everything maths and science - C2B2A

5.8 Opsomming ESE4C
Sien aanbieding: 274K op www.everythingscience.co.za
• Ligstrale is lyne wat loodreg op die lig se golffronte val. In geometriese optika
stel ons ligstrale voor met reguitlyn-pyle.
• Ligstrale weerkaats vanaf oppervlaktes. Die invalstraal skyn op die oppervlakte
terwyl die geweerkaatste straal vanaf dieselfde oppervlakte gebons word. Die
normaal is die loodregte lyn wat getrek word waar die invalstraal die oppervlakte
ontmoet.
• Die invalshoek is die hoek tussen die inkomende straal en die oppervlak. Die
inkomende straal, geweerkaatste straal en die normaal lê almal in dieselfde vlak.
• Die wet van weerkaatsing sê dat die invalshoek (θi) gelyk is aan die weerkaatsingshoek
(θr) en dat die weerkaatsde straal in dieselfde vlak as die inkomende
straal is.
• Lig kan geabsorbeer en deurgelaat word.
• Die spoed van lig, c, is konstant in ’n gegewe medium en lig het ’n maksimum
spoed in ’n vakuum, neemlik 3 × 10 8 m·s −1 .
• Breking kom voor by die grens tussen twee mediums wanneer lig beweeg van
een medium na die ander en die lig se spoed verander maar sy frekwensie dieselfde
bly. As die ligstraal die grens tref teen enige hoek wat nie loodreg of
parallel aan die grens is nie, dan sal die lig van rigting verander en lyk asof dit
‘buig’.
• Die brekingsindeks (simbool n) van ’n materiaal is die verhouding tussen die
spoed van lig in ’n vakuum, en die spoed van lig in die materiaal en dit gee ’n
indikasie van hoe moeilik dit is vir lig om deur die materiaal te beweeg.
n = c
v
• Optiese digtheid is ’n maatstaf van die brekingsvermoë van ’n medium.
• Die normaal van ’n oppervlak is die lyn wat loodreg is op die oppervlak.
• Die invalshoek word gedefinieer as die hoek tussen die normaal van die oppervlak
en die invallende (inkomende) ligstraal.
• Die brekingshoek word gedefinieer as die hoek tussen die normaal en die gebreekte
ligstraal.
• Snell se wet verskaf die verwantskap tussen die brekingsindeks, invalshoeke en
weerkaatsingshoeke van twee media.
n1 sin θ1 = n2 sin θ2
• Lig wat van een optiese medium na ’n digter optiese medium beweeg, buig na
die normaal.
Lig wat van een optiese medium na ’n minder digte optiese beweeg, buig weg
van die normaal.
• Die grenshoek van ’n medium is die waarde van die invalshoek wanneer die
brekingshoek 90 ◦ is. Die gebroke straal in hierdie geval lê langs die skeidingsvlak
tussen die twee media.
Hoofstuk 5. Geometriese Optika
233