everything maths and science - C2B2A

9.3 Elektriese veld ESE5K
Ons het in die vorige afdeling gesien dat puntladings kragte op mekaar uitoefen selfs
wanneer hulle ver van mekaar af is en nie aan mekaar raak nie. Hoe ’weet’ die ladings
van die bestaan van ander ladings rondom hulle?
Die antwoord is dat jy aan elke lading kan dink asof dit in die ruimte deur ’n elektriese
veld omring word. Die elektriese veld is die gebied in die ruimte waarin die elektriese
lading ’n krag sal ondervind. Die rigting van die elektriese veld verteenwoordig die
rigting van die krag wat ’n positiewe toetslading sal ervaar as dit in elektriese veld
geplaas word. Met ander woorde, die rigting van die elektriese veld by ’n punt in die
ruimte is dieselfde as die rigting waarin ’n positiewe toetslading sal beweeg as dit op
daardie punt geplaas word.
DEFINISIE: Elektriese veld
’n Gebied in die ruimte waarin ’n elektriese lading ’n krag sal ondervind. Die rigting
van die krag by ’n punt in die ruimte is die rigting waarin ’n positiewe toetslading sal
beweeg as dit op daardie punt geplaas word.
Die voorstelling van elektriese velde ESE5M
Ons kan die grootte en rigting van ’n elektriese veld by ’n punt voorstel deur elektriese
veldlyne te gebruik. Dit is soortgeyk aan die voorstelling van magnetiese velde rondom
magnete deur die gebruik van magnetiese veldlyne, soos wat jy in Graad 10 geleer het.
In die volgende afdeling sal ons kyk na hoe elektriese veldlyne rondom geïsoleerde
ladings lyk.
Positiewe lading wat op ’n toetslading inwerk
Die groote van die krag wat deur ’n toetslading ervaar word as gevolg van ’n ander
lading is aan Coulomb se wet onderhewig. In die diagram hieronder, by elke punt
rondom die positiewe lading, +Q, bereken ons die krag wat ’n positiewe lading, +q,
sal ervaar en stel hierdie krag (’n vektor) dan met ’n pyl voor. Die kragvektore vir
sommige punte rondom +Q word in die diagram aangedui, saam met die positiewe
toetslading +q (in rooi) geleë by een van die punte.
+q
+Q
332 9.3. Elektriese veld