everything maths and science - C2B2A

dat die temperatuur en volume van die ingeslote gas direk eweredig is.
DEFINISIE: Charles se wet
Die volume van ‘n ingeslote gasmonster is direk eweredig aan sy Kelvin temperatuur
mits die druk van die gas konstant gehou word.
Informele eksperiment: Charles se wet
Doel:
Om Charles se wet te demonstreer.
Apparaat:
glasbottel (bv. leë glas Coke bottel), ballon, beker of kastrol, water, warmplaat
Metode:
1. Plaas die ballon oor die opening van die leë bottel.
2. Vul die beker of kastrol met water en plaas dit op die warmplaat.
3. Laat staan die bottel in die beker/kastrol en skakel die plaat aan.
4. Neem waar wat gebeur met die ballon.
Resultate:
Jy behoort waar te neem dat die ballon begin uitsit. Soos die lug in die bottel verhit
word, sal die druk toeneem wat veroorsaak dat die volume ook moet toeneem. Aangesien
die volume van die bottel nie kan toeneem nie beweeg die lug in die ballon in
en veroorsaak dit dat die ballon uitsit.
Gevolgtrekking:
Die temperatuur en volume van die gas is direk eweredig aan mekaar. Wanneer die
een toeneem sal die ander een ook toeneem.
Jy kan dit ook sien as jy die bottel in die yskas plaas. Die ballon sal krimp na die bottel
vir ‘n kort rukkie in die yskas was.
Wiskundig kan die verband tussen die temperatuur en druk soos volg voorgestel word:
V ∝ T
In ander woorde, die volume is direk eweredig aan die temperatuur.
Of, vervang die eweredigheidsteken met die eweredigheidskonstante (k):
V = kT
Hoofstuk 7. Ideale gasse
267