everything maths and science - C2B2A

Faraday se wet stel dat daar ’n verband is tussen emk en die tempo van die verandering
van vloed, wat die produk van die magneetveld en die deursnee area waardeur die
veldlyne beweeg is.
BELANGRIK!
Dit is nie die oppervlak van die draad self nie, maar die oppervlak wat die draad
omring. Dit beteken dat as jy die draad in ’n sirkel buig, die oppervlak wat ons in ’n
vloed-berekening gebruik die buite-oppervlak van die sirkel is, nie van die draad nie.
In hierdie illustrasies, waar die magneet op dieselfde vlak as die stroombaanlus is, sal
daar nie ’n stroom wees nie, selfs as die magneet nader en verder weg beweeg word.
Dit is omdat die magneetveldlyne nie deur die oppervlak wat omsluit word beweeg
nie, maar parallel daarmee. Die magneetveldlyne moet deur die area beweeg wat deur
die stroombaanlus omsluit word om emk te induseer.
A
Rigting van geïnduseerde stroom ESE62
Die belangrikste ding om te onthou is dat die geïnduseerde stroom watter verandering
ookal plaasvind, teêwerk.
In die eerste illustrasie (links) beweeg die suidpool van ’n magneet nader na die stroombaan.
Die grootte van die magneetveld word groter. Die geïnduseerde emk sal reageer
deur die veld in die rigting van die pool wat sterker word te probeer teêstaan. Die
veld is ’n vektor, daarom vloei die stroom in ’n rigting wat sal veroorsaak dat die veld
wat ontstaan as gevolg van die stroom neig om die magneetvelde teen te werk. Die
resultante veld word dus dieselfde gehou.
Om die verandering van die suidpool wat van bo af nader kom teen te staan, moet die
stroom veldlyne genereer (opwek) wat wegbeweeg van die pool wat nader beweeg.
Die geïnduseerde magneetveld moet daarom veldlyne hê wat aan die binnekant van
die lus afloop. Dit word veroorsaak deur die stroomrigting wat deur pyltjies aan die
bokant van die stroombaanlus aangedui word. Toets dit deur die regterhandreël te
gebruik. Hou jou regterduim in die rigting van een van die pyle en let op watter velde
afwaarts draai in die area wat met die lus omring is in.
Hoofstuk 10. Elektromagnetisme
363