everything maths and science - C2B2A

FEIT
Inheemse mense het baie
keer unieke maniere om
mineraalafsettings te vind,
soos om dieregedrag dop
te hou, of te let op die
weligheid van sekere
plantsoorte.
FEIT
Steenkoolmyners het
gebruiklik ‘n kanarie
saam met hulle in die
myn afgeneem. As die
kanarie doodgaan het
hulle geweet dat daar ‘n
hoë vlak van gas aan die
opbou was en dat dit nie
veilig was om onder in
die myn aan te bly nie.
minerale wat ontgin kan word dramaties vermeerder het. Groot tonnels begin deur die
Aarde sny waarmee minerale diep ondergrond ontgin word. Nuwe prosesvaardighede
beteken dat dat nuwe soorte metale gemyn kan word.
Die belangrikste stadiums in die mynbedryf is verkenning, ontginning, verwerking,
vervaardiging en bemarking. Ons sal vlugtig aandag skenk aan verkenning, ontginning
en verfyning.
Verkenning ESE7F
Outydse mense was nie besorg oor of die erts wat hulle ontgin het vir hulle geld sou
inbring nie. Al waaroor hulle omgegee het, was om toegang tot die metale en minerale
wat hulle sou help om te eet, warm te bly en die naburige stamme te oorwin, te verkry.
In modern tye maak geld saak en die eerste stap in mynbou is om ‘n mineraalerts neerslag
van geskikte grootte te vind. Diamande word byvoorbeeld in Kimberley aangetref
en gouderts in Johannesburg. Hierdie neerslae was groot genoeg vir die ekonomiese
ontginning van goud en diamant.
Die verkryging van erts ESE7G
Sodra ‘n geskikte hoeveelheid erts gevind is, kan die ontginning begin. In die ou tyd
was mynwerk en mineraalprossessering baie primitief en die metode wat hoofsaaklik
gebruik is was om met die hand te grawe.
Mynbou word hoofsaaklik in oppervlak- en ondergrondse mynbou verdeel. Minerale
word dikwels in rivierbeddings, strandsand en ander sanderige gebiede gevind.
Hulle staan as spoelafsettings bekend. Hierdie minerale kan redelik eenvoudig deur
oppervlak mynboutegnieke verwyder word. Ander minerale kom in lang stroke wat as
are bekend staan, of in pype voor. Ondergrondse mynboutegnieke word gebruik om
toegang tot hierdie minerale te verkry.
Oppervlakmynbou sluit dagboumyne, groefmynbou, stroopmynbou en ”landfill miningïn.
Steenkool en koper word dikwels so ontgin.
Ondergrondse mynbou bestaan hoofsaaklik uit die grawe van tonnels en skagte in
die aardkors. Goud word dikwels op hierdie manier gemyn. Ondergrondmyn is gevaarliker
as oppervlakmynbou, omdat tonnels ineen kan tuimel en gevaarlike gasse
ondergronds kan opbou.
Ons sal binnekort verder na oppervlak- en ondergrondse mynbou kyk.
Mineraalwinning ESE7H
Sodra die erts ontgin is, word dit gewoonlik fyner gemaak sodat dit makliker verwerk
kan word. Die mineraal moet dan uit die erts gehaal word.
Outydse mense het vinnig geleer dat vuur gebruik kon word om die metale te louter.
Hierdie tegniek staan as smeltwerk bekend. Dit was die vroegste metode wat gebruik
is om die mineraal uit die erts te win.
482 14.3. Die mynbedryf en mineraal verwerking