everything maths and science - C2B2A

2. Gebruik die data wat jy in die tweede tabel aangeteken het en trek ’n grafiek
van potensiaalverskil teenoor stroom. In hierdie geval is die onafhanklike veranderlike
die stroom. Dit moet dus op die x-as uitgestip word. Die afhanklike
veranderlike is die potensiaalverskil. Dit moet op die y-as uitgestip word.
Gevolgtrekkings:
1. Bestudeer die grafiek wat jy van die eerste tabel se inligting getrek het. Wat
gebeur met die stroom deur die resistor wanneer die potensiaalverskil oor die
resitor verhoog word? Het dit toegeneem of afgeneem?
2. Bestudeer die grafiek wat jy van die tweede tabel se inligting getrek het. Wat
gebeur met die potensiaalverskil oor die resistor wanneer die stroom deur die
resistor verhoog? Het dit toegeneem of afgeneem?
3. Bevestig jou resultate Ohm se wet? Verduidelik.
Vrae en bespreking:
1. Bereken die gradiënt vir elkeen van jou grafieke en gebruik dit om die weerstand
van die oorspronklike resistor te bereken. Kry jy dieselfde waarde vir elke grafiek
se berekening?
2. Hoe sal jy te werk gaan om die weerstand van ’n onbekende resistor te bepaal
deur slegs ’n energiebron, ’n voltmeter en ’n bekende resistor (R0) te gebruik?
Sien simulasie: 27BF op www.everythingscience.co.za
Oefening 11 – 1: Ohm se wet
1. Gebruik die data in die onderstaande tabel om die volgende vrae te beantwoord.
Voltmeterlesing, V (V) Stroom, I (A)
3,0 0,4
6,0 0,8
9,0 1,2
12,0 1,6
a) Teken ’n grafiek van potensiaalverskil (spanning) op die x-as en stroom op
die y-as.
b) Watter tipe grafiek word verkry (reguitlyn, parabool, ander kurwe)?
c) Bereken die gradiënt van die grafiek.
d) Bevestig jou resultate Ohm se wet? Verduidelik.
e) Hoe sal jy te werk gaan om die weerstand van ’n onbekende resistor te
bepaal deur slegs ’n energiebron, ’n voltmeter en ’n bekende resistor, R0,
te gebruik?
Hoofstuk 11. Elektriese stroombane
379