everything maths and science - C2B2A

1. een 9 V battery met houer
2. twee verbindingsdrade met krokodilklampe
3. kompas
4. stophorlosie
Metode:
1. Verbind die drade aan die battery, maar los een end van elke draad onverbind
sodat die stroombaan nie geslote is nie.
2. Maak seker dat jy die stroom tot 10 sekondes op ’n slag beperk (jy mag wonder
hoekom - dit is omdat die draad baie min weerstand bied op sy eie, so die
battery sal baie vinnig pap word). Ons doen dit om die batterylewe te spaar en
om oorverhitting van die drade en batterykontakte te vermy.
3. Plaas die kompas naby aan die draad.
4. Sluit die stroombaan en let op wat met die kompas gebeur.
5. Keer die polariteit van die battery om en sluit die stroombaan. Let op wat met
die kompas gebeur.
Gevolgtrekkings:
Gebruik jou waarnemings om die volgende vrae te beantwoord:
1. Wek ’n stroom wat deur ’n draad vloei ’n magnetiese veld op?
2. Is die magnetiese veld teenwoordig wanneer daar geen stroom deur die drade
vloei nie?
3. Hang die rigting van die magneetveld wat deur ’n stroom opgewek word af van
die rigting waarin die stroom vloei?
4. Hoe affekteer die rigting waarin die stroom vloei die magneetveld?
Magnetiese veld om ’n stroomdraende lus ESE5V
Tot dusver het ons slegs gekyk na reguit drade wat ’n stroom dra en die magneetvelde
daarom. Ons gaan kyk na die magneetveld wat opgewek word deur ’n sirkelvormige
draadlus wat ’n stroom dra omdat die veld baie nuttige eienskappe het - jy sal, byvoorbeeld
sien dat ons daarmee ’n uniforme magneetveld kan opwek.
354 10.2. Magneetveld wat met ’n stroom geassosieer word