everything maths and science - C2B2A

2. Teken ’n vryliggaamdiagram van al die kragte wat op die sleepwa inwerk.
3. Gebruik die kragtediagram om die resultante krag van die sleepwa te bepaal.
OPLOSSING
Stap 1: Teken die kragtediagram van die motor.
Die vraag vra dat ons al die kragte wat op die motor inwerk moet teken. Dit beteken
dat ons die horisontale en vertikale kragte moet insluit.
Stap 2: Bepaal die resultante krag op die sleepwa.
Om die resultante krag te vind moet ons al die horisontale kragte bymekaar tel. Ons
tel nie die vertikale kragte bymekaar nie aangesien die beweging van die motor en die
sleepwa in ’n horisontale rigting is en nie op of af is nie. FR = 2000 + (−200) =
1800 N na regs
Sien simulasie: 26S6 op www.everythingscience.co.za
Oefening 2 – 3: Kragte en beweging
1. ’n Seun stoot ’n winkeltrollie (gewig as gevolg van gravitasie 150 N) met ’n konstante
krag van 75 N. ’n Konstante wrywingskrag van 20 N is teenwoordig.
a) Teken ’n kragtediagram met byskrifte wat al die kragte wat op die winkeltrollie
inwerk, aandui.
b) Teken ’n vryliggaamdiagram van al die kragte wat op die trollie inwerk.
c) Bepaal die resultante krag op die trollie.
2. ’n Donkie (wat ’n gravitasiekrag van 2500 N ervaar) probeer ’n karretjie (krag as
gevolg van gravitasie van 800 N) met ’n krag van 400 N trek. Die tou tussen die
donkie en die karretjie maak ’n hoek van 30 ◦ met die karretjie. Die karretjie
beweeg nie.
76 2.2. Krag