everything maths and science - C2B2A

• Avogadro se wet beskryf dat gelyke volumes gas by dieselfde temperatuur en
druk dieselfde hoeveelheid molekules bevat.
• Die universele gaskonstante (R) is 8,314 J·K−1 ·mol−1 . Hierdie konstante word
gevind deur pV
T vir 1 mol van enige gas te bereken.
• Bogenoemde berekening kan uigebrei word en toegepas word op enige aantal
mol gas en gee die ideale gasvergelyking:
pV = nRT
In hierdie vergelyking moet SI-eenhede gebruik word. Die SI-eenheid vir volume
is m 3 , vir druk, Pa en vir temperatuur, K.
Oefening 7 – 7:
Fisiese Hoeveelhede
Hoeveelheid Eenheid naam Eenheid simbool
Druk (p) pascal Pa
Mol (n) mol mol
Temperatuur (T ) kelvin K
Volume (V ) kubieke meter m 3
1. Gee een woord of term vir elk van die volgende definisies.
a) ’n Gas met identiese deeltjies, zero volume en geen intermolekulêre kragte
tussen deeltjies nie.
b) Die wet wat beskryf dat die volume van ’n gas direk eweredig is aan die
temperatuur van die gas, mits die druk en die hoeveelheid gas konstant bly.
c) ’n Maatstaf van die gemiddelde kinetiese energie van die gasmolekules.
2. Watter een van die volgende eienskappe van ’n vaste hoeveelheid gas moet
konstant gehou word gedurende ’n ondersoek na Boyle se wet?
a) digtheid
b) druk
c) temperatuur
d) volume
(IEB 2003 Paper 2)
3. Drie houers van gelyke volume word gevul met gelyke massa helium, stikstof
en koolstofdioksied onderskeidelik. Die gasse in die drie houers is almal by
dieselfde temperatuur. Watter een van die volgende stellings oor die druk van
die gasse is korrek?
a) Al drie gasse sal onder dieselfde druk verkeer
b) Helium sal die grootste druk uitoefen
c) Stikstof sal die grootste druk uitoefen
d) Koolstofdioksied sal die grootste druk uitoefen
Hoofstuk 7. Ideale gasse
289