everything maths and science - C2B2A

OPLOSSING
Stap 1: Skryf al die inligting wat jy in verband met die gas het neer
V1 = 2,5 L
V2 = 2,8 L
p1 = 695 Pa
p2 =?
Stap 2: Kies ‘n toepaslike gaswet om die onbekende veranderlike te bereken.
Die gasmonster is by ‘n konstante temperatuur en daarom kan ons Boyle se wet gebruik:
p2V2 = p1V1
Stap 3: Vervang die bekende waardes in die vergelyking (maak seker dat die eenheid
vir elke veranderlike dieselfde is) en bereken die onbekende waarde.
(2,8)p2 = (695)(2,5)
(2,8)p2 = 1737,5
p2 = 620,5 kPa
Die druk van die gas by ‘n volume van 2,8 L is 620,5 kPa
Stap 4: Kontroleer jou antwoord
Boyle se wet stel dit dat die druk omgekeerd eweredig is aan die volume. Aangesien
die volume toegeneem het moet die druk afneem. Ons waarde vir die druk is laer as
die oorspronklike druk en daarom kan ons antwoord moontlik wees.
Oefening 7 – 2: Boyle se wet
1. ‘n Onbekende gas het ‘n aanvanklike druk van 150 kPa en ‘n volume van 1 L
terwyl die temperatuur konstant gehou word. Die volume neem toe tot 1,5 L.
Bereken die druk by hierdie volume.
2. ‘n Fietspomp bevat 250 cm 3 lug by ‘n druk van 90 kPa. Indien die lug saamgepers
word verlaag die volume tot 200 cm 3 . Wat is die druk van die lug in die pomp
by die nuwe volume?
Hoofstuk 7. Ideale gasse
265