everything maths and science - C2B2A

Aktiwiteit: Gekonjugeerde suur-basispare
Deur die algemene sure en basisse in Tabel 13.1 te gebruik, kies ’n suur en ’n basis
vanuit die lys. Skryf ’n chemiese vergelyking vir die reaksie tussen hierdie twee
verbindings.
Identifiseer nou die gekonjugeerde suur-basispare in jou gekose reaksie. Vergelyk jou
resultate met dié van jou klasmaats.
Sien video: 27FH op www.everythingscience.co.za
Oefening 13 – 2: Sure en basisse
1. In elkeen van die volgende reaksies, dui die gekonjugeerde suur-basispare aan.
a) H2SO4(aq) + H2O (l) → H3O + (aq) + HSO − 4 (aq)
b) NH + 4 (aq) + F− (aq) → HF(aq) + NH3(aq)
c) H2O (l) + CH3COO − (aq) → CH3COOH (aq) + OH − (aq)
d) H2SO4(aq) + Cl − (aq) → HCl (aq) + HSO − 4 (aq)
2. Gegewe die volgende reaksie:
H2O (l) + NH3(aq) → NH + 4 (aq) + OH− (aq)
a) Skryf neer watter reaktant die basis is en watter een die suur is.
b) Dui die gekonjugeerde suur-basispare aan.
c) In jou eie woorde verduidelik wat bedoel word met die term gekonjugeerde
suur-basispaar.
Dink jy jy het dit? Kry oplossings en meer oefening op ons Intelligent Practice Service
1a. 27FJ 1b. 27FK 1c. 27FM 1d. 27FN 2. 27FP
www.everythingscience.co.za m.everythingscience.co.za
13.2 Suur-basis reaksies ESE6Y
Die reaksie tussen ‘n suur en ‘n basis staan bekend as ‘n neutralisasie reaksie. Wanneer
‘n suur en ‘n basis met mekaar reageer vorm daar dikwels water as produk. Ons gaan
nou na ‘n paar voorbeelde van suur-basisreaksies kyk.
1. Soutsuur reageer met natriumhidroksied om natriumchloried (tafelsout) en water
te vorm. Natriumchloried is saamgestel uit Na + katione van die basis (NaOH)
en Cl − anione van die suur (HCl).
HCl (aq) + NaOH (aq) → H2O (l) + NaCl (aq)
Hoofstuk 13. Reaksietipes
WENK
In chemie beteken die
woord sout nie, ‘n wit stof
wat ons oor ons kos
sprinkel nie (die wit stof is
‘n sout maar nie die
enigste sout nie). ‘n Sout
(vir chemisie) is ‘n produk
van ‘n suur-basisreaksie
en bestaan uit die katioon
van die basis en die
anioon van die suur.
447