everything maths and science - C2B2A

Elke media paar het hul eie unieke grenshoek. Byvoorbeeld, die grenshoek vir lig wat
beweeg vanaf glas na lug is 42 ◦ , en dié water na lug is 48,8 ◦ .
Informele eksperiment: Die grenshoek vir ’n reghoekige glasblok
Doelwit:
Om die grenshoek vir ’n reghoekige glasblok te bepaal.
Apparaat:
reghoekige glasblok, straalkissie, 360 ◦ gradeboog, papier, potlood en liniaal
Metode:
1. Plaas die glasblok in die middel van die stuk papier en teken die blok se buitelyn
met die potlood.
2. Skakel die straalkissie aan en fokus die ligstraal na die linkerkant van die glasblok.
Verstel die hoek waarmee die lig die glasblok tref totdat jy sien dat die
gebreekte straal langs die bokant van die glasblok beweeg (d.w.s die brekingshoek
is 90 ◦ ). Hierdie situasie moet soortgelyk aan dié in die diagram lyk:
straalkissie
θi
lug
reghoekige glasblok
3. Teken ’n kolletjie op die papier of die punt waar die lig die glasblok binnekom
vanaf die straalkissie. Teken dan ’n kolletjie op die papier by die punt waar die
lig gebreek word (by die bokant van die glasblok).
4. Skakel die straalkissie af en verwyder die glasblok van die papier.
5. Gebruik nou die liniaal om ’n lyn te trek tussen die twee gemete kolletjies. Hierdie
lyn stel die gebreeekte straal voor.
6. Wanneer die brekingshoek 90 ◦ is, is die invalshoek gelyk aan die grenshoek.
Daarom moet ons die invalshoek meet om die grenshoek te bepaal. Dit word
met die gradeboog gedoen.
7. Vergelyk jou antwoord met die res van die klas en bespreek moontlike redes
hoekom dit dalk mag verskil (alhoewel dit soortgelyk moet wees!)
Hoofstuk 5. Geometriese Optika
227