everything maths and science - C2B2A

Toe ons verbindings (in hoofstuk 3) bespreek het, het ons die volgende energie-diagram
gebruik.
Energie
+
0
-
X
Afstand tussen atoomkerne
Figuur 12.1: Grafiek wat die veranderinge in energie tussen twee atome aandui soos die
afstand verander.
Ons kan hierdie diagram gebruik om te verstaan waarom bindingsverbinding energie
benodig en waarom bindingsvorming energie vrystel. Punt X op die diagram is die
laagste energie. Wanneer ’n binding breek, beweeg die atome uitmekaar en die afstand
tussen hulle verhoog (d.w.s. die atoom beweeg na regs op die x-as of van punt
X na punt A). Wanneer dit gebeur, soos op die diagram aangedui, verhoog die energie
(d.w.s. die energie by punt A is groter as die energie by punt X ). Dus word energie
benodig as ’n binding gebreek word.
Om ’n verbinding te vorm beweeg die atome beweeg nader aanmekaar en die afstand
verminder (d.w.s. die atoom beweeg na links op die x-axis of van punt A na punt
X). Wanneer ons na die diagram kyk, sien ons dat die energie verminder (d.w.s. die
energie by punt X is minder as die energie by punt A). Dus word energie vrygestel
wanneer ’n binding vorm.
Ons kyk na die voorbeeld waar waterstof met suurstof reageer om water te vorm:
2H2(g)+O2(g) → 2H2O(g)
Ons sien dat energie benodig word om bindings binne die waterstofmolekule en suurstofmolekule
onderskeidelik te breek. Ons sien ook dat energie vrygestel word wanneer
waterstof en suurstof die verbinding water vorm. Indien ons na die hele reaksie
kyk en beide die bindingsbreking en die vorming van die binding in ag neem, verwys
ons na die entalpie van die stelsel.
DEFINISIE: Entalpie
Entalpie is ’n maatstaf van die totale energie van ’n chemiese stelsel vir ’n gegewe druk
en word deur die simbool H voorgestel.
Soos ons verder van eksotermiese en endotermiese reaksies leer, sal die konsep entalpie
baie voorkom.
Hoofstuk 12. Energie en chemiese verandering
A
WENK
’n Chemiese stelsel is ’n
geslote stelsel wat slegs
die betrokke reagense en
produkte in die reaksie
bevat.
423