onderskryf die beginsels van die King
III-kode oor Korporatiewe Bestuur en het oor die afgelope
aantal jare verskeie aanpassings gemaak ten
einde dit te implementeer. ’n Volledige verslag oor die
toepassing van die King III-kode en ander korporatiewe
bestuursbeginsels word op bladsye 21 tot 27 verstrek.
Die Groep is daartoe verbind om sy besigheid op
’n volhoubare basis te bedryf en slaan nie net ag op
ekonomiese volhoubaarheid nie, maar gee ook spesifieke
aandag aan die impak van sy bedrywighede op die
omgewing en op sosiale vlak. Die direkteure se volledige
verslag hieroor word in die Volhoubaarheidsverslag vanaf
bladsy 28 tot bladsy 32 verstrek.
Die verslae oor korporatiewe bestuur en volhoubaarheid
is nie ekstern geëvalueer nie.
OUDITEURE
PricewaterhouseCoopers Geïnkorporeer, wie se volledige
besonderhede op bladsy 2 van hierdie verslag
verskyn, is die Maatskappy en die Groep se ouditeure.
Geen verandering van die Maatskappy en die Groep
se ouditeure word vir die volgende jaar aanbeveel nie.
SEKRETARIS EN ADRES
Groepsekretaris : D Linde
Geregistreerde adres : Voortrekkerstraat
Leeudoringstad 2640
Posadres : Posbus 5
Leeudoringstad 2640