everything maths and science - C2B2A

innekern
omhulsel
Figuur 5.17: Die struktuur van ’n enkele glasvesel.
Optiese vesels in telekommunikasie Optiese vesels word algemeen in telekommunikasie
gebruik. Die rede hiervoor is omdat inligting met min dataverliese oor lang
afstande kan beweeg. Daarom is glasvesel meer voordelig as konvensionele kabels.
Seine word vanaf een punt na ’n ander in die vorm van laserpulse gestuur. ’n Enkele
optiese vesel kan meer as 3000 uitsendings tegelyktydig oordra. Dit is ’n groot verbetering
op die konvensionele ko-aksiale kabels. Veelvuldige uitsendingsoordragte word
verkry waarneer individuele ligpulse teen effens verskillende hoeke gestuur word. Byvoorbeeld,
indien een ligpuls ’n invalshoek van 72,23 ◦ maak, dan kan ’n ander ligpuls
teen ’n hoek van 72,26 ◦ gestuur word! Die sein wat uitgesaai is, word amper gelyktydig
by die ander ent van die kabel ontvang. Die rede is dat inligting teen die spoed van
lig beweeg indien dit op ’n laser gekodeer is. Oor lang afstande word versterkerstasies
gebruik om seine wat verswak het, te versterk. Die versterkte seine word dan weer
vanaf versterkerstasie na versterkerstasie gestuur totdat dit sy bestemming bereik.
Optiese vesels in geneeskunde Optiese vesels word in geneeskunde in endoskope
gebruik.
Die belangrikste deel van ’n endoskoop is die optiese vesel. Lig word langs die optiese
vesel af geskyn en ’n mediese dokter kan die endoskoop gebruik om binne die liggaam
van ’n pasiënt te kyk. Endoskope kan gebruik word om die binnekant van ’n pasient
se maag te ondersoek, deurdat die endoskoop in die pasient se keel afgedruk word.
Endoskope laat toe dat minder-indringende chirurgie kan plaasvind. Dit beteken dat ’n
persoon gediagnoseer en behandel word deur middel van ’n klein snit (insnyding) in
die vel. Dit hou voordele in bo oop chirurgie omdat endoskopie vinniger en goedkoper
is. Daarbenewens herstel die pasiënt ook vinniger. Die alternatief is oop chirurgie
wat meer geld en tyd vereis. Boonop is dit meer traumaties vir die pasiënt.
Oefening 5 – 5: Total interne weerkaatsing en veselglas
1. Beskryf totale interne weerkaatsing deur middel van ’n diagram. Verwys ook na
die voorwaardes waaraan voldoen moet word sodat totale interne werkaatsing
kan plaasvind.
2. Beskryf wat met grenshoek bedoel word wanneer daar totale interne weerkaatsing
plaasvind. Sluit ’n straaldiagram in om die konsep te verduidelik.
3. Sal lug wat van diamant na silikoon beweeg ooit totale interne weerkaatsing
ondergaan?
4. Sal lug wat van saffier na diamant beweeg ooit totale interne weerkaatsing ondergaan?
5. Wat is die grenshoek van lig indien dit van lug na asetoon beweeg?
Hoofstuk 5. Geometriese Optika
FEIT
Endoskopie beteken om
binnekant te kyk en
verwys na ’n
geneeskundige diagnose
wat gemaak word deur
die binnekant die liggaam
te bestudeer.
231