everything maths and science - C2B2A

a) Teken ’n vryliggaamdiagram van al die kragte wat op die donkie inwerk.
b) Teken ’n kragtediagram van al die kragte wat op die karretjie inwerk.
c) Vind die grootte en rigting van die wrywingskrag wat verhoed dat die karretjie
beweeg.
Dink jy jy het dit? Kry oplossings en meer oefening op ons Intelligent Practice Service
1. 26S7 2. 26S8
www.everythingscience.co.za m.everythingscience.co.za
2.3 Newton se wette ESER
In hierdie afdeling kyk ons na die effek van kragte op voorwerpe en hoe ons hierdie
voorwerpe kan laat beweeg. Dit sal aansluit by wat jy oor beweging en kragte geleer
het.
Newton se eerste wet ESES
Sir Isaac Newton was ’n wetenskaplike wat in Engeland gewoon het (1642-1727). Hy
het belanggestel in die beweging van voorwerpe onder verskillende omstandighede.
Hy het voorgehou dat ’n stilstaande voorwerp sal bly stilstaan tensy ’n krag daarop
inwerk en dat ’n bewegende voorwerp sal aanhou beweeg tensy ’n krag dit stadiger of
vinniger laat beweeg of die rigting van beweging verander. Hieruit het hy, wat bekend
staan as Newton se eerste bewegingswet, geformuleer:
DEFINISIE: Newton se eerste bewegingswet
’n Liggaam behou sy toestand van rus of eenvormige beweging (beweging met konstante
snelheid) tensy ’n ongebalanseerde (netto of resultante) krag inwerk.
Hierdie eienskap van ’n voorwerp, om aan te hou in sy huidige toestand van beweging
tensy ’n nettokrag daarop inwerk, word traagheid of inersie genoem.
Kom ons oorweeg die volgende omstandighede:
Hoofstuk 2. Newton se wette
77