everything maths and science - C2B2A

10.4 Opsomming ESE64
Sien aanbieding: 27B3 op www.everythingscience.co.za
• Elektromagnetisme is die bestudering van die eienskappe en verwantskappe tussen
elektriese strome en magnetisme.
• ’n Stroomdraende geleier veroorsaak ’n magneetveld om ’n geleier.
• Die rigting van ’n magneetveld word gevind deur die gebruik van die regterhandreël.
• Elektromagnete is tydelike magnete wat gevorm word deur stroomdraende geleiers.
• Magnetiese vloed is die produk van die komponent van magnetiesevloeddigtheid
loodreg op die lus en die oppervlakte van die lus, φ = BAcos(θ).
• Elektromagnetiese induksie vind plaas wanneer ’n veranderende magneetveld ’n
spanning in ’n stroomdraende geleier veroorsaak.
• Die grootte van die geïnduseerde emk word deur Faraday se wet van elektromagnetiese
induksie gegee: E = −N ∆φ
∆t
Oefening 10 – 3:
Fisiese Hoeveelhede
Hoeveelheid Eenheid naam Eenheid simbool
Geïnduseerde emk (E) volt V
Magnetiese veld (B) tesla T
Magnetiese vloed (φ) weber Wb
Tyd (t) sekonde s
1. Wat het Hans Oersted oor die verhouding tussen elektrisiteit en magnetisme
ontdek?
2. Lys twee gebruike van elektromagnetisme.
3. a) ’n Uniforme magnetiese veld van 0,35 T bestaan in die vertikale posisie. ’n
Stukkie karton met ’n oppervlakarea van 0,35 m2 word horisontaal neergesit
binne-in die veld. Wat is die magnetiese vloed deur die karton?
b) Die een kant word dan gelig sodat ’n skuinsvlak van 17◦ met die positiewe
x-rigting vorm. Wat is die magnetiese vloed deur die karton? Wat sal die
geïnduseerde emk wees indien die veld nul is na 3 s? Hoekom?
4. ’n Uniforme magneetveld van 5 T bestaan in die vertikale rigting. Wat is die
magneetvloed deur die horisontale oppervlakarea 0,68 m 2 ? Wat is die vloed
indien die magneetveld verander om in die positiewe x-rigting te wees?
5. ’n Uniforme magneetveld van 5 T bestaan in die vertikale rigting. Wat is die
magnetiese vloed deur die horisontale radius 0,68 m?
Hoofstuk 10. Elektromagnetisme
373