everything maths and science - C2B2A

6. Laat die filtreerpapier effens droog word (of laat dit oornag staan) en weeg dit
dan. Die vaste stof wat op die filtreerpapier agterbly is magnesiumkarbonaat.
Resultaat:
Die vergelyking vir hierdie reaksie is: MgSO 4(aq) + Na2CO3(aq) → Na2SO4(aq) +
MgCO 3(s)+H2O (l).
Gebruik die vergelyking hierbo om die persentasie opbrengs van die magnesiumsulfaat
te bereken. Onthou dat jy die beperkende reagens moet bepaal.
Gevolgtrekking:
Die uitvoering van ’n eksperiment het ons in staat gestel om die persentasie opbrengs
vir die reaksie te bereken.
Oefening 8 – 7: Stoïchiometrie
1. Gegee die volgende reaksie:
3Fe2O3(s) + CO (g) → 2Fe2O4(s) + CO2(g)
Indien 2,3 kgvanFe2O3en 1,7 kg van CO gebruik word, wat is die massa Fe2O4
wat gevorm kan word?
2. Natriumnitraat ontbind met verhitting en vorm natriumnitriet en suurstof volgens
die volgende vergelyking:
2NaNO3(s) → 2NaNO2(s)+O2(g)
’n Chemikus gebruik 50 g natriumnitraat om die reaksie hierbo uit te voer. Die
chemikus vind dat 36 g natriumnitriet gevorm word. Wat is die persentasie opbrengs?
3. Benseen het die volgende persentasie samestelling: 92,31% koolstof en 7,69%
waterstof.
Bepaal die molekulêre formule van benseen as die molêre massa van benseen
78 g·mol−1 is.
4. Cuprite is ’n klein kopererts. Dit is grotendeels saamgestel uit koper(I)oksied
(Cu2O). Jennifer wil weet hoeveel koperoksied in ’n monster van cuprite is . Sy
het ’n monster cuprite wat 7,7 g weeg. Sy voer ’n paar eksperimente daarop
uit en vind dat die ysteroksied en smeltkroes (’n houer wat gebruik word om
verbindings in te meet) ’n massa van 7,4 g het. Die massa van die smeltkroes is
0,2 g. Wat is die persentasie suiwerheid van die cuprite?
5. ’n Monster wat tindioksied (SnO2) bevat, moet getoets word om te sien hoeveel
tindioksied dit bevat. Die monster weeg 6,2 g. Swawelsuur (H2SO4) word
bygevoeg en tinsulfaat (Sn(SO4)2) vorm. Die vergelyking vir die reaksie is:
SnO2(s) + 2H2SO4(aq) → Sn(SO 4 ) 2 (s) + 2H2O(l)
As die massa van tinsulfaat gevorm 4,7 g is, wat is die persentasie suiwerheid
van die monster?
Hoofstuk 8. Kwantitatiewe aspekte van chemiese verandering
313