everything maths and science - C2B2A

moontlik dat die voëlbevolkings nie van ’n hoë sterftesyfer mag herstel nie. Ons het
al onderdeur kragdrade in die Overberg en die Karoo geloop en gery en al die dooie
voëls getel. Die data wys dat duisende van hierdie voëls elke jaar doodgaan as gevolg
van botsings; Ludwig se poue is nou ’n bedreigde spesie as gevolg van die hoë vlak
van onnatuurlike sterftes. Ons kyk ook na maniere om die probleem te verminder en
werk al vir ’n tyd lank saam met Eskom om alternatiewe toestelle om lyne mee te merk,
te toets. Wanneer merkers aan die kragdrade gehang word sou die voëls die drade dalk
van verder weg kon sien, wat hulle genoeg tyd sal gee om ’n botsing te vermy.”
Invloed van velde:
Die feit dat ’n veld om ’n kragdraad vorm beteken dat hulle moontlik oor ’n groot
afstand ’n invloed kan hê. Dit word al ’n tyd lank bestudeer en is steeds ’n onderwerp
vir hewige debat. Toe hierdie stuk geskryf is, het die Wêreldgesondheidsorganisasie
riglyne neergelê vir menslike blootstelling aan elektriese- en magneetvelde wat aangedui
het dat daar geen duidelike verband tussen blootstelling van die publiek aan
elektriese- en magneetvelde van kragdrade en gesondheidsprobleme is nie, omdat
hulle almal uiterse lae frekwensies velde is.
Die geraas wat kragdrade maak kan ook inmeng met radiokommunikasie en uitsendings.
Die kragdrade of geassosieerde hardeware genereer ongewenste radioseine wat
die gewenste radioseine oorheers of daarmee kompeteer. Die geraas van die kragdrade
kan ’n invloed hê op die kwaliteit van radio- en televisie-ontvangs. Ontwrigting
van radiokommunikasie, soos amateurradio, kan ook plaasvind. Verlies aan kritiese
kommunikase van polisie, brandweer, militêre en soortgelyke gebruikers van die radiospektrum
kan meer ernstige gevolge hê.
Groepbespreking:
• Bespreek die inligting hierbo.
• Bespreek ander maniere waarop kragdrade die omgewing beïnvloed.
Oefening 10 – 1: Magneetvelde
1. Gee bewyse vir die bestaan van ’n magneetveld naby ’n stroomdraende draad.
2. Beskryf hoe jy jou regterhand sal gebruik om te bepaal in watter rigting ’n magneetveld
om ’n stroomdraende geleier beweeg.
3. Gebruik die regterhandreël om die rigting van die magneetveld in die volgende
situasies te bepaal:
Hoofstuk 10. Elektromagnetisme
FEIT
Wanneer weerlig ’n skip
of vliegtuig tref kan dit
skade aanrig of die
magnetiese kompas
affekteer. Daar is
voorvalle opgeteken van
weerligslae wat die
polariteit van kompasse
so verander het dat die
naald na suid in plaas van
noord wys.
359