everything maths and science - C2B2A

3. Die lug binne ‘n spuit beslaan ‘n volume van 10 cm 3 en oefen ‘n druk van
100 kPa uit. Indien die punt van die spuit geseël word en die suier ingedruk
word, neem die druk toe tot 120 kPa. Wat is die volume van die ingeslote gas in
die spuit nou?
4. Gedurende ‘n ondersoek om die verband tussen die druk en volume van ‘n
ingeslote gas by konstante temperatuur te vind, is die volgende resulate verkry:
Volume (dm 3 ) 12 16 20 24 28 32 36 40
Druk (kPa) 400 300 240 200 171 150 133 120
a) Teken ‘n grafiek van druk (p) teenoor volume (V). Volume word op die x-as
en druk op die y-as geplaas. Verduidelik die verwantskap wat jy sien.
b) Teken ‘n grafiek van p teenoor 1
. Beskryf die verwantskap wat jy in die
V
grafiek sien.
c) Ondersteun jou bevindinge die wet van Boyle? Verduidelik jou antwoord.
5. Masoabi en Justine eksperimenteer met Boyle se wet. Beide gebruik dieselfde
hoeveelheid gas. Die data wat hulle gebruik is in die onderstaande tabel:
Masoabi Justine
Aanvanklik Finaal Aanvanklik Finaal
Temperatuur (K) 325 350 325 325
Volume (dm 3 ) 1 3 1 3
Druk (Pa) 650 233 650 217
Masoabi en Justine stry oor wie reg is.
a) Bereken die finale druk wat verwag sal word deur die aanvanklike druk en
volume asook die finale volume te gebruik.
b) Wie het Boyle se wet reg gevolg en waarom?
Dink jy jy het dit? Kry oplossings en meer oefening op ons Intelligent Practice Service
1. 275T 2. 275V 3. 275W 4. 275X 5. 275Y
www.everythingscience.co.za m.everythingscience.co.za
Charles se wet: Volume en temperatuur van ‘n ingeslote gas ESE4X
Die wet van Charles beskryf die verband tussen die volume en die temperatuur van
‘n gas. Die wet is die eerste keer deur Joseph Louis Gay-Lussac in 1802, gepupliseer.
Hy het egter ongepubliseerde navorsing van Jacques Charles, van die jaar 1787,
aangehaal. Die wet stel dit dat die volume van ‘n gegewe massa van ‘n ideale gas sal
toeneem of afneem met dieselfde faktor as die toename of afname van die temperatuur
(in Kelvin) van die gas by konstante druk. Nog ‘n manier om die wet te stel is om te sê
266 7.2. Ideale gaswette