everything maths and science - C2B2A

A B
Die meetbare effek van die konstruktiewe- of destruktiewe interferensie by ‘n versperring
hang van die tipe golwe waarmee ons werk af. Indien ons met klankgolwe doenig
is sal dit byvoorbeeld baie raserig wees by die punte langs die versperring waar konstruktiewe
interferensie plaasvind en stil waar destruktiewe interferensie gebeur.
NOTA:
Die patroon van konstruktiewe en dan destruktiewe interferensie wat ‘n end vanaf ‘n
enkele spleet gemeet word, kom voor vanweë twee eienskappe van golwe, buiging en
steuring. Soms word hierdie patroon ‘n steurpatroon (of interferensiepatroon) genoem
en soms ‘n diffraksiepatroon of buigpatroon. Beide benoemings is korrek en beide
eienskappe word benodig vir die patroon om waarneembaar te wees. Ter wille van
konsekwentheid sal ons dit ‘n diffraksiepatroon in die res van die boek noem.
Die sterkte van die diffraksiepatroon vir ‘n enkele, nou spleet lyk só:
A B
Die prent hierbo wys hoe die golffronte inmeng om die diffraksiepatroon te vorm. Die
kruine stem ooreen met die plekke waar die golwe opbouend bymekaartel en die trôe
is waar afbrekende steuring gebeur. Wanneer jy na die prentjie kyk sal jy sien dat,
wanneer die golflengte (die afstand tussen twee opeenvolgende kruine/trôe) verskil,
die patroon ook sal verskil. Byvoorbeeld, indien die golflengte halveer word, sal die
skets só lyk:
244 6.5. Diffraksie deur ’n enkelspleet