everything maths and science - C2B2A

Bespreking:
θ1 θ2 n1 sin θ1 n2 sin θ2
Kyk na jou voltooide tabel. Jy behoort 5 rye ingevul te hê, een ry vir elke stukkie A4
papier. Vir elke ry, wat let jy op oor die waardes in die laaste twee kolomme? Stem
jou waardes ooreen met wat Snell se wet voorspel?
Formele eksperiment: Gebruik Snell se wet om die brekingsindeks van ’n onbekende
stof te meet
Doel:
Om die brekingsindeks van ’n onbekende stof te meet
Apparaat:
straalkissie, 360 ◦ gradeboog, 5 stukkies A4 papier, ’n blok van ’n onbekende deurskynende
stof, potlood, liniaal
Metode:
Hierdie eksperiment vereis dat jy die volgende stappe ten minste 5 keer herhaal. Die
stappe is dieselfde as in die vorige eksperiment.
1. Plaas die glasblok in die middel van die stukkie A4 papier sodat die kante van
die glasblok parallel is die kante van die papier. Trek met behulp van die potlood
die omtrek van die glasblok op die papier.
2. Skakel die straalkissie aan en rig die ligstraal na die glasblok sodat dit ’n hoek
met die naaste oppervlak maak. Vir elke stukkie papier, verander die hoek van
die inkomende ligstraal.
3. Jy sal die pad van die inkomende en uitgaannde ligstrale op die papier moet
merk. Doen dit deur eers ’n kolletjie op die papier te maak iewers op die pad
van die inkomende straal. Maak nou ’n tweede kolletjie op die papier waar die
inkomende ligstraal die oppervlak van die glasblok tref. Doen dieselfde vir die
uitgaande ligstraal; merk die punt waar dit die glasblok verlaat en enige ander
punt op sy pad.
4. Skakel nou die straalkissie af en verwyder die glasblok van die papier. Gebruik
’n liniaal om die kolletjies van die inkomende ligstraal te verbind. Verbind nou
die kolletjies van die uittredende ligstraal. Laastens, teken ’n lyn wat die punte
waar die inkomende straal die blok tref en waar die uitgaande straal die blok
verlaat, verbind. Hierdie is die pad van die ligstraal deur die glas.
218 5.6. Snell se wet