everything maths and science - C2B2A

Aanvaar byvoorbeeld dat die positiewe rigting na regs is, dan
FR =(4)+(−6)
= −2
= −2 N na links.
Onthou dat ’n negatiewe antwoord beteken dat die krag in die teenoorgestelde rigting
as die een wat jy as positief gekies het, is. Jy kan die positiewe rigting in enige rigting
wat jy wil hê kies, maar as jy dit gekies het, moet jy dit konsekwent toepas vir daardie
probleem.
As jy met nog kragtediagramme werk waarin die kragte presies balanseer, sal jy agterkom
dat jy ’n nul antwoord (bv. 0 N) kry. Dit beteken eenvoudig dat die kragte
balanseer en die resultant nul is.
Sodra ’n kragtediagram geteken is, kan die tegniek van vektoroptelling (Hoofstuk 1) gebruik
word. Afhangend van die situasie kan jy kies om ’n grafiese tegniek soos die kopna-stert
metode of die parallelogrammetode te gebruik, andersins kan die algebraïese
metode gebruik word om die resultant te bepaal. Aangesien krag ’n vektorhoeveelheid
is, is al hierdie metodes van toepassing.
’n Goeie strategie is:
• ontbind al die kragte in komponente parallel met die x- en y-rigtings;
• bereken die resultante in albei rigtings, Rx en Ry, gebruik ko-liniêre vektore; en
• gebruik Rx en Ry om die resultant, R, te bereken.
Uitgewerkte voorbeeld 7: Bepaal die resultante krag.
VRAAG
’n Motor (wat ’n gravitasiekrag met ’n grootte van 12 000 N en ’n normaalkrag van
dieselfde grootte ervaar) pas ’n krag van 2000 N toe op ’n sleepwa (wat ’n gravitasiekrag
met ’n grootte van 2500 N en ’n normaalkrag van dieselfde grootte ervaar). ’n
Konstante wrywingskrag met ’n grootte van 200 N word op die sleepwa uitgeoefen en
’n konstante wrywingskrag met ’n grootte van 300 N word op die motor uitgeoefen.
1. Teken ’n kragtediagram van al die kragte wat op die motor inwerk.
Hoofstuk 2. Newton se wette
75