everything maths and science - C2B2A

14 Die litosfeer
14.1 Inleiding ESE78
In Graad 10 het ons die elemente bestudeer. Ons het geleer van die verskillende
elemente en die verbindings wat uit die elemente gemaak kan word. Waar kom al
hierdie elemente vandaan? Waar het die mens dit gevind en hoe het hy dit gebruik?
Hierdie hoofstuk sal die deel van die aarde ondersoek wat as die litosfeer bekend
staan. Ons sal uitvind wat die litosfeer is en hoe die elemente in die litosfeer versprei
is.
14.2 Die litosfeer ESE79
As ons ’n deursnit van die Aarde neem, sal ons sien dat ons planeet uit ’n aantal
lae bestaan, naamlik die kern in die middel (wat bestaan uit die binne en buitenste
deel van die kern), die mantel, die boonste mantel, die kors en die atmosfeer (Figuur
14.1). Die kern bestaan hoofsaaklik uit yster. Die mantel, wat tussen die kern en die
kors lê, bestaan uit gesmelte gesteentes, genoem magma, wat in gedurige beweging is
as gevolg van konveksiestrome. Die kors is die dun, harde buitelaag wat op die magma
van die mantel “dryf”. Die boonste deel van die mantel en die kors maak die litosfeer
uit (lito beteken tipe gesteentes en sfeer verwys na die vorm van die Aarde).
474 14.1. Inleiding