everything maths and science - C2B2A

die wiele deur die lang gras te stoot. Gevolglik sal die grassnyer inwaarts na die langer
gras draai soos in die prent voorgestel word. Dit is ooreenkomstig met lig wat deur
’n medium beweeg en dan ’n ander medium met ’n hoër brekingsindeks of optiese
digtheid binnegaan. Die lig sal van rigting verander, na die normaal, net soos die
grassnyer in die langer gras. Die teenoorgestelde gebeur wanneer die grassnyer van ’n
area met lang gras na korter gras beweeg. Die kant met die korter gras beweeg vinniger
en die grassnyer beweeg uitwaarts, net soos ’n ligstraal wat van ’n medium met ’n hoër
brekingsindeks na ’n medium met ’n laer brekingsindeks beweeg.
kort gras lang gras
Figuur 5.14: Die grassnyer beweeg vanaf ’n area met kort gras na ’n area met langer gras. Wanneer
dit die grens tussen die areas bereik, sal die wiele in die langer gras stadiger beweeg as
die wiele in die kort gras. Dit veroorsaak dat die grassnyer van rigting verander en binnewaarts
buig.
Uitgewerkte voorbeeld 2: Gebruik Snell se wet
VRAAG
Lig word op die grens tussen water en ’n onbekende gebreek. As die invalshoek 25 ◦ is
en die brekingshoek 20,6 ◦ is, bereken die brekingsindeks van die onbekende medium
en gebruik Tabel 5.1 om die stof te identifiseer.
OPLOSSING
Stap 1: Bepaal wat gegee is en wat gevra word
Die invalshoek θ1 =25 ◦
Die brekingshoek θ2 =20,6 ◦
Ons kan die brekingsindeks van water opsoek in Tabel 5.1: n1 = 1,333.
Ons moet die brekingsindeks vir die onbekende medium bereken en dit dan identifiseer.
Stap 2: Bepaal hoe om die probleem te benader
Ons kan Snell se wet gebruik om die onbekende brekingsindeks te bereken,n2
Hoofstuk 5. Geometriese Optika
221