everything maths and science - C2B2A

WENK
Jy kan dit as volg onthou:
oksidasie en verloor (van
elektrone) albei ’n “o” in
het, end reduksie en die
bykry (van elektrone)
albei ’n “r” in het.
Oefening 13 – 6: Sure en basisse
Vir elk van die volgende reagense beskryf watter tipe suur-basis-reaksie die paar van
die reaktante ondergaan en skryf die gebalanseerde reaksievergelyking.
1. HNO3 en Ca(OH)2
2. HCl en BeO
3. HI en K2CO3
4. H3PO4 en KOH
5. HCl en MgCO 3
6. HNO3 en Al2O3
Dink jy jy het dit? Kry oplossings en meer oefening op ons Intelligent Practice Service
1. 27FT 2. 27FV 3. 27FW 4. 27FX 5. 27FY 6. 27FZ
www.everythingscience.co.za m.everythingscience.co.za
13.3 Redoksreaksies ESE74
As jy ’n stukkie geroesde metaal sien, is dit die
eind resultaat van ’n redoksreaksie (yster en suurstof
vorm ysteroksied).
As sekere reaksies gebeur, vind daar uitruiling van elektrone plaas. Dit is die uitruiling
van elektrone wat lei tot die verandering in lading wat ons gesien het in graad 10
(hoofstuk 18, reaksies in wateroplossings). Wanneer ’n atoom elektrone bykry word
dit meer negatief en wanneer dit elektrone verloor, word dit meer positief.
Oksidasie is die verlies van elektrone vanaf ’n atoom, terwyl reduksie die bykry van
elektrone by ’n atoom is. In ’n reaksie gebeur hierdie twee prosesse saam sodat een
element of verbinding elektrone bykry, terwyl ’n ander element of verbinding elektrone
verloor. Dis hoekom ons dit ’n redoksreaksie noem. Dis ’n verkorte manier om
reduksie-oksidasie te sê!
DEFINISIE: Oksidasie
Oksidasie is die verlies van elektrone by ’n molekule, atoom of ioon.
DEFINISIE: Reduksie
Reduksie is die bykry van elektrone by ’n molekule, atoom of ioon.
Voor ons na redoksreaksies kyk moet ons eers leer hoe om te kan sien dat dit ’n
redoks reaksie is. In graad 10 het jy geleer dat ’n redoksreaksie te doen het met die
verandering in lading op ’n atoom. Nou gaan ons kyk hoekom die verandering in
lading gebeur.
456 13.3. Redoksreaksies