everything maths and science - C2B2A

Oefening 7 – 5: Die algemene gasvergelyking
1. ’n Geslote gassisteem het ’n aanvanklike volume van 8 L en ’n temperatuur van
100 ◦ C. Die druk van die gas is onbekend. As die temperatuur van die gas
verminder tot 50 ◦ C en die gas ’n volume van 5 L beslaan en die druk van die
gas is 1,2 atm, wat was die aanvanklike druk van die gas?
2. ’n Ballon is gevul met helium by 27 ◦ C en ’n druk van 1,0 atm. As die ballon styg,
vermeerder die volume van die ballon met ’n faktor van 1,6 en die temperatuur
verlaag tot 15 ◦ C. Wat is die finale druk van die gas (aanvaar dat niks ontsnap
het nie)?
3. 25 cm 3 van gas by 1 atm het ’n temperatuur van 25 ◦ C. Wanneer die gas saamgepers
word tot 20 cm 3 , verhoog die temperatuur van die gas tot 28 ◦ C. Bereken
die finale druk van die gas.
Dink jy jy het dit? Kry oplossings en meer oefening op ons Intelligent Practice Service
1. 276C 2. 276D 3. 276F
www.everythingscience.co.za m.everythingscience.co.za
Die ideale gasvergelyking ESE52
In die vroeë 1800’s, het Amedeo Avogadro opgemerk dat monsters van verskillende
gasse met dieselfde volume, by spesifieke temperatuur en druk, dieselfde hoeveelheid
vry bewegende deeltjies bevat (atome of molekules).
DEFINISIE: Avogadro se wet
Gelyke volume gas by dieselfde temperatuur en druk bevat dieselfde hoeveelheid molekules.
Jy sal onthou vanuit die vorige afdeling dat ons verskillende gasvergelykings gekombineer
het om een te kry, wat temperatuur, volume en druk insluit. In hierdie vergelyking
pV
T
= k
is die waarde van k verskillend vir verskillende massas van ’n gas.
Ons vind dat wanneer ons k vir 1 mol van ’n gas bereken kry ons:
pV
T
= 8,314
Hierdie resultaat het ’n spesiale naam. Dit is die universele gaskonstante,R. R word
gemeet in eenhede van J·K −1 ·mol −1 . Dit maak nie saak watter gas ons gebruik nie,
1 mol van daardie gas sal dieselfde konstante hê.
Hoofstuk 7. Ideale gasse
WENK
’n Joule kan gedefinieer
word as Pa·m 3 . So
wanneer jy die ideale
gasvergelyking gebruik,
moet jy die SI-eenhede
gebruik om seker te maak
dat jy die korrekte
antwoord kry.
281